Godigo Sęba Tagala Palai Bidigo Po 5:3 - Godigo dwagi yai po buku

³ Pitago agabolo te po wai, “Ananaias, magi baso Satango dwai kolesaga elama, nago te tǫ abelali masigi bogea siyu tama me badu dualama, te Godigo Dwagi Yai Mobobolo tibo po waliwe?

Godigo Sęba Tagala Palai Bidigo Po 5:3 Iomraidhean Croise

Jopgo Po Asęani Elalubo Buku 22:13

Eno homugo tego nago homu kolesaga hodaluama, nago e tama po wabo dao, ‘Godigo mena nai dabe koneaniwe? Aga dagalude ugwadu mu bilibo dao, tama moni pǫgo aga mesega sali, tama moni hulia saligo aga mesega sali. Tama agai da subeo. Agai dago kolesaga mena tama dagalogowe?’ nago te po wabo dao,” Elifasgo te po wai.

Bugagia Bidibo Kolesagade Po Asęai Buku 20:25

Nago bugagia homu kone bolo palama, tama nago te Genuai Bidiba ofa maiabo po dąų walao. Tiyu, nago asesa subigila po dąų walai madi tama nosali nago te dąų walali pode homu hauwa dogia pabuo. Te nago te tiwai ebaso da, teda naga digi naga dolaibao.

Kolesaga Koneai Bidigo Pusali Po Elalubo Buku 5:4

Te nago Godiba po dąų wai digi, nago te dąų wali po polo usu nao. Godigo te dwagi yai homu kolesaga sabo hagela homu ebo bidi dali dwagi yai homu egobeo. Tama tibaso, nago te dąų walali po polo usu nao.

Aisaia 29:15

Te we bidi dabego augwa dwai kolesaga dabe Genuai Bidigo gedude dualainu usu sabo dao. Te augwali da, mu dolaibao. Augwaligo te kolesaga dabe augwaligo sesąwai madi, me hulia sai pesagede augwaligo te kolesaga dabe ebo dao. Tama augwaligo te po wabo dao, “Dego mu da sulama, dego mu koneaibawe?”

Jeremaia 23:24

Te bidi me deli gasa badu me dula sigi pobaso, te ena Genuai Bidigo, eno aga sugobe homu ebawe? Te eno aga sueibao, magi baso meni, ena Genuai Bidi, ena te tigidali badu te dagalude me tǫde bidibo dao,” wali.

Hosea 11:12

Genuai Bidigo po ma weyu, te po wai, “Te Israel we bidi augwaligo enaba tibo po hauwa sogo mu wai. Te Juda dabego eno po sela sąbo sę mu idualio. Tiali goli, ena God, ena augwali tiwai menio. Ena doloba pai, te eno homu hasegelama, te eno tibo po me wagobeo, te we bidide eno homugo mu kęą pai God dao,” te po wai.

Israel Hanigo Namba 30:2

Agai te po wali, “Te bidi mego te nai me Genuai Bidibolo maiabo po polo wai ebaso da, ma agai mu po ugwadu mu weyu, agai magi sę dabe me yainogo po dąų obaso da, teda agai aga po wali pelama, tama agai yaibao wali sę dabe tama mu yao, agai te dąų wali po togogio,” wali.

Matyu 13:19

Te Godigo we bidi tonalubo kolesagade po wabo odobo digi te po page koneyu dąų wasiąwai bidi, te bidi te aga da te soabo tųba olo tudulaluali nai wai ge tiwai dao. Tama te Satan agaba aselama, tama polo te po Godigo aga homuba budali po te Satango te dagala sabo dao.

Dwagi Yai Gesi Po Lukgo Asęani 22:3

Te dwai haubo noma bidi Satan agai te bidi me nogi Judas aga homu tomoba pai. Te Judas aga te Keriot bulu bidi dao. Tama Judas te Jisas wali tigidali sogo pabo bidi nogo si olama, sągą me badu si tomode bidali bidi dao.

Dwagi Yai Gesi Po Jongo Asęani 13:2

Te dwai haubo mobo bidi Satan agai dwai homu kolesaga te bidi Judas homuba hasia muai dao, agai Jisas te boi bidigo nogoba muabo po Judasgo homude muai dao. Judas aga aya nogi Saimon, tama aga bulu nogi Keriot. Te pio hulide Jisas dali, aga wali pabo bidi dabe dali, augwaligo nai tuyu bidali.

Dwagi Yai Gesi Po Jongo Asęani 13:27

Judasgo te nai sai, tama tamadi tama te dwai haubo mobo bidi nogi Satan agai Judasgo homude dwai po mu muai. Jisasgo agabolo te po wai, “Nago te sę yai wida, te nago polo yao,” Jisasgo te po Judas dali wai.

Godigo Sęba Tagala Palai Bidigo Po 5:2

Tiali goli, te tǫde sali mone bogea siyu, me badu augwali sigo dualali. Agai wego me te kolesaga koneai. Agai me badu masigi te Jisasgo tagala palai bidi augwalibolo magi pelama, te po wai, “Te tǫde sali masigi tamanu dao.”

Godigo Sęba Tagala Palai Bidigo Po 5:4

Te tǫ polobadu te nago tǫ mu da. Te tǫde magi sę yabo me naga homu naga da. Te tǫ me bidigo abelama, mone sabo me, te tiabo me naga homu naga da. Te tiali, nago mena homu elama, te mone me badu bogea sabo sę elama, tibo po waliwe? Nago bidi dabebolo naga tibo po wabe. Meni. Nago Godibolo tibo po wali,” Pitago te po wai.

Godigo Sęba Tagala Palai Bidigo Po 5:9

Tiali goli, Pitago te po wai, “Magi baso dage sigo homugo te tibo po waliwe, te Godigo Dwagi Yai Mobo usu saliwe? Nago bidi pubulali bidi dabe tųba dolagasobo side, nage me tolasa paibao,” te po wai.

Bomai Po 23:21

“Tialima, dagego Genuai Bidi dago God agabolo po me deli dąų olama wai baso da, teda dagego te po polo usu nao. Teda Godigo dagego dąų wali te po gegeda pogobeo, tama dagego te dąų wali te po usu nisąma ebaso da, teda Godigo gedude sęgę saibao.

Jems 4:7

Tama tibaso, dagego duga dwai kolesaga ebo te homu aiyaba dualao, tama dage Godigo bomo dologode bidao. Tama tiyu, dagego te Satango dwai sę yainogo ebo dagalama sela sąyao, tama agai dage dali te dwai sę yainogo yali tagalama Satan aga wi paibao.

1 Pita 5:8

Te dagego duga homu bugagia dodolao, tama bugagia tonaluao. Te dagego boi bidi Satan aga susa bilibo dao. Te moni hasa nogi laion, te aga nasi baso bomo elama, tama moni hwa olama gaa weyu aga tuabo nai gegeyu bilibo dao. Tama te boi bidi Satan aga te tiwai eyu susa bilibo dao, te dage dolainogo ebo dao.