Godigo Sęba Tagala Palai Bidigo Po 3:1 - Godigo dwagi yai po buku

¹ Te me sogo Pita dali Jon dali te bidi si te Juda dabego Moni Lotu Be tempel teba pali, pioba poloba. Tama te Juda dabego pioba poloba Godibolo gedu haluasa po wabo sogo da.

Godigo Sęba Tagala Palai Bidigo Po 3:1 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 18:36

Tama te pio mu ebode te ofa ebo sogo, te Godigo po pusali bidi profet Elaija te alta pąba pelama, te gedu haluasa po te tama wali, “God, te Abraham, me Aisak, me Israel, te augwaligo Genuai Bidi, eno homugo nago te tiwai nago te we bidi dabeba megi ola momainu homu ebao, nage naga te Israelgo God dao. Tama me nago augwaliba te tiwai ola momainu ebao, ena nago sę bidi eno nago po naga wali pelama, eno te tigidali sę yai dao.

Godigo Nogi Ugwaba Sabo Tęąbi Po Wabo Buku Dabe 55:17

Te kigamude me, te genuai giliga nanobode me, te hulide me, te sęgę dabego ena dolobaso, tama eno agaba gela wabo da. Tama agai eno gedu haluasa po odoyu yaibao.

Ma Dobola Sali 29:39

Tama sipsip me deli te kigamu ofa eyu, tama gasa sipsip me te pio mu ofa yao.

Daniel 6:10

Tama Danielgo te po dąų walali po odobo sogo, aga te aga beba hogodasa palio. Tama aga te ugwa badu elaluali be habu dai badu holama, tama te windo pąde kidu sugunama, te Jerusalemba tonono yalio. Tama agai te sesemane sogo gedu haluasa po weyu, te nage usu da po te Godiba wabo tiwai yali. Agai te deli deli sogo bubugade te gedu haluasa po sela sogo weyu yai dao.

Daniel 9:21

Eno gedu haluasa po odubadi, tama te ensel Gebriel, eno te hasia yali nade suali, te aga bola dulu, te ena bidibo pesageba asali. Tama te sogo, te dago polobadu iduali te pio ofa ebo sogo dao.

Israel Hanigo Namba 28:4

Tama dagego me deli kigamu ofa eyu, me pio ofa eyu yao.

Matyu 17:1

Te nosali me sela sogo silama, tama Jisasgo Pita badi, te Jems de Jon ama name si badi, te bidi sela naga Jisasgo selama, tama aga polasa peyu, augwali te moni bobage bulu duba holai. Tede augwa naga bidaluai.

Matyu 26:37

Tama agai Pita dali te Sebedigo ogwa si selama, augwali hodobo pai. Tama megi da, aga homu sęgę elama, tama aga homu dene dwai mu yalio.

Matyu 27:45

Tama te sia ge tomode mu, te tigidali tǫ badu te be hulia sabo tiwai elama, te be hulia si mu elama, tama telalubadi te be pio yabo magaba usu nanio.

Dwagi Yai Gesi Po Lukgo Asęani 18:10

Agai te po wali, “Te bidi si te Moni Lotu Be tempel be tomoba pali, Godibolo augwa po omainu yai. Te bidi me te Farisi hani bidi da. Bidi me, te gavman takis sabo bidi dao.

Dwagi Yai Gesi Po Lukgo Asęani 22:8

Tama Jisasgo aga bidi Pita dali Jon dali “Dage si pao” augwali sibolo weyu, te po wai, “Dage si pelama, te nai sisi egi pao, te dago Pasova tubo nai,” te po wai.

Dwagi Yai Gesi Po Lukgo Asęani 24:53

Tama tigidali sogo augwali te Moni Lotu Be tempel te be tomoba pelama, tama augwaligo Godigo nogi ugwaba mu sai, Jisasgo sę ebo bidi dabego tama tiwai, God dali.

Dwagi Yai Gesi Po Jongo Asęani 21:7

Te bidi me Jisas agai godolo ebo bidi, agai Pitabolo te po wai, “Te aga dago Genuai Bidi dao,” te po wai. Tama Saimon Pita aga ugwa dabe pebeda munama, te sę yai. Tama agai te po odai, “Te bidi aga dago Genuai Bidi dao” wabo, te po odobaso, Pita aga ugwa bea selama, tama aga te ąįba samonai.

Godigo Sęba Tagala Palai Bidigo Po 10:3

Tama me sogo pioba poloba nai po sela wabode, agai na gagawai yali. Tama agai Godigo dagalude sę ebo ensel bidi me deli aga pageba sabalobo hania sualio. Te Godigo ensel bidigo agabolo te po wai, “Kornilius.”

Godigo Sęba Tagala Palai Bidigo Po 10:30

Te Korniliusgo te po wei ponoyu te po wali, “Te polobadu sela sogo polo walio, pioba poloba nai po sela wabode, eno Godibolo po weyu bidibadi, polo te bidi me deli ena pagede dolalubo suali. Agai ugwa ula genuai mu yali.

Godigo Sęba Tagala Palai Bidigo Po 2:46

Tama augwali te Moni Lotu Be tempel tede sesemane sogo sisinagasu sisinagasobo da, te deli hani tiwai. Tama augwaligo sesemane sogo wiegi yai homu dali nai tuyu bidali, te augwa be dabede. Tama augwali wiegi yai homu dali nai tubo da.

Godigo Sęba Tagala Palai Bidigo Po 3:3

Aga Pita dali Jon dali si tomoba asobo sulama, “Dage sigo dwasianu masigi ena mao,” wabo po hanalu wali.

Godigo Sęba Tagala Palai Bidigo Po 3:4

Augwali sigo te bidi dolo tonalu, tama Pitago te po wai, “Da siba nago tonaluao,” wali.

Godigo Sęba Tagala Palai Bidigo Po 4:13

Te Pita dali Jon sigo te po tama olama, wi meni baso, te Judago po tų ebo kaunsil bidi dabe noma sai. Augwaligo odai, te bidi si skulba pabe, olo bidi si naga dao, tama tibaso, augwali noma sai. Augwaligo te sogo koneai, te bidi si Jisas dali bidai dao.

Godigo Sęba Tagala Palai Bidigo Po 5:25

Bidi me deli te be tomoba aselama, agai augwalibolo te po wai, “Odao. Dagego kalabusiba muai bidi dabe, augwaligo te we bidibolo po ola mobao, te Moni Lotu Be tempel, tede dolalubo,” wali.

Godigo Sęba Tagala Palai Bidigo Po 8:14

Te Samaria we bidigo Godigo po bugagia odobo po te Jisasgo tagala palai bidi dabego odali, Jerusalemde. Tama tibaso, augwaligo Pita dali Jon si te Samaria we bidi pageba tagala palai.

Galesia 2:9

Tama Jems dali, Pita dali, Jon dali augwali te Godigo hani bidi tomode te be ni bomo elama dolalubo tiwai bidama dolaluai, te we bidigo gedude. Tama te bidi sela augwaligo koneai, te God agai ena olo mu tau siyu, tama enabolo te sę mawai. Tama tibaso, augwaligo ena dali Barnabas dali si nogo mani. Tama nogo mayu, da tigidaligo te homu yali, te da sigo te Juda hani isiąwai we bidi tomode Godigo sę yaibao, tama augwali selago te Juda bidi hani tomode te sę yaibao.