Amos 3:1 - Godigo dwagi yai po buku

¹ Dage Israel, dage tigidali hani Genuai Bidigo dage Isipde ma dobola selama, odasa asali, dagego agai dagebolo mabo po odiąo.

Amos 3:1 Iomraidhean Croise

Tuni Bidi Dabego Po Elalubo Buku Si 20:15

Tama agai e tama po wali, “King Jehosafat, me Jerusalem we bidi, dage me tigidali Juda bulu we bidi, dagego bugagia odiąo. God Genuai Bidigo te po wali, ‘Dage te genuai ami hanide wi elama homu sęgę kuna igimio. Menio. Te hwįabo te God agaduba sę dao, te dagego sę menio.

Aisaia 46:3

“Tialima, dage dwasianu Israel te bidibo hani, dage te Jekopgo hani, dage hani eno selama, te bugagia negeyu tonaluali, te dage gesi hani we bidi pedelali sogo gagalasa, tama tiali, dagego odao.

Aisaia 48:12

Genuai Bidigo te tiwai po wai, “Dage Israel, eno i wali we bidi dabe, dage Jekopgo hani dabe, dagego eno po odiąo. Enaduba deli naga God dao. Ena polasa mu bidai, te nosali ena sabi badu nosali mu elalueibao.

Jeremaia 13:11

Hasia ena Genuai Bidi, eno te Israel hani me Juda hani enaba bomonama kęą pagasai elalu, te name ugwa bidigo tigide kukulu tiwai dąų olama bealubo tiwai yali. Eno tama tiali, te augwali eno we bidi hani bidiyu, te augwa eno nogi ugwaba siyu, te ena wiegi yai pemene eyu, te enaba genuai nogi momainogo yali. Tiali goli, augwaligo eno po odobo hagela homu yai dao,” wali.

Jeremaia 31:1

Genuai Bidigo te tama po wai, “Te eno bodolu muani sogo yagasobode, teda ena te Israel hani tigidali augwa God bidaibao, te augwali eno we bidi hani mu pedelaibao.

Jeremaia 8:3

Te dwai we bidide te Juda hani dwasianu bage naga elaluali, tama te tǫba kantri dabeba ela gudulaibao. Tama te Juda dabego augwa bidabo wiegi yai ula te godolo homu me egobeo. Te augwali isabo homu naga yaibao. Ena Tigidali Bomo Elalubo Genuai Bidi, eno te po wai dao,” wali.

Hosea 4:1

Genuai Bidigo te kantri tǫde bidibo we bidi dabeba po kisilama wali. Dage Israel, te Genuai Bidigo po odao. Agai te tama po wai, “Te bulu tǫ kantride bidibo we bidi dabego te mu po wabo kolesaga konesiąma, tama augwa abagi dabe digi te godolo homu me ebeo. Augwaligo te ena augwa Genuai Bidi da homu me isąwai.

Hosea 5:1

“Dage pris dabe, dagego te po odiąo. Dage Israelgo, eno poba olo bugagia muiąo. Tama dage kingo hani, dagego odiąo. Dagego te doloba pai po tų odobo sę elalubao, tiali goli dagego tama me tibeo. Tama tiyu, duga digi te po tųba dodolobao. Dage prisgo tibo lotu te Mispade hodolama, tama te bulu du Taborde, me te Sitim taunde tiai. Tama te dagego te we bidi dabego homu kolesaga dolali. Tama tiyu, dage te hasa kę, me te hasa waba bulubo tǫ dedage tiwai elaluali. Tama eno dage dodolomainogo eyu, te dwai dene dage tigidaliba mawaibao,” walio.

Amos 2:10

Hasia bolo eno digi dage te Isipde selama, te dage odasa asai. Ena dage asobadu polasa peyu, te masigi kemi tǫde bididubadi, te kibu be bidi sese si, 40 yia yali, tama te tudi badu eno te Amor dabe dolama, dageba te augwaligo tǫ mawai dao.

Amos 4:1

Dage Samaria we dabego, te po odiąo. Dage mu nisalio, te Basan bulude elalubo wiegi yai bulmakau dabego nosai hauwa tulama, nisibo tiwai pedelali. Dagego te bomo kimi meni yai we bidi dabeba dwai sę ebo dao. Tama dagego te magi nai doado bage meni yai bidi dabeba sęgę menama, te dagego augwali dwasianu hobede me ebeo. Menio. Dagego te duga bidi tonalu, te augwaliba e tiwai i weyu, “Te tubo bomai ąį hauwa sesao. Da gęǫ page yaibao,” wabo dao.

Amos 5:1

Dage Israel hani dabe, dagego te isai bidide wabo balia odao. Megi ena, Amos, eno dageba te balia obao, magi baso meni, dage te isai bidi tiwai yaibao.

Maika 2:3

Tialima, Genuai Bidigo te po obao, “Odiąo. Eno dage dolabo homu ebao, te wi pabo usu me egobeo. Te dage hagoma elama bilainu ebaso, usu me egobeo, magi baso meni, te dwai sogo mugo dage gegaibao.

Maika 3:1

Te Jekop hani polalubo bidi dabe, dage Israel tobolu bidi dabe, odiąo. Dagego te doloba pai kolesaga godolo elama, yabo sę elalubao,

Sefanaia 2:5

Tega, dage Kenan tǫde bidibo Filistia dabe, nambisde bidibo Keret bage, dage me dolaibao! Genuai Bidigo dage po tų ela mawai dao. Tama agai dage dolama, tama bidi deli me bidigobeo.

Kraisgo Geme Dualali Sę Pedelabo Po Jonbolo Ola Mani 2:29

“Olo elalubo bidi, agai te Godigo Mobo Bidi agai Godigo po odobo we bidi hani dabebolo wabo po bugagia odao.”