Godigo Sęba Tagala Palai Bidigo Po 9:4 - Godigo dwagi yai po buku

⁴ Tama Sol aga tǫba tulaluali. Tama agai bidi me deligo pedauwalidu po weyu, te tama po wabo odali, “Sol, Sol, nago ena magi baso dolobo sę ebawe?” te po wai.

Godigo Sęba Tagala Palai Bidigo Po 9:4 Iomraidhean Croise

Tigidali Nai Gagalama Nigali Side 16:8

Tama Mobo Bidi Enselgo agabolo tama tiwai po wali, “Hagar, te Saraigo sę ebo we, nage menadu aselama, tama nage menaba painogo ebawe?” Tama Hagargo po wei ponoyu, te po wali, “Sarai aga da, te ena tonalubo we dao, tama eno te Sarai taga soyu, ena wi sobao,” wali.

Tigidali Nai Gagalama Nigali Side 22:11

Tiali goli, Yawego Mobo Bidi Ensel te dagalude bidiyu, tama i wali, “Abraham! Abraham!” Tama Abrahamgo te po wai, “Ena e bidibao,” wai.

Tigidali Nai Gagalama Nigali Side 3:9

Tiali goli, Yawe Godigo bomonama bidi i wai, “Nage mena bidibawe?”

Ma Dobola Sali 3:4

Genuai Bidi te sia dabo ni tomode bidibadi, te Moses pąba asobo suali, tama Godigo i olama, te po wali, “Moses. Moses.” Te po wali. Tama Mosesgo te po wai, “Magi yaliwe?”

Aisaia 6:8

Tama eno Genuai Bidigo ensel sibi hanaluyu, te po wabo odali, “Dago de tagala palaibawe? Dego eno po sela paibawe?” Tama eno te po wali, “Nago ena tagala palao.”

Aisaia 63:9

Te augwali dene me sęgę tolali sogo, Genuai Bidi me augwali dali te dene me sęgę tolali. Te agai haliga augwalide homu dene ebaso, te agai augwaliba te olo mu tau sabo wiegi yai kolesaga yali, tama aga digi te mobo bidi ensel tiwai pedelama, te augwali ma sali. Te tobage sogo sesabi mu elama, te agai augwali tolalu, te augwali bugagia mu tonaluai dao.

Sekaraia 2:8

Tialima, Tigidali Bomo Elalubo Genuai Bidi aga te God aga genuai bomo ulade bidibo bidi dao. Agai aga we bidi dololali te kantri dabe homu kone ebao. Tama agai Jerusalem bagebolo e tama po walali, “Tialima bidi me deligo nage dolainu ebaso da, teda aga digi aga ma dolaibao.

Israel Hanigo Namba 16:45

“Dage si te we bidi pagede gediąo, pelama, te we bidi taga pelama, digibulu gana doligi piąo. Tama polo tama eno augwali dolaibao,” wali. Augwali sigo te po odama, augwali si gesabidi aiyaba begelama, tǫba degasa dulali.

Matyu 25:40

Tama tuni bidigo po wei ponoyu, augwalibolo te po waibao, ‘Eno mu po dagebolo obao, te tigidali sę dagego te eno amanu e tiwai te nogi meni yai bidi dali yali wiegi yai sę, te sę dabe te dagego ena dali te yali dao.’ Tuni bidigo te po waibao.”

Dwagi Yai Gesi Po Lukgo Asęani 10:41

Genuai Bidigo wei ponoyu, te po wali, “Marta, Marta, nage da te tigidali nai sulama, homu te tųą pobao.

Dwagi Yai Gesi Po Jongo Asęani 18:6

Jisasgo augwali dali “Te bidi ena tama da” obaso, tama augwali meba gegemani siyu, tudi bulu peyu elama tama tǫba degasa pai.

Dwagi Yai Gesi Po Jongo Asęani 20:16

Jisasgo agabolo te po wai, “Mariao.” Tama Maria aga ma begelama, Jisas dali agai Hibru pogo weyu, “Rabonai,” te po wai. Te po page e tama wai, “Po ola mabo bidio,” te po wai.

Dwagi Yai Gesi Po Jongo Asęani 21:15

Te augwali nai tula silama, tama Jisasgo Saimon Pitabolo po weyu, te po wai, “Saimon, nage Jongo ogwa dao, tama nago ena godolo ebo kolesagago e bidi dabe augwaligo ena godolo ebo kolesaga aiyaba elalubawe?” Tama Pitago agabolo te po wai, “Ao, Genuai Bidi, nago koneai dao, nage eno abagi dao.” Jisasgo agabolo te po wai, “Nago enaba homu tamadi muani we bidi augwali eno po nago augwalibolo ola mao,” Jisasgo te po wai.

Godigo Sęba Tagala Palai Bidigo Po 5:10

Tama te we polo tama te bidi Pita sągą pagede degasa pelama, te aga isali. Te gesi ogwa bidi dabe te be tomoba asai. Augwaligo te we isai munalubo suali. Sulama, augwaligo te we tigi tolasa pelama, aga bidi muani madigi pubaligi pali.

Godigo Sęba Tagala Palai Bidigo Po 9:5

Solgo te po hanalu wali, “Genuai Bidi, nage de dawe?” “Ena da Jisas da, nago ena dolobo sę ebo bidi da,” agai te po wai.

Polgo Po Pas Rom Dabeba Asęani 11:22

Tialima, dagego te Godigo te we bidi dali ebo tau sabo kolesaga me te agai sesena pabo kolesaga dali me bugagia suiyąo. Te aga kolesaga tagalali bidi dabe augwalibolo, te agai augwali sesenaibao. Me ma, dage te Godigo dage homu dene eyu tau sabo dao. Tama dagego te aga dage dali ebo kolesagade puba hwi weyu tama agade homu kęą pai we bidi bidiyu da, te usu da. Ma, te meni yani da, te agai dage me togolama sela sąwaibao.

1 Korin 12:12

Te bidi Krais da te bidigo tigi me deli tiwai dao, tama te tigigo nogo sągą me, te haniani nai hauwa te elalubao. Tama te tigigo haniani gasagi gasagi yai nai hauwa elaluali goli, te tigi deli naga dao.

1 Korin 4:7

Abagi, magi yaliwe? Dego nage genuai bidi muai dawe? Tama nago mena nai te Godide sisąwani nai elalubowe? Te mu tama nago te nai Godide saligo da, teda magi baso te nago naga nogi ugwaba siyu, te naga digi nage te nai page bidi da wainogo ebawe? Te hagoma ebo tagalao.

Efesus 5:30

Da te nogo, sągą, gedu te nai dabe te Kraisgo tigi dagi tiwai dao.