Daniel 10:16 - Godigo dwagi yai po buku

¹⁶ Tialima, te bidi te da tǫde bidi tiwai da, agai te aga nogo te eno pedauwaliba muai. Tama eno pedauwali dagayu, tama eno agaba te tiwai po wali, “Genuai bidi, eno te na sulama, tama ena wi dwai mu elama, tama eno bomo tigidali silalio.

Daniel 10:16 Iomraidhean Croise

Ma Dobola Sali 4:10

Tama Mosesgo Genuai Bidi dali te po wai, “Tama Genuai Bidi, tiali goli polobadu bidi hauwa gedude eno po bugagia wai menio. Tama megi nago ena dali po wali, tialima tego ena te po wabo bidi tiwai egobeo. Eno pedauwali sęgę mu yai, tama eno po bugagia wainogo ebo, te usu egobeo,” wali.

Ma Dobola Sali 4:13

Tiali goli Mosesgo te po wai, “Genuai Bidi, eno usugobeo. Nago gasa bidi tagala palao.”

Kolesaga Koneai Bidigo Pusali Po Elalubo Buku 1:18

Mu tama, te homu kolesaga hauwa koneani bidigo, te aga homu kone kolesaga konebo te genuai uga uga ela holobo sogo, te agai haliga sęgę genuai mu pedalubo dao.

Aisaia 6:7

Agai te isi eno pedauwalide munama, agai te po wali, “Eno te isi nago pedauwalide muani dao. Tama nago dwai sęgę sia selama, tama megi Genuai Bidigo nago yali dwai sę sela sąwai dao,” wali.

Jeremaia 1:9

Te po olama, Genuai Bidigo agai nogo eno pedauwaliba munama, tama enaba te tama po wali, “Odao, megi eno po te nago pedauwaliba mubaso, te po nago pusaibao.

Esekiel 1:26

Te bagua sai nai daide ugadu te nai me deli king dugabo sia sai tiwai augwaligo te gasa tedali sisi dagalu tiwai masigigo nigai elalualio. Tama bidi te dugabo sia kingde dugulalubo tiwai elaluai.

Esekiel 3:27

Tiali digi me sogo eno homugo nago eno po te we bidi dabe augwaliba pusumainogo ebo sogo da, teda te eno nago po wabo usu ilaibao. Te nago augwaliba te tama waibao, ‘Te po da, te Genuai Bidi God aga po da.’ Te nago po augwaliba pusubo si da, te mebago nago po odaibao. Tiali digi, mebago nage tudiba mueibao, magi baso meni, augwali te po sela sąbo we bidi dabe naga bidibao,” te po walio.

Daniel 12:8

Eno agai te po wabo odali, tiali goli eno kuna mu bugagia konebeo. Tama eno agaba te tama po hanalu wali, “Tiali goli, genuai bidio, te sę dabe te magi elama silaibawe?”

Daniel 4:19

Danielgo te na page koneai, tama agai te homu si eyu, tama te kingba pusabo wiegi yai homu pemene isąwani. Tama aga te po polo wei ponebeo. Tiali goli, kingo agaba te po wai, “Beltesasar, tama nago homugo te na elalumaina homu elama, tama te na yali pagede nago haliga sęgę emainu egio,” wali. Tialima, Beltesasargo te po wai, “King o, eno homude te nade yali sę nageba pedalubo te eno hagela homu yai. Eno homugo te nago boi bidi dabe augwaliba naga pedalumainu homu yai dao.

Daniel 7:15

Eno te nai dabe te nade sulama, tama ena midigi mu selama, tama homu hauwa dogia palio.

Daniel 7:28

Te eno nade suali po tigidali te tama dao. Ena Daniel, ena wi dwai mu elama, tama eno gesabidi te hasegelama, tedela yali. Tama eno te nai dabede homu kone palobo homu mu yalio.

Daniel 8:15

Ena te Daniel, eno te yali naba tonaluabo homu idubadi, tama eno te na page gegabo homu bomo yali. Tama polo tama te eno bidi me deli te ena pąde dolalubo suali.

Daniel 8:17

Tialima, Gebriel te ena pąba dolagasali, tama ena agade wi dwai mu elama, tama ena degasa dulama, tama eno gesabidi te tǫba aiya pogulai. Tama Gebrielgo enabolo te tama tiwai po wali, “Nage olo bidi tama da,” wali, “tiali goli, eno homugo nago te na page konemainu ebao. Te nade yali sę te tigidali dagalu dali, tǫ dali si silabo sogo pąde te pedalubo sę po te elaluali dao,” po wai.

Daniel 8:18

Agai po odubadi yaide, ena gedu gęǫ page elama, tama ena tǫba mu degasa dulali. Tiali goli, agai ena nogo tola selama, te ena ugwaba sagolama, tama ena dolugulai.

Daniel 8:27

Eno te po oda selama, tama ena haliga sęgę mu yali, tama meba sogode ena gasi tiwai yali. Gasi silama da, te ena hogodama, tama ena te king Belsasargo mani sęba ma palio. Tama te nade eno homu hauwa ebo sę yali, tiali goli eno te na page kuna koneabo usu meni yanio.

Daniel 9:21

Eno gedu haluasa po odubadi, tama te ensel Gebriel, eno te hasia yali nade suali, te aga bola dulu, te ena bidibo pesageba asali. Tama te sogo, te dago polobadu iduali te pio ofa ebo sogo dao.

Dwagi Yai Gesi Po Lukgo Asęani 1:64

Tama augwaligo homu tųą palio. Polo tama Sekaraia agai po wabo ma usu yalio. Tama agai hamena ma usu yali.

Dwagi Yai Gesi Po Lukgo Asęani 21:15

Ena digi ena koneai bidigo po dage pedauwaliba muaibao. Te baso, dagego boi bidi dabego te po sela sąnama aiyaba elalugobeo.

Dwagi Yai Gesi Po Jongo Asęani 20:28

Tomasgo aga dali po wei ponoyu te po wai, “Nage eno Genuai Bidi dao, tama nage eno God nage dao,” Tomasgo te po Jisas dali wai.

Josua 5:14

Te bidigo te po wei ponai, “Ena te ami bidi meni, tama ena te boi menio. Ena te Genuai Bidi Godigo ami kepten bidi dao,” wai. Te Josua aga tobolu te tǫba aiyaba mu pogulama, tama agabolo lotu po weyu, te po wai, “Ena nago sę bidi dao. Nago homugo eno mena sę emainogowe?” te po wai.

Kraisgo Geme Dualali Sę Pedelabo Po Jonbolo Ola Mani 1:13

Tama eno suali, te sole dabe munalubo tomode bidi me deli te bidi mu tiwai tede dolalubo suai. Tama te bidi aga bobage ugwago sągą halua sai bidi, tama te bidigo tigide eno suai, te kapa golgo nigali nai aga hagawia bagulai nai te eno suai.

Te Israel Tobolu Bidi Dabe 13:8

Tama Manoago Godiba gedu haluasa po weyu, te po wali, “Genuai Bidi, te nago tagala palali bidi, te eno homugo te bidi te nago da siba ma asomainu tagala palao. Tama agai da sibolo te wai nosali pedalubo si sabo sę po tigidali te da sibolo wagasomainu homu yai,” te po wai.

Te Israel Tobolu Bidi Dabe 6:13

Tama Gideongo agabolo te po wali, “Genuai bidi, eno te po me deli nagebolo hanalu obao. Te Genuai Bidi da dali bidibao wida, magi baso te dwai sę dabolo pedelama elalubawe? Tama agai polobadu dago hani tau sali wiegi yai kolesaga, te tobage kolesaga agai te megi ma ebo menio. Magi basowe? Agai te dago wąį dabe te Isipdu sela soali, tama dago aya dedego dabolo te tiwai po pusai. Tiali goli, megi da, Genuai Bidigo da tagalama, tama da te Midian dabego nogode bidibao.” Gideongo te po wali.

Te Israel Tobolu Bidi Dabe 6:15

Tama Gideongo te tiwai po wei ponani, “Tiali goli, Genuai Bidio, te eno Israel dabe mena tama ma dobola sogowe? Eno hanigo bomo menio. Te gasa Manasego hani dabego da aiyaba elaluali. Tama ena da, te ena hanide te olo nai tiwai elalubao,” wali.