Godigo Sęba Tagala Palai Bidigo Po 8:7 - Godigo dwagi yai po buku

⁷ Tama dwai haubo mobo dabe we bidi hauwa tudi badu polobadu aselama, dagą yagaselama elalu tede bidibadi, tama Filipgo po obaso, te dwai mobo haubo dabe te we bidide bidali taga peyu, moni hwą mu wai. Me badu sągą isai we bidi Filipgo ma dwagi yai ilali, sągą dwai we bidi me.

Godigo Sęba Tagala Palai Bidigo Po 8:7 Iomraidhean Croise

Aisaia 35:6

Te sągą dwai penelai bidi dabe gesa soyu, posoga palaibao, me te pedauwali pania sai bage te i weyu, pemene yaibao. Te wę dabe te masigi kemi tǫde pedaliyu, te tigidali habuba usu nama paibao.

Matyu 10:1

Te Jisasgo aga wali pabo bidi dabe nogo si olama sągą badu si bidi asa olama i wali, tama agai augwalibolo bomo mani, te dwai haubo mobo bidi dabe sela sąmainogo, tama te we bidi tigidali te haniani gasi me, te tigi bomo meni yai gasi me usu ilimainogo yai dao.

Matyu 11:5

Dagego e subao, te gedu widai bidi dabe augwali gedu usu ma iliyu, te sągą dwai bidi dabe augwali bugagia ma bilibo dao. Te oiyabe yai bidi dabe augwali tigi wiegi yai pedaliyu, tama olo degai bidigo po ma odobo dao. Te isai bidi dabe augwali ma hodoliyu, tama te magi nai meni yai bidi dabe augwaligo te Godigo wiegi yai gesi po odobo dao.

Matyu 4:24

Tama augwaligo agai te sę yali po tigidali te Siria genuai tǫde bidibo we bidibolo me te po pusai. Tama te po augwaligo odama, tama augwaligo te tigidali dwai gasi haniani eyu, te dwai dene sali bidi dabe me selasa asali, tama te dwai noma bidi elalubo bidi me, te esela pabo bidi dabe me, tama te sągą dili bomo isai bidi dabe me, te sela asai. Tama agai augwali wiegi yai ma ilai dao.

Dwagi Yai Gesi Po Makgo Asęani 9:26

Tama te dwai haubogo te dwai i weyu, tama agai te ogwa degelai sedu genama, tama te dwai haubogo te aga taga peyu tama palio. Tama te ogwa te isai bidi tiwai munaluali. Tama bidi hauwa augwaligo te po weyu, “Aga te isali dao,” wai.

Dwagi Yai Gesi Po Lukgo Asęani 10:17

Te nosali Jisasgo te tagala palali bidi dabe dwagi yai homu mu dali Jisas pageba ma asali. Augwaligo te po wali, “Genuai Bidi, dwai noma haubo bidi dabego dago nago nogi olama, hage baso, dago po wali pali.”

Dwagi Yai Gesi Po Jongo Asęani 14:12

Eno mu po dagebolo obao, bidigo enaba aga homu muyu da, eno ebo sę te agai me yaibao. Tama agai genuai sę mu yaibao, tama te sęgo eno yali sę aiyaba elaluaibao. Magi basowe? Ena eno Aya God bidibo digi paibao.

Godigo Sęba Tagala Palai Bidigo Po 5:16

Jerusalem pąde bida bida pabo we bidigo gasi yai we bidi me, dwai mobo haubogo tuai we bidi me, Jisasgo tagala palai bidigo dwagi yai ma ilimaio olama, magasali. Tama augwali tigidali dwagi yai ma yali.

Godigo Sęba Tagala Palai Bidigo Po 8:6

We bidi hauwa augwaligo Filipgo po bugagia odali. Augwaligo agai wali po odama, agai we bidi noma sabo bomai sę ebo me suali.

Hibru 2:4

Tama ebadi, God me agai te po te haniani bomai sęgo me tama agai haniani bomo yai idualigo te po mu po dao dabolo hania ola mani. Tama tiyu, agai te Mobo Bidigo olo mabo haniani wiegi yai sę ebo kolesaga te we bidi dabe augwaliba dobayali, te God aga digi homugo tama tiai.