Aisaia 10:3 - Godigo dwagi yai po buku

³ Te Godigo dagego dwai kolesaga wei ponabo sogo bodolu muani, te sogoba sabalobo si, dagego magi sę yaibawe? Te agai gasa bulu me te bomai wali tiwai aselama, dage dolomainu ebaso, dagego magi sę yaibawe? Dage te deba udalama, dage tau somainu yaibawe? Tama te nai dabe hauwa dagego sali, te nai dabe dagego menade mugi paibawe?

Aisaia 10:3 Iomraidhean Croise

Tigidali Nai Gagalama Nigali Side 31:1

Jekopgo te Labango ogomanigo te po wabo odali, “Jekopgo te dago ayago doado bage dabe tigidali salio,” te po wali. “Tama megi da, agai doado bage hauwa elalubao, tiali goli te wiegi yai nai dabe agai te dago ayade naga sai dao,” te po wai.

Te Israel me Juda Hani Sigo Tuni Bidigo Po Elalubo Buku Si 7:15

Te bidi dabe augwali pelama, kegegi pali bage e tiwai tama suali, te Siria bidi dabe augwa digi wi pai suali. Tama augwali te Siria bidi dabe pali wali pelama, te wę Jordanba sabaligi pali, tama augwaligo te Siria bagego doado bage te name ugwa me, me te hwįbo nai me, me te gasa nai dabe me tama, te Siria bage augwali wi peyu, te doado bage dabe te tų sisiyu tulalua pai suali. Tama tialima, augwali ma geasa pelama, te king bidibolo pusugi pali.

Jopgo Po Asęani Elalubo Buku 31:14

teda te Godigo eno te dwai kolesaga yalide po tų ela mabo sogo da, teda eno magi po wei ponaibawe?

Bugagia Bidibo Kolesagade Po Asęai Buku 11:4

Te nago masigi hauwa elalubadi digi te tagalao, tego te Genuai Bidigo nageba te dwai sę yali wei ponainu ebo sogo te nage tau me sogobeo. Tiali goli, nago te doloba pai kolesaga wali pali da, tego te nage tau selama, tama nage polo me isigobeo.

Aisaia 13:6

Dage gela bomonama wao. Magi baso meni. Te Genuai Bidigo aga tigidali we bidi po tųde dodolabo bodolu pąba polo yagasalio. Tama te sogo God Tigidali Bomo Elalubo Bidigo te genuai dolabo sę taga palaibao.

Aisaia 17:4

“Te sogo te Israel dabego genuai nogi sia saibao. Tama augwaligo wiegi yai nai dabe me augwaligo we bidi hauwa sia selama, tama te bulu dwai mu bidaibao. Te gasigo te tigi genuai yai bidi gegelama, tama te bidi nomona selama, dili pulu ha ebo tiwai yaibao.

Aisaia 20:6

Tama te sogo, te nambis we bidi, te Filistia dabe, augwali augwa hasi tomode po miyu, te po waibao, ‘Iya, tegoba! Dago te bomai bulu bidi dabebolo da tau somainu no munaluao po hanalu wai goli dama, tiyu Asiria dabego da dolagaidali weyu. Tiali goli, suao, augwa digi dolalio. Te da te Asiria dabego bainat hwą geda muabo sunumi menio,’ te po waibao.”

Aisaia 26:14

Megi da, te genuai bidi dabe polo isila palio. Augwali me bidibeo, tama augwali ma hodalobo usu me egobeo. Nago augwaligo bomo aiyaba elaluama, tama nago augwali dolama, tama nago augwali mu dolai dao. Tama te we bidi dabego augwaligo nogi me kone ebeo.

Aisaia 26:21

Suao, Genuai Bidi aga bulu dagalu tagalama, e tǫba te asobao, te e tǫde we bidi dene mawainu, tama augwa yali dwai sę wei ponainu. Tama tǫgo te bidi dabego kaneme me geme dualogobeo, te gasa bidi dabego augwali ela wialali dabe. Menio. Agai te bidi dabego yali dwai kolesaga dabe sese tama haninaibao.

Aisaia 28:20

Dage te dwai dene mu saibao. Te bidi pibode te dene dene hauwa ebo tiwai dagego tigide yaibao. Magi baso meni. Te pibo sai te pęwądage mu elama, agai sągą olo pobialuali. Me, te banua pibo blanket te dwasianu mu elama, agai banua pibo usu sisąbaso, o agai tigi sese usu isąbaso.

Aisaia 29:6

Tigidali Bomo Elalubo Genuai Bidi te bomai wali dali, tǫ mali dali asaibao. Tama te be kulu weyu, te genuai kulukulu dwai mu waibao. Tama agai te tigidali nai dabe ulabo isi dwai dali sesaibao.

Aisaia 30:16

Tama dagego te po wali, “Tagalama, dago bomonama udabo kibu hos bidibao. Tama da te kibu hosde dualama, tama da wi paibao,” wali. Te dagego te boi bidi dabede wi paibao wabo po da, teda mu tama dao. Tiali goli, tagala, dagego kibu hos bomonama udabo da, tagalao. Te boi bidi dabego hos kibu bomonama mu dagego kibu hos nosali wali pobeasa asaibao.

Aisaia 30:5

Tiali goli, Juda dabego augwa hobede mu yaibao. Magi baso meni. Te Isip dabego magi sę me elama, augwali tau me sogobeo. Mu menio. Augwaligo moni hale mu te Juda dabeba sesaibao,” Genuai Bidigo te po wali.

Aisaia 30:7

Te Isip dabego te gasa bulu bidi dabe ili ili po olama, tau saibao po wabo dao. Tiali goli, agai te sę ebo menio. Tama tibaso, te Isip te gesi nogi te nogi ebao, ‘Te Olo Dulalubo Gula Mane dao,’ wabo,” te po wai.

Aisaia 33:14

Te Saionde te dwai kolesaga ebo we bidi augwali wi elama, noma sali. Tama augwaligo e tama po obao, “Genuai Bidigo sębę da, te da te bomai isi tigidali sogo dabo isi tiwai, tama tigidali nai dabe dela silibo tiwai dao. Te da tomode de mu te isi dali bidaibawe?”

Aisaia 39:3

Te Babilon bulu bidi dabe ma pela silai madi te sogo, teda te profet Aisaia aselama, te king Hesekia suagasali, te agaba te tiwai po hanalu wali, “Te aselawali bidi dabe, augwali te mena bulu bidi dawe? Te augwaligo mena po nageba waliwe?” Tama Hesekiago agaba te tiwai po wei ponani, “Augwaligo ena suagasu asali, augwali te digibulu buludu mu asalio, te bulu tǫ kantri buludu mu asalio, te bulu tǫ kantri Babilon dao.”

Aisaia 5:14

Megi dage wiegi yai homu elama, gana paide dagego daa hauwa mu te tubao. Tiali goli, mu tama, te gų pagede te kele ą olama, tama te Jerusalem bulu genuai bidi dabe, me olo we bidi dabe dalainu polo no munalubao,” Genuai Bidigo te po wali.

Aisaia 5:26

Genuai Bidigo te digibulu ami bidi dabe aga we bidi dolagasomainu i wabo sa muaibao. Awe, te digibulu mu bidibo bage asomainu eyu, agai ho bomonama waibao. Tama te ami bidi dabe bomona togwa asaibao.

Jeremaia 22:7

Te eno bidi dabe tagala palama, te nage dolagasomainogo yaibao. Augwaligo te sigi hwą dabe seselama, te nago wiegi yai ni nami sida gelama, tama te ni nami dabe te siaba sąwaibao,” wali.

Jeremaia 4:30

Jerusalem, nage dolobo sogo da, te nago magi yaibawe? Te wiegi yai mama ugwa muani tagalao, te nagade digi te golgo nigai beli au yali. Te naga gedu au ilibo tagalao. Te tobage au ebogo nage tau me sogobeo. Magi baso meni, te naga abagi dabego nage godolo homu munu ma isiąma, te nage ela muabo homu naga yaibao, te po wai dao.

Jeremaia 5:31

Te profet dabego augwade digi pusali pogo digi te we bidi dabe tibo po ola mani. Te pris dabego te we bidi tonaluali sogo, te pris dabego te profet dabego po wali pali. Tama eno we bidi dabego te kolesaga godolo mu yali. Tialima, eno dwai dene mabo sę dageba ebaso, tama duga te dwai kolesaga silaibao. Tama te sogo dagego magi yaibawe?” wali.

Jeremaia 9:9

Mu tamao, eno te we bidiba dwai dene mawaibao, augwa te yali dwai sę wei ponaibao. Ena Genuai Bidi, eno te po wai dao.”

Hosea 5:13

“Te Israel dabe augwali te tiwai te gasi dwai mu ebo koneani, tama te Juda dabego augwa keni dabe ebo sulama, tialima te Asiria bulu tǫ kantri genuai kingba pelama, te augwali tau somainu hanalugi pali. Tiali goli, te Asiria dabego augwaligo gasi usu ilama, tama augwaligo keni pedela somainu ilabo usu me ebeo.

Hosea 9:5

Tama te Godigo genuai bodolu side da, teda dagego magi sę yaibawe? Te moni nai daa tubo side, te dagego magi yaibawe? Te sunumi menio.

Hosea 9:7

Te Godigo dageba dwai dene maiabo sogo pedelalio. Tama duga te yali dwai kolesagade usu nama, te dene saibao. Te sę pedalubo sogo da, teda Israel, duga koneaibao, te dwai dene dao. Dagego enabolo te po wali, “Te profet aga te kolesaga meni yai umuna sali da,” wali. “Te Godigo bomo elalubo bidi, aga te kolesaga geda mubo bidi da,” wai. Dage we bidigo ena godolo homu me isąwani, magi baso meni, dagego dwai sęgę te genuai umabo yai dao.

Amos 5:19

Te si asobo, dage geda mugobeo. E tiwai yaibao. Te bidi me deli te dwai hasa laionde wi pabo tiwai elama, tama aga te laion hasa tagalama, wi pobadi, te gasa moni dwai hasa me nogi bea te aga deliba gesabidi si unulama, tama beago aga gąų kelainogo yali. Tama te bidi te hasa bea wi pelama, tama aga be tomoba wi peyu, sana pabo homu elama, bugagia bidaiba homu yai. Tama toma tumainogo, aga te be dagaba nogo tola sigi pabo tiwai yali, tiali goli, tegoba, te be dagade bidali dwai hasamanigo aga gąų kelai dao, tama te bidi isai dao.

Maika 7:4

Te gasa bidi dabe mebago homugo te augwali wiegi yai doloba pai kolesaga ebo bidi da, te homu yali, Godigo suali, augwali te dwai bidi dabe da wali. Augwali te dwai nosai tiwai, te sesani elalubo bono tiwai yali. Te bodolu si pedalubo sogo, te Godigo aga we bidi dabeba te dwai dene ilaibao homu yali, te agai te profet dabego pedauwalide dąų wali po tiwai gilama yaibao. Godigo tama tibao, te augwa homu kolesaga kone tųą palama, te augwali umuna paibao.

Sefanaia 1:18

Tama te bubugade Genuai Bidigo sębę hania haninama, mu suaibao. Tama augwaligo silva me gol dabego augwali tau me sogobeo. Mu menio. Genuai Bidigo sębę te dwai isi tiwai pedelama, tama tigidali tǫ dela silaibao. Tama deli sogo tama agai tǫde we bidi sese tama mu silaibao.

Dwagi Yai Gesi Po Lukgo Asęani 19:44

Augwaligo dage Jerusalem dabe ela silaibao, te be dabe tigidali augwaligo mu hųgiaibao. Be nigali masigi me deli ugwadu me munalugobeo, tigidali pepedelama, aba sąwaibao, meba me tedali, tedali, besala paibao. Magi baso te sę yaibawe? Woo, te Godigo dage suagasu tau sabo sogo asali side te dagego konebeo,” Jisasgo te po wai.

Bomai Po 28:49

Te tama tilama, Godigo bidi hani me deli digibulu mu bulu badu me odasa asaibao, te dagego augwaligo po odisąma yai bidi hani me deli. Augwali dageba te kemodage me hasa ela tuainogo polo asobo tiwai yaibao.

1 Pita 2:12

Tama dage te God konesiąwai we bidi tomode bidiyu, tama dwagi yai kolesaga naga yao. Magi baso meni. Augwaligo dage dali nogi posobo po weyu, “Dage dwai sę ebo we bidi dao,” po weyu da, teda augwaligo dagego dwagi yai sę naga ebo sulama, tama nosali te Godigo po tų yagasabo sogo asobo si augwaligo aga nogi ugwaba siyu te po waibao, “Ao, agai po wali pabo we bidi augwaligo dwagi yai sę yalio.”