Daniel 10:5 - Godigo dwagi yai po buku

⁵ Eno te ugwaba tonobadi, tama eno te bidi me deli te nami ugwa wiegi yai beali bidi suali, tama augwaligo te wiegi yai golgo nigali kukulu muai.

Daniel 10:5 Iomraidhean Croise

Aisaia 11:5

Te tama doloba pai kolesagago tama aga we bidi tonaluaibao. Aga bomo elama bidiyu, aga sę bugagia yaibao.

Jeremaia 10:9

Te bidi dabego te silva te tǫ kantri Spende siyu, me gol te tǫ kantri Ufasde sobadi elama, tama te gol me silva sę ebo bidi dabeba menama, te augwa god dabe augwaligo mesegelimainu tebao. Te wiegi yai nami ugwa nigibo bidi dabego, augwa te sisi ugwa me mama yai nigilama, te god dabe au ilainu tiaibao.

Esekiel 9:2

Te polo mu tama, te not badu te Godigo be obo bagulali badu te bidi nogo a naga, me deli te tomoba asalio. Tigidaligo te bainat hwą, me te bidi elabo gasa nai dabe sela asali. Te gasa bidi me augwali dali asali. Aga te wiegi yai ugwa bea selama, tama aga dwasianu gamugi dage te kukulude kęą salio. Te asęabo doado bage te gamugi dage tomode elaluali. Te tigidali bidi aselama, augwaligo te brasgo nigali alta sai pąba dolagasalio.

Sekaraia 1:8

Te hulide eno nai me nade subo nai tiwai me suali. Tama eno Genuai Bidigo ensel bidi kaneme hosde dualasa asobo suali. Te hos te bulu odogo mede ni tomode dolalubo suali. Tama meba hos dabe aga tudi badu dolalubo suali. Te hos dabe meba te kaneme hos, meba te nala hos, meba hos dabe te popoi pai hos dabe suali. Tama te ensel dabe te hos dabede dualalubo suali.

Efesus 6:14

Awe, dage e tama tiwai dola selama dolaluao. Dagego Godigo mu po te duga kugulu tiwai gudulama, tama bugagia dąų olama, tama te doloba pai wiegi yai kolesaga ebo te dagego duga hagawia sesela sabo nai tiwai abiao.

Josua 5:13

Josua te hanu Jeriko pąde bidali sogo, agai bidi me deli te bainat hwą ge tolaluyu, dolalubo suai. Tama Josua aga dwai noma mu selama, tama agaba pelama, tama agabolo hanalu wali, “Nage te dago ami bidi me deli dawe, ma nage te boi bidi me deli dawe?” te po wai.