Amos 1:4 - Godigo dwagi yai po buku

⁴ “Awe, eno isi te king Hasaelgo sę yani genuai wiegi yai beba te sia tula palaibao, tama te isigo te king Benhadatgo taun ulaibao, te bomai obo elalubo taun dao.

Amos 1:4 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 19:15

Tialima, Genuai Bidigo agabolo te tama po wali, “Nago te naga sunumi wali pelama, tama pidubadi, te tǫ wa pai bulu te Damaskus hanu pąba sabolao. Te nosali nage te taun tomoba pelama, te Hasael sulama, te nago aga toboluba te wel ąį gelao, aga te Siria king bidi pedalumainogo dąį tama ilao.

Te Israel me Juda Hani Sigo Tuni Bidigo Po Elalubo Buku Si 13:25

Awe, tama te Jehoas, aga te Israel hanigo king bidi dali, tama te aga ami soldia bidi dabe dali, augwaligo te Siria king bidi Benhadat dali, te aga ami soldia bidi dabe dali, augwaligo augwali dali boi hwįgi pali. Tama te king Jehoasgo te king Benhadatgo aga soldia dali aiyaba elalualima, tama augwaligo te Siria hanigo sali taun augwa ma sali, te taun polobadu te Israel hanigo taun te polobadu te king Jehoasgo aya Joahas bidali sogo te Siria hanigo sai taun megi te augwa ma sali. Jehoasgo te king Benhadat aga te sela sogo aga aiyaba elaluali.

Te Israel me Juda Hani Sigo Tuni Bidigo Po Elalubo Buku Si 13:3

Tama tialima, te Genuai Bidigo umabo sogo mu te Israel hani dali wado po weyu yali, tama teyu, agai king Hasaelgo augwali dali boi hwįmainu sula tagalali, te Siria king bidi, tama umabo sogo augwali asama, te Israel hani dali boi hwįagasali, tama te Israel hani augwali aiyaba elaluali. Tama nosali Benhadat, aga te Hasaelgo ogwa, tama te bidi aga Siria hanigo king bidi nigilama bidali, tama agai me te Israel hani dali naga boi hwįyu, tama aiyaba naga elaluali.

Te Israel me Juda Hani Sigo Tuni Bidigo Po Elalubo Buku Si 6:24

Me badu kibu be sia sali, tama te Benhadat, Siriago king bidi, agai te tigidali soldia ami bidi sisinama, tama augwali pelama, tama te Samaria taun bobegela sali, tama augwaligo te Samaria hani bidi dabe dali hwįainu tama tiai.

Tuni Bidi Dabego Po Elalubo Buku Si 16:2

Tama tialima Asago te Godigo tempel be tomode elalubo te mone mubo be tomoba pelama, tama silva me gol siyu, me aga digi kingo be tomoba pelama, te be habude elalubo nai dabe me siyu elama, tama Benhadat, te Siria king pageba tolali. Tama Asago king Benhadatbolo e tiwai po ola tolali,

Jeremaia 17:27

Tialima, dagego eno po wali me pisąma, te dagego Sabat side te eno side da olama, bodolu te side munama, tama dagego te Jerusalem tomoba te Sabat side da wali sogo te walu doado bage sesebaso da, teda eno te sunumi siago domainogo ilama, tama te sia genuai domainogo elama, te Jerusalemde elalubo genuai bomai be dabe domainogo yaibao. Tama te isi dabo polo sula sogobeo,” te po wai dao.

Jeremaia 49:27

Eno te taun Damaskus bagulali obo isigo ulama, tama te isigo te king Benhadatgo bomai be dabe me siago daibao,” wai dao.

Esekiel 30:8

Te eno Isip dabego nai dabe sese tama isi ulama, tama te Isip dabe tau sabo sę ebo bidi dabe me dolaibao. Tama te Isip dabe augwaligo e tama bugagia koneaibao, ena deli naga ena Genuai Bidi te yaba homu yaibao,’ te po obao,” wali.

Esekiel 39:6

“E po me agabolo pusao. ‘Tama eno isi te tǫ Magok bulude pedalumainu ilaibao, me te tamu ąį pąde dua bidibo we bidi tigiba me te isi pedalumainu yaibao. Tama te hani augwaligo te tama bugagia koneaibao, ena deli ena Genuai Bidi dao homu yaibao.

Hosea 8:14

“Te Israel dabego homugo te kingo bomogo augwali tau sabo usu yaiba homu yai, tama tiyu augwaligo te kingo bomai be sę yani. Tiali goli, augwaligo te naide homu kone isąwai, ena God, eno te we bidi nigai dao. Tama te Juda dabego me te dwai sę yai elaluali, magi baso meni, augwa taun dabe bagulabo te bomai obo dabe nigali, tama augwa homugo te augwali bugagia bidaiba homu yai. Tiali goli, tagalao, eno sia te taunba tula palama, te kingo be dabe dali siago dela silimainu yaibao,” Genuai Bidigo enabolo te po wai.

Amos 1:10

Eno te Tair taun obo dabeba te isi tula palama, tama te taunde bomai be dabe te isigo dela silaibao,” te po wai.

Amos 1:12

Eno te isi aiyaba tula palama, tama te Teman taun, me Bosra taun sigo elalubo bomai be dabe te isigo domainu ulaibao,” te po wai dao.

Amos 1:14

Eno te moni taun Raba aiyaba isi tula palama, tama te taun bomai be dabe isi ulaibao. Te ami bidi augwa boi hwįbo sogo, te i hai bomonama weyu, tama te hwįbo bomai pedalu, te bomai wali me deli te dwai sogo pedalubo tiwai yaibao.

Amos 1:7

Tialima, eno te isi Gasa taun obo tomoba tula palaibao, tama te isigo te taunde bomai be dabe ulaibao.

Amos 2:2

Eno isi te Moap kantri tǫba tula palama, te Keriot taunde elalubo bomai be dabe te isigo daibao. Tama te genuai boi hwįaibao, te ami bidi dabego i hai weyu, te bu wabo nai biugel bomonama ponaibao. Te tama tebo sogo te Moap dabe ela silama, isaibao.

Amos 2:5

Tialima, eno isi te Juda tǫba tula palama, te Jerusalemde bomai be dabe isigo dela silimainu ilaibao,” te po wai dao.

Te Israel Tobolu Bidi Dabe 9:57

Tama Godigo te Sekem dabe augwa dwai kolesaga yali sę wei ponani. Polobadu Jotam, te Jerubalgo ogwago te Sekem dabe augwali dolaibao po wali, tama megi da te tiwai sę pedelalio.