Daniel 2:14 - Godigo dwagi yai po buku

¹⁴ Tialima, Ariok, te kingo ami bidi dabede te polalubo ofisa bidi, te hodolama peyu, te Babilonde kolesaga konea pai bidi dabe ela mugi painu yai. Tama Danielgo te homu kone bugagia palama, te Ariok dali miabo po sunumi dodolali.

Daniel 2:14 Iomraidhean Croise

Tigidali Nai Gagalama Nigali Side 37:36

Tama tidubadi, te Isipde te Midian dabego Josep te Isip tuni bidigo ofisa bidi me deli, te Potifarbolo mani, tama agai Josep te monego mu abelai. Potifar te Isip tuni bidigo genuai be tonalubo ami bidi dabe augwali tonalubo bidi dao.

Jeremaia 39:9

Te Nebusaradan, aga te Babilon ami dabego polalubo ofisa bidi te Jerusalemde bidali, agai te Jerusalemde bidaluali we bidi tigidali selama, te augwali Babilonba kalabus igi painu odasa pali. Te Jerusalem tagalama, agaba polobadu wi asali Juda dabe me selama, te agai augwali me te Babilonba kalabus igi peyu, odasa pai dao.

Jeremaia 52:12

Te Nebukatnesar te Babilonde king 19 yia bidali, te waiya side, te a naga polua, te dei nogo si wabo te deli kibu bede naga, Nebusaradan, te Babilon king aga boi bidigo elidali weyu tonalubo bidi hani dabe augwa polalubo ofisa bidi, te Jerusalemba asali, te Babilon kingo sę tonaluagasai dao.

Jeremaia 52:14

Te Nebusaradan dali bidali hani dabe, te Babilon ami tigidaligo te masigigo nigali genuai obo alulama, dolai dao.

Daniel 2:15

Tama agai Ariokba te tiwai po hanalu wali, “Magi baso kingo te sesena pai bidi tiwai eyu, tama bomai po weyu, te kolesaga po page konea pai bidi dabe ela muaiba po waliwe?” Tama Ariokgo Danielba te tama sę pedelali po wai.

Daniel 2:24

Daniel te Ariokba pali, te bidi te kingo nogo tų dąį ilama, te Babilon po page koneai bidi dabe elimainu yali bidi da, tama Danielgo agaba te tama po wai, “Nago te po page koneai bidi dabe munu me eligio,” wai. “Nago ena te kingba sela pao, tama eno agaba te na yali po olama, tama te na yali page agaba pusaibao,” wali.