Daniel 11:41 - Godigo dwagi yai po buku

⁴¹ Te ami dabe te Godigo aga we bidiba mawainu yali wiegi yai tǫba sabolaibao, tama augwaligo te genuai hani we bidi ela mueibao. Tiali goli, te amigo te bulu tǫ kantri Idom, me Moap, me te genuai bulu tǫ kantri Amon, te badu me sogobeo.

Daniel 11:41 Iomraidhean Croise

Jeremaia 48:47

“Tialima, te nosali sogode eno te Moap wiegi yai ma pedalumainu yaibao. Ena Genuai Bidi, eno te po walio.” Genuai Bidigo te Moap bage dagalabo po tigidali wali, te silali dao.

Jeremaia 49:6

“Tialima, nosali eno dage bidibo te wiegi yai ma pedalumainogo yaibao. Ena Genuai Bidi, eno te po wai dao,” wali.

Jeremaia 9:26

Te e bage te Isip dabe, me Juda dabe, me Idom dabe, me Amon dabe, me Moap dabe, me te olo masigi kemi tǫde bidalubo bage me, te augwa gesabi badu tobolu nisi pęwadage sugą sobao. Te hani augwali te Genuai Bidigo po odisąbo bage, te Israel dabe augwaligo me te hani bagego kolesaga wali palio. Te Israel dabe me, augwa hale ebo tigiwali togosiąwai ąǫ tiwai yai dao,” wali.

Daniel 11:16

Tama te Siria tǫ kingo te magi sę yainu, te aga homugo digi ebaso, te mena bidigo aga me paligobeo. Agai te Godigo aga we bidi dabeba te wiegi yai mani tǫ saibao, tama agai te nai dabe dolobo sę yaibao,” wali.

Daniel 11:42

Te kingo te bulu tǫ kantri hauwa aiyaba elalu, me te Isip tǫ kantri bugagia sula tagalu elalumainu me egobeo. Menio.

Daniel 11:45

“Tama agai te aga genuai ugwa be sę yaibao, te genuai tamu ąį Mediterenian edaba togoliyu, te Godigo polalubo bulu du ugwaba togoliyu elama, tomode agai te genuai wiegi yai name ugwa be dabe sę yaibao. Tiali goli, te aga dolama, tama te mena bidi me deligo aga tau me sogobeo,” te bidi te da tǫde bidi tiwaigo te po wai.

Daniel 8:9

Tama gesi kom dwasianu te ni honu pedalubo tiwai eyu, te me si me si elaluali kom tomodu pedelali. Te gesi komgo bomo te genuai pedelai. Tama agai te saut badu, me giliga pedalubo badu, me te Godigo aga we bidiba te wiegi yai mani tǫde bidali we bidi dabe augwali aiyaba elalualio.