Godigo Sęba Tagala Palai Bidigo Po 7:5 - Godigo dwagi yai po buku

⁵ Tama te sogode Godigo dwasianu tǫ me deli agabolo mabe, te agai tǫ tiwai elalumainu ebeo, te menio. Tiali goli, Godigo agabolo bodolu mayu, te po wai, ‘Nosali te tǫ eno nagebolo mawaibao, te nago hani wai dabe augwaligo te tǫ aya mu elama, tonaluaibao,’ te po wai. Tiali goli, Godigo te po mu wali sogode, Abrahamgo wai menibadi dao.

Godigo Sęba Tagala Palai Bidigo Po 7:5 Iomraidhean Croise

Tigidali Nai Gagalama Nigali Side 12:7

Te Yawe Abram bidiboba pedelama, tama tobo po wai, “Te e genuai tǫ da, te eno nago wąį hani wai dabebolo mawaibao,” te po wali. Tama tibaso, Abramgo te Yawe agaba pedelali madi te pesagede te Yawebolo lotu po weyu, ofa nai mayu yabo alta sai nigai.

Tigidali Nai Gagalama Nigali Side 13:15

“Te megi nago subo tǫ tigidali, te eno nagebolo mayu, tama nago nosali ame nabo hani wai dabebolo mobadi yaibao. Tama te tǫ dagego sesemane sogo mu elalua paibao.

Tigidali Nai Gagalama Nigali Side 15:18

Te side digi tama te Yawego tau sabo bomai po Abram dali dąų weyu, tama agai tama po wali, “Te eno te e tǫ tigidali te nago nosali ame nabo bulai wai, te hani dabe augwalibolo mawaibao. Tama te tǫ dąį te wę sesedu te Isip dabe tǫ pedai badu gagalasa, te genuai wę Yufretis teba saboligi paibao, moni tǫ mu.

Tigidali Nai Gagalama Nigali Side 16:2

Tama Saraigo Abrambolo tama po walali, “Nago koneani, Yawego eno tabi paliama, tama eno wai me ame nogobeo. Nage eno sę ebo we dali pigi pao. Te agai eno wai me deli ame naibao,” wali. Tialima, Abramgo aga we Saraigo wabo po odai, usu da wai.

Tigidali Nai Gagalama Nigali Side 17:8

Te nage megi e bulu wau biliyu, te e bidibo tǫ da, te eno nagebolo, me te nago hani wai dabe nosali pedalabo bage augwalibolo maiabo tǫ dao. Tigidali te Kenan tǫ dabe da, te sesemane sogo dagego tǫ elaluaibao, tama ena da, ena te nago wai puluba hani dabego God bidaibao,” wali.

Tigidali Nai Gagalama Nigali Side 23:4

“Ena te bulu wau bilibo bidi ede bidibaso, tama eno be tede me elalubeo. Eno te dage tomode te gų page nigabo tǫ pedai me badu mu abelama, tama eno we tede muainogo obao,” wali.

Tigidali Nai Gagalama Nigali Side 26:3

“Nage te bulude bolo bidao, tama ena nage dali bidiyu, tama dwagi yai tau sabo sę nage dali yaibao. Te e elalubo tǫ pedai tigidali te eno nagebolo mayu, te nago hani wąį dabe augwalibolo me mawaibao wai. Tama eno te nago aya Abraham dali dąų wali po te eno homude me gegeda palogobeo.

Nehemia 9:8

Nago agai homu haliga tomode suali, te nage naga wali pabo homu bomo yai, tama tibaso nago aga dali te bomai po dąų walali. Tama nago agabolo te po dąų waliyu, te Kenan dabego tǫ, me Hit dabego tǫ, me Amor dabego tǫ, me te Peres dabego tǫ, me Jebus dabego tǫ, me te Girgas dabego tǫ, te maiabo po dąų wai. Tama nago te po wali, te tǫ te aga wąį nǫų dabego tǫ pedalaibao wali. Tama nago naga te dąų wali po me togobeo, magi baso meni, nago kolesaga te doloba pai mu elalubo dao.”

Esekiel 33:24

“Tǫde bidio, Israel dabego taun polo dolalio. Tiali goli, te we bidi te taunde me bidibao. Augwaligo e tama po wabo dao, ‘Abraham aga te bidi deli goli dao, tama Godigo te tǫ tigidali tama agabolo mawai dao. Tiali goli, megi da, dago we bidi hauwa te elalubao. Tama tilama, Godigo te tǫ mu tama dabolo mawai yali bogo.’ Augwaligo te po wabo dao.

Bomai Po 10:11

Nosali agai enabolo te po wali, ‘Nage te we bidi pageba pelama, tama nago augwali eno dagebolo mawaiba wali te tǫba sela pao, te augwaligo wąį dabebolo dage mawaibao wali te tǫ,’ wali.” Mosesgo te po wali.

Bomai Po 11:9

Tama dage te wiegi yai tǫ ili hauwa elalubo, te tǫde dage bobobage sogo mu bidaibao. Te da, te Genuai Bidigo duga wąį nǫų dabebolo mawaibao olama po dąų wali te tǫ tama agai te tǫ dagebolo me mawaibao, dage da te bagego bulai wai dabe dao.

Bomai Po 2:5

Dagego augwali homu hogodama, te hwįainogo igimio. Magi baso meni. Eno augwaligo tǫ dage dwasianu dagebolo me magobeo. Menio. Eno te bulu du elalubo bulu Idom te Isogo wąį dabebolo naga polobadu mu mawai dao.

Bomai Po 34:4

Te tama tialima, Genuai Bidigo Mosesbolo te po walali, “Eno te tǫ te Abraham, me Aisak, me Jekop, augwalibolo te tǫ te augwa wąį dabebolo mawaiba po eno augwali dali dąų walai dao, polobadu mu. Megi eno nago sumainu sula tagalali dao. Tiali goli, eno nage te tǫ tomoba pomainogo sula tagalogobeo,” wali.

Bomai Po 9:5

Dagego homugo tilamuo, dago wiegi yai doloba pai kolesaga ebo dao homu elamuo, tama te tama tibo pagede Genuai Bidigo dago te tǫ somainogo sula tagalali dao homu elamo dao. Menio. Agai augwali sela sąwaibao, magi baso meni, augwali te dwai bidi dabe dao. Me ma, agai te wąį dabe dali dąų wali po usu nainogo te ebao, te dago wąį Abraham, me Aisak, me Jekop dali.