Daniel 1:19 - Godigo dwagi yai po buku

¹⁹ Tama te kingo augwali dali po mibo sogo, te agai te tiwai suali, te Daniel, me Hanania, me Misael, me Asaria, te bagego koneani kolesagago te gasa gesi bidi dabego koneani kolesaga aiyaba elaluai. Tama agai augwali te kingo sę yabo bidi pedalumainu ilalio.

Daniel 1:19 Iomraidhean Croise

Tigidali Nai Gagalama Nigali Side 41:46

Josepgo kibu be te 30 kibu be elalubadi, tama aga te Isip tuni bidi Ferogo sę gagalama yali. Tama Josepgo te Fero taga peyu, aga te Isip tǫ pedai sesede usu nama bilali.

Te Israel me Juda Hani Sigo Tuni Bidigo Po Elalubo Buku Deli 17:1

Elaija aga te Tisbe taundu asai profet bidi deli da, aga te Gileat tǫ page bidi da. Me sogo deli aga aselama, tama te king Ahap suagaselama, tama agai agabolo e tama po wali, “Ena Godigo sę bidi dao, Israel hani dabe dena Genuai Bidi. Te God tigidali sogo bidada peyu, bidada pabo God dao, tama agai nogide eno nagebolo dolo po mu obao, te kulubage me, te hulide asobo segeni wę me asisiąbadi, te si sela kibu beba usu nigi paibao,” te po tama wali. “Tama tilaludu bididubadi, tama eno po wabo sogo bodoluba usu nagasaibao,” Elaijago te po wai.

Bugagia Bidibo Kolesagade Po Asęai Buku 22:29

Te bidigo wiegi yai sę ebaso da, teda aga te kingo sę bidi pedelaibao. Te tobage bidi te nogi meni yai bidigo sę bidi me pedalugobeo.

Jeremaia 15:19

Tialima, Genuai Bidigo enabolo po wei ponoyu te tiwai wali, “Te nage haliga begelama, enaba ma begasa asobaso da, teda nage eno ma selama, te nago eno sę ma yagameo. Te nago dwai po pusubo tagalama, te nago wiegi yai po naga pusubaso da, teda nage eno pedauwalide po sabo bidi bidagameo. Tama te we bidi dabe nage wali pomainogo yaibao, tialima nage augwali wali me pelamu dao.

Daniel 1:18

Te tigidali gesi bidi te kibu be sela te skul wabo silali, te king Nebukatnesargo dąį ilali gilama yali, tama te Aspenasgo augwali te kingba odasa pepela yali.

Daniel 1:4

Agai te gesi ogwa bidi dabe te wiegi yai gesabidi, me tigi wiegi yai yai naga sao po wali. Tama te tigi me badu dolali te me sigio, tama te wiegi yai kolesaga hauwa koneama, tama te wiegi yai skul olama, te kolesaga polo konea pabo bidi dabe naga sao, wali. Tama tiyu, augwaligo te kingo bede sę ebaso, usu yaibao. Tama Aspenasgo digi te augwaliba te nedebo me asębo sę te Babilon pode ola mayu, tama te Babilon bagego polobadu asęani wiegi yai kolesaga tigidali me ola momainogo yai dao.

Daniel 1:5

Tama kingo te tiwai po me wali, te tigidali side augwaligo te kingo bede nai sabo bidi dabego ebo kolesaga tiwai eyu, te nai me wain wę tumainu yaibao wali. Augwali te skul sabo te kibu be selade waibao, tama nosali augwali te kingo sę bidi pedelaibao, wai dao.

Daniel 1:6

Te Juda hani gesi ogwa bidi dabe tomode te Aspenasgo te bidi me si me si sai elaluai. Augwa nogi e tiwai, Daniel, me Hanania, me Misael, me Asaria dao.

Daniel 1:7

Tama Aspenasgo gesi noma nogi augwaliba mawai. Agai te Danielgo nogi te Beltesasar polali, te Hananiago nogi te Satrak poali, tama Misael agai te Mesak poali, tama Asaria nogi te Abetnego poai dao.

Daniel 2:13

Tama te kolesaga konea pai bidi dabe ela muao wabo po augwaligo ola tolama, tama augwali meba pelama, te Daniel me, aga abagi dabe sela dali, te augwali me ela muainu yali.

Daniel 3:29

Te niwai god me deligo te aga we bidi tau siyu, te Satrak, me Mesak, me Abetnego, te augwa Godigo yali tiwai me egobeo. Tama megi eno te po wainu ebao. Te bidi dabego te Godiba posobo po wabo te habu mu dao. Te mena bulu kantri tǫ bidi dabego, me te mena hani bidi, ma te mena tobage po wabo bidi hani, augwaligo te tama tiwai po obaso da, teda eno te augwali tigi tologolama, miminama, te augwali isaibao. Tama eno te augwaligo be me te pobele bage tiwai pedalumainu ilaibao,” wali.