Godigo Sęba Tagala Palai Bidigo Po 8:2 - Godigo dwagi yai po buku

² Tama Jisas wali bugagia pabo bidi me badu augwaligo moni homu dene mu elama, diligi aselama, moni gela olama, Stiven pubaligi pali.

Godigo Sęba Tagala Palai Bidigo Po 8:2 Iomraidhean Croise

Tigidali Nai Gagalama Nigali Side 23:2

tama aga te Kiriat Arba, te gasa nogi Hebron, te Kenan pedai badu tede isai. Tama Abrahamgo te Sarade homu dene mu ebaso, aga tigi osogo muani madiba hogonigi peyu, tama agai aga we hagede gela wai.

Tigidali Nai Gagalama Nigali Side 50:9

Te karis dabe me, te hos kibude bilibo bidi dabe me, augwali te Josep dali pepela wali. Tama te genuai hani dabe mu augwali pai.

2 Samuel 3:31

Devitgo te Joapbolo me te Joap aga hani dabebolo te tiwai po wali, “Dagego te duga ugwa dabe pisilama, tama homu dene ebo ugwa gudao,” wai. “Tama te pubulabo madiba peyu, dage aga tigi polasa biliyu, dagego Apnerde te homu dene ebo gela wao.” Te Apnergo hani bage augwaligo Apner te Hebronde pubulali. Tama augwaligo te Apnergo tigi tolama, te gų pageba pubaligi pabo sogo, king Devit te augwali pabo wali pai. Tama Devit dali, te we bidi tigidali te gų page pąde dolalu, tama tigidaligo gela bomo elama mu walio.

Tuni Bidi Dabego Po Elalubo Buku Si 32:33

King Hesekia isibaso, augwaligo aga te Devitgo hani king dabego gų pagede pubulali. Agai gų page te obanu ganama elaluali, te meba king dabego gų page i badu elaluali. Tama te Juda me Jerusalem we bidi augwali tigidali agai genuai nogi kone palama, augwali hobede genuai mu yali. Tama aga ogwa Manasego agai pesage selama, tama aga king pedelali.

Tuni Bidi Dabego Po Elalubo Buku Si 35:25

Tama profet Jeremaiago Josaiade hobede tęąbi po me deli asęani. Tialima megi me te tęąbi po wabo we bidigo te hobede tęąbi po me wabo dao, te king Josaia kone paliyu yabo. Tama te hobede ebo sogo tigidali sogo te Israel dabe augwaligo te hobedai tęąbi po wabo dao. Te hobedai tęąbi po te hobedai tęąbi dabe elalubo bukude te elalubao.

Jeremaia 22:10

Dage Juda, te king Josaia isalio, tiali goli dagego agade hobede ebo gela wagimio. Te dagego aga ogwa Joahasde dwai gela obaso, te usu yaibao. Magi baso meni, Joahasgo da tagalalio, te aga page buluba ma begasa me asogobe dao.

Jeremaia 22:18

Te pagede naga tama Genuai Bidigo homude te Jehoiakim kone palali, te Josaiago ogwa, te Juda king bidai. Tama Genuai Bidigo te tama po wali, “Te Jehoiakim isibaso da, teda te we bidi dabego agade te homu dene ebo gela me wagobeo, te po weyu, ‘Hobede mu ebao, eno amao,’ te ‘Hobede mu ebao, eno abeo,’ te wagobeo. Te augwa homu dene ebo gela weyu, te po me wagobeo, ‘Te eno genuai bidi hobede mu ebao,’ ‘Te dago king homu dene mu ebao,’ po me wagobeo.

Israel Hanigo Namba 20:29

Tama augwali sigo tigidali we bidibolo e tama po wali, “Aron polo isalio,” po wali. Tama augwali sese agade gela odubadi, polua deli usu nani.

Dwagi Yai Gesi Po Makgo Asęani 6:29

Te Jon aga wali pabo bidi dabego te wabo po odama, tama augwaligo aga tigi sagaselama, tama augwaligo te gų pageba pubaligi pai.

Dwagi Yai Gesi Po Lukgo Asęani 2:25

Te sogo bidi me nogi Simeon Jerusalemde bidalio. Te aga doloba pai kolesaga eyu, te Godiba lotu wabo bidi bidai dao. Aga te Israel dabe tau sabo bidi asobo tonaludu gesege yai dao. Godigo Tedali Mobo Bidi aga dali bidibaso, tama Godigo Mobo Bidigo agabolo weyu, te aga polo isigobeo po wai dao.

Godigo Sęba Tagala Palai Bidigo Po 10:2

Tama te bidi aga hani dabe dali tigidali sogo te Godibolo lotu po wedu te bidigo te Godigo godolo yabo kolesaga yali. Te bidi aga dali deli bede bidibo bagego tigidali te God dologode bidai. Tama te bidi agai te tigidali Juda tǫde bidibo nai meni yai we bidi agai tigidali sogo tau sabo da. Agai Godibolo hanalubo po hauwa sogo wabo bidi dao.

Godigo Sęba Tagala Palai Bidigo Po 2:5

Tede, te Jerusalem be nanide, te tigidali tǫ pedaidu asai Israel hani bidi dabe bidai, te augwali Godibolo lotu po wabo bidi dabe.

Godigo Sęba Tagala Palai Bidigo Po 8:1

Te sogo, Stiven isali sogode, augwaligo Jisas wali pabo we bidi elebo sę gagalali, te Jerusalemde. Te tebo sę genuagi mu yali. Tama Jisas wali pabo we bidi tigidali te Judia tǫ, Samaria tǫ te bulu siba wi tedela pali. Tiali goli, te Jisasgo tagala palai bidi dabe wi pabe.

Godigo Sęba Tagala Palai Bidigo Po 8:3

Tiali goli, Sol agai homugo te Jisas wali pabo we bidi tigidali eno ela silaibao, te homu yai. Tama agai te be deli deliba pelama, Jisasgo po wali pabo we bidi tigidali naga agai augwali nogo aligabo dunama, kalabus beba mugi pali, we dabe me, bidi dabe me.

Bomai Po 34:8

Te Moses polo isai digi Israel dabe augwali te Moap dabego te malu bulude bidiyu, augwali gela udubadi, 30 be bubuga usu nani.

1 Samuel 28:3

Polobadu te Samuel isibaso, tama tigidali Israel te agade gela olama, tama augwaligo aga te Ramade pubulali, te aga taunde digi. Tama te sogo Solgo te tigidali bidi me we te isali bidi dabe noma bidi dali po mibo we bidi augwali ela gudulali. Tama agai te bidi dabe te Israelde bidimainu me ebeo.