Daniel 11:11 - Godigo dwagi yai po buku

¹¹ Tialima, te Isip kingo te wado ebo homu sębę genuai mu elalu, te aga pelama, te Siria kingba hwįgi pelama, tama agai te genuai ami aiyaba elaluama, tama augwali kalabus yaibao,” wali.

Daniel 11:11 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 20:13

Te sogode te profet me deli te king Ahapba pelama, agabolo te tama po walali, “Genuai Bidi Godigo te tiwai po wai, ‘Te Benhadatgo genuai ami soldia hani suao. Megi da, eno te nago augwali aiyaba elalumainu sula tagalaibao. Te nago koneama, ena digi ena Genuai Bidi da wao.’ Genuai Bidigo te po wai,” te profet bidigo wali.

Te Israel me Juda Hani Sigo Tuni Bidigo Po Elalubo Buku Deli 20:28

Tialima, te profet te king Ahap bidibo madiba ma pelama, agabolo te tiwai po wai, “Genuai Bidigo te tama po walio, ‘Te Siria dabego ena te bulu dude bidibo God da tiwai po obao, tama ena te odogo bulude God meni da po wai. Tama tialima, eno dagego te augwaligo genuai ami bidi dabe aiyaba elalubo si da, teda dage Israelgo koneagameo, ena digi ena Genuai Bidi dao, dagego te tama po waibao,’ God Genuai Bidigo te po wai,” profet bidigo te po wali.

Godigo Nogi Ugwaba Sabo Tęąbi Po Wabo Buku Dabe 76:10

Te bidi dabego haliga sębę yali, tiali goli, te tebogo te gasa bidi dabego nago nogi ugwaba somainu ebao. Tama te hwįbode dolisawąni bidi dabego te genuai lotu wabo sogode te nageba lotu waibao.

Jeremaia 27:6

Megi da, eno te dagego tǫ kantri dabe te ena sę bidi mawaibao, te Babilon king Nebukatnesarbolo mobao. Tama me te eno tigidali bulu uni hasa sibi me agaba menama, te aga dologode bidaibao.

Daniel 11:12

“Agai te hwįanide te aga wiegi yai homu pemene yaibao. Agai te ami bidi hauwa umabo mu elaibao, tiali goli agai te yali bomo tiwai te sesabi elama gana me elalugobeo,” wali.

Daniel 11:40

“Te tigidali dagalude me tǫde nai sia sabo sogo da, teda te saut tǫ badu te Isip kingo te Siria bulu tǫ te not badu bidali king dali hwį yagasaibao. Te polo tama te Siria tǫ kingo te hwįbo nai karis dabe, me hos, me te hwįbo sip dabe selama, tama asesa polo pelama, te Isip king dali te bomo elama, hwįgi painu yaibao. Agai te bulu tǫ kantri hauwa te ąį genuai asobo tiwai elama, aiyaba elalueibao.

Daniel 11:44

Tiali goli, nosali te bidi dabego agaba te giliga pedalubo badu, me te not badu te nai dabe agaba pedelabo po obaso, tama te pogo aga wi ilaibao. Tama aga haliga dwai mu elama, te hwįbo bomo mu igi pelama, tama te we bidi hani hauwa mu silaibao,” walio.

Daniel 11:5

“Te sogo te saut badu bidali te bulu tǫ kantri king, te Isip tǫ da, te bomo elalueibao. Tiali goli agai polaluali ami ofisa bidi me deli te gasa bulu tǫ kantri te not badu king pedelaibao. Tama agai bomo te genuai mu elama, tama te Isip kingo bomo aiyaba elalueibao. Tama te ofisago tonalubo bulu tǫ kantri te genuai mu pedalugulaibao.

Daniel 2:38

Agai nago te tigidali tǫde bidibo we bidi hani, me tigidali hasa sibi, me ba sibi, te tonalumainu ebo bidi nigali. Te nade te augwaligo te tobolu golgo nigali tiwai, te nage digi dao.

Daniel 8:7

Tama agai te sipsip dali hwįbo eno suali. Te memego wado mu dwai eyu, tama nogo sągą dili bomo dede pelama, tama dolo udayu, tama te omai sipsipba hudula paligi pali, tama agai gąų kom si togwa sąwani. Te omai sipsipgo aga degelabo bomo meni yani, tama te memego aga te tǫba aiya daboasa sąnama, tama aga dolagila mu agaga pali. Tama te magi nai me deligo te sipsip tau sabo usu me ebeo.