Daniel 12:2 - Godigo dwagi yai po buku

² Tama Godigo te genuai hani isali we bidi ma hodolaibao. Meba augwaligo te sesemane sogo bidada peyu, bidada pabo wiegi yai ula saibao. Tiali goli, mebago te hale genuai mu elaluyu, tama augwali te sesemane sogo bidada peyu, bidada paibao.

Daniel 12:2 Iomraidhean Croise

Bugagia Bidibo Kolesagade Po Asęai Buku 12:8

Te wiegi yai homu elalubo bidi yai baso da, teda te we bidi dabego aga nogi ugwaba saibao. Tiali goli, te homu kolesaga gagea pai bidi da, augwaligo te aga nogi aiyaba elalubo dao.

Aisaia 26:19

Tiali goli, naga te hani polo isila pali, tama augwali megi hulia sai madi bidibao. Te augwali ma hodaloama, te ula ma sueibao. Nago te isai bidi dabe bidibo ula ma mabo dao, te hulide tulubage segeni elama, te tǫ wa pai madi te gesi noma nosai hogonu ma holomainu ebo tiwai ebo dao. Dage te gų pagede pila mubo bage, dage hodaloama, dage wiegi yai homu elama, po hae waiąo.

Aisaia 66:24

Te augwa eno be tagalobo sogo, te augwa hagoma elama, eno po sela sąwani hani dabe tigi, te tǫde pila muna muna pabo sueibao. Te dwasianu sawi dabego augwa tigi dabe tuyu, te bidada paibao. Te isigo augwa tigi deyu, te me siligobeo. Te tigidali we bidigo te bidi hani dabego tigi sueibao, te damua pai dwai nai mu tiwai yaibao,” God Genuai Bidigo te po wai dao.

Jeremaia 20:11

Tialima, Genuai Bidi, nage te bomai ami bidi me deli tiwai elalu, te nago ena tialu tau sainu elalubao. Tama te bidi dabego enaba dwai sę pedalumainogo yali, te dwai sęgo augwa aiyaba ma elaluama, te augwaligo ena aiyaba elalueinogo ebaso, usu me egobeo. Mu menio. Te augwa dwai hale mu eyu, tama augwa te hale te tigidali sogo elaludubadi, te me siligobeo.

Esekiel 37:12

Tiali goli, eno homugo nago eno po augwalibolo pusulama, tama augwalibolo e tama po augwalibolo pusao, te ena Genuai Bidigo po, ena God Genuai Bidi, eno dagego gų page tų dalama, tama dage buluba odasa aselama, tama dage kantri Israelba ma odasa paibao, te duga tǫ mu dao.

Hosea 13:14

Tiali goli, nosali eno te Israel bage te isali bidi dabego pesagede ma saibao. Isibo, ena te dwai nai tiwai pedelama, tama nage ela mu silaibao. Te isai bidigo pesage, ena te moni dwai gasi tiwai pedelama, tama nage dwai mu dolaibao. Eno te Israel dabeba te olo tau sabo wiegi yai homu kolesagago tau me sogobeo,” wali.

Matyu 25:46

Tama te bidi hani augwali te dwai dene genuai sigi paibao, te sesemane sogo dene iduabo bulude bidaibao. Tiali goli te doloba pai we bidi dabe augwali da, te sesemane sogo bidada peyu, bidada pabo ula selama bidaibao,” Jisasgo te po wai.

Godigo Sęba Tagala Palai Bidigo Po 24:15

Eno konealubo homugo God koneama, nosali we bidi tigidali gų pagede ma hodolaibao, te me badu we bidi dwagi yai kolesaga yali we bidi hani da, te me badu dwai kolesaga yali we bidi hani da. Tama te sę yabo sogo asobo eno tonalubao. Tialima, te Juda hani bidi me augwaligo te sę yabo sogo tonalubao.

Godigo Sęba Tagala Palai Bidigo Po 7:60

Aga kidu sugunama, agai Godibolo i bomo elama, te po wai, “Genuai Bidi, nago augwaligo te enabolo ebo dwai sę sęgę nago sela sąyao,” te po wai. Te po olama, aga isai. 8:1a Tama te bidi Sol agai augwaligo Stiven ela mubo sulama, Sol agai te sęde usu da wali.

Polgo Po Pas Rom Dabeba Asęani 9:21

Te sene nigibo bidigo te agai mama tǫ pedai me deli selama, tama te tǫgo te sene si nigali, me deli te wiegi yai sę yabo sene te wiegi yai nigali, tama me deli te olo sę yabo dwai sene nigai. Aga homu naga wali peyu, tama te tiwai ebaso da, te usu da, po meni, te aga sę dao.”

1 Tesalonaika 4:14

Da tigidaligo te Jisas aga isilama, tama ma hodaloai dao, te dago te mu po da homu eyu, konealubo dao. Tama tibaso, da tigidali Jisas dali wadoloyu bidibaso, dago e po me konealubo dao, te Godigo te Jisasgo bomode te agai po wali pelama isali we bidi Jisas aga dali ma hodasa sela asaibao.

Kraisgo Geme Dualali Sę Pedelabo Po Jonbolo Ola Mani 20:12

Tama eno ma suali, te isai we bidi dabe augwali bidaluali, te augwali nogi yai bidi dali, te nogi meni yai bidi dabe dali, augwali te tuni bidi dulalubo nai te gesabidide dodolalubo, te eno suali. Tama te saide dulalubo bidi agai te buku meba dagawai. Tama agai gasa buku me deli dagawali, te augwali isiąma gamonaibao wali we bidi nogi asęani buku dao. Tama agai te tigidali isai we bidi dagalai. Agai te augwaligo yali kolesagade po te buku dabede asęani po nedama, tama te asęani pode agai augwali dagalali.