Godigo Sęba Tagala Palai Bidigo Po 4:16 - Godigo dwagi yai po buku

¹⁶ Augwa hasi te po hanalu wai, “Dago te bidi side magi sę yaibawe? Jerusalem tigidali we bidigo koneai, te dwagi yai bomai sę te bidi sigo yali, tama dago mena tama dualogo menio.

Godigo Sęba Tagala Palai Bidigo Po 4:16 Iomraidhean Croise

Daniel 8:5

Eno te yali sę pagede homu kone pidubadi, tama eno suali, te omai meme me deli te giliga dega sabo badu bidali tagalama, polo asobo suai. Aga udabo te umaboba pai mu asiyu, tama agai nogo sągągo te tǫ me dįąbe. Agai kom gąų te moni dobo dwai me deli naga te aga gedu page si badu tomode elaluai.

Daniel 8:8

Tialima, nosali te memego hagoma umabo mu eyu, tama aga bomo ola mawai. Tiali goli, te aga bomo genuai mu pedalubo sogo, agai gąų kom te togwa palio. Tama te togwa pali kom elaluali pesagede te gasa kom me si me si pedelali. Te me si me si kom te moni dobo dwai mu yali. Te kom me deligo te not badu tonalubo tiwai yali, tama gasa mego te saut badu tonalubo tiwai yali, tama gasa mego te giliga pedalubo madiba tonalu, tama gasa mego te giliga dega sabo badu tonalu yalio.

Matyu 20:7

Tama augwaligo po wei ponoyu, te po wai, ‘Te dabolo sę maiabo bidi me menio.’ Tama agai augwalibolo te po wai, ‘Dage me te wain giba pelama, sę egi piąo.’

Matyu 27:16

Tama te sogo agai dwai sę yai dwai bidi mu me deli te kalabuside bidai, te aga nogi Jisas Barabas dao.

Dwagi Yai Gesi Po Lukgo Asęani 21:15

Ena digi ena koneai bidigo po dage pedauwaliba muaibao. Te baso, dagego boi bidi dabego te po sela sąnama aiyaba elalugobeo.

Dwagi Yai Gesi Po Jongo Asęani 12:18

Te tamadi asai we bidi augwaligo Jisasgo te bomai sę yali po odobaso, tama augwali Jisas tiąba pai.

Godigo Sęba Tagala Palai Bidigo Po 6:10

Tiali goli, Godigo Dwagi Yai Mobogo dwagi yai bomai po Stivenbolo mani. Tama menama, Stivengo wali po augwaligo aiyaba elalubo usubeo.