Daniel 11:10 - Godigo dwagi yai po buku

¹⁰ Tama po ma weyu, agai te po wai, “Te Siria kingo ogwa dabego te ami hauwa umabo selama, te sisinagaselama, te augwaligo hwįabo sisi yaibao. Tama polo tama te kingo ogwa dabe me deligo te ami dabe selama, te augwali asesa polo pelama, te bulu hauwa aiyaba elalu, te wę genuai asobo tiwai yaibao. Tama augwaligo te bomai obo banis elalubo taunba hwįgi paibao, te Isip kingo tonalubo bulu tǫba pelama, hwįgi paibao.

Daniel 11:10 Iomraidhean Croise

Aisaia 25:12

Tama agai augwaligo hanu bomai obo dabe hųgia sąwaibao. Megi da, te obo dabe sigide ugwanu mu te elalubao. Tiali goli, agai te obo dabe tǫba mu tulalumainu yaibao.

Jeremaia 51:42

Te boi bidi augwaligo Babilon halua saibao, te tamu ąį dinigo te ąį sane mesega sabo tiwai yaibao.

Daniel 11:22

“Te genuai ami hanigo hwįagasali te tagalao, agai te augwali aiyaba elaluama, tama augwali mu silaibao. Tama me, agai te Godigo we bidigo hetpris aiyaba elalueibao.

Daniel 11:26

Te aga ofisa dabego digi te aga dolaibao. Tama te Siria dabego agai ami dabe mu dolama, tama te bidi sese hauwa tausen ami ela mueibao.

Daniel 11:7

Nosali dwasianu bidama gana, te we aga dali deli kaneme bidi me deli te Isip bulu tǫ kantri king pedelaibao. Tama te king pelama, te Siria tǫ kingo ami bidi dabe dali hwįgi pelama, tama te taun bomai obo banis elalubo tomoba pelama, tama te Siria dabe dali hwįnama, te augwali aiyaba elalueibao.

Daniel 11:9

tama nosali te Siria king te Isipba pelama, te Isip dabe dali hwįaibao. Tama aga bulu tǫ kantriba ma geasa paibao,” agai te po wai.

Daniel 9:26

Te 62 taims 7-pela yia wali, te silibo si da, teda augwaligo te Godigo Sa Munama Nigilali Genuai Bidi ela mubaso, tama aga nai deli me elalugobeo. Tama te bomai king me deligo genuai ami hani aselama, tama Jerusalem me Godigo be dali dolaibao. Te hwįnama dolobo sę me te genuai wę asiyu, te pobele bage daseasa soabo tiwai yaibao. Tama te genuai boi hwįbo te elalua pidubadi, te tigidali nai sia sabo sogoba usu nama, tama tigidali nai te Godigo wali po gilama te dolaibao.