Godigo Sęba Tagala Palai Bidigo Po 21:1 - Godigo dwagi yai po buku

¹ Te dago te Efesus bidi dabebolo tobalobo po olama, taga soali. Tama da pabo te moni geba te wali asiyu da te gebadu Kos buluba solama, dolo mu pali. Tama do kigamu dago te Kos bulu taga pelama, te Rodes buluba sabolali, tede piai. Pilama, tama dago te Rodes bulu tagalama, te Patara buluba pigi pali.

Godigo Sęba Tagala Palai Bidigo Po 21:1 Iomraidhean Croise

Dwagi Yai Gesi Po Lukgo Asęani 5:4

Agai te po pusa silama, Saimonbolo te po wali, “E geba sigi ąį tomoba ugwanu ma nogelama, duga sųgų sainu da, te agane togobo wa umben te ąįba tuliagameo.”

Dwagi Yai Gesi Po Lukgo Asęani 8:22

Me sogo Jisas me aga dali bilibo bidi dabe me moni geba ugwaba daiba holama, tomoba dualama, tama agai te po wali, “Da e sigi ąį u badu bogo badu pinao.” Tama augwaligo nogebo gagalali.

Godigo Sęba Tagala Palai Bidigo Po 27:2

Tama da moni geba me deli tomoba pali, te geba Esia tǫ nabisde elalubo bulu tigidali bilibo geba da. Te geba page bidi aga bulu nogi Adramitium be nani da, te Esia tǫde. Tama te bidi me nogi Aristarkus aga da dali asali. Agai page bulu nogi Tesalonaika, te Masedonia provins tǫde. Tama da te Sisaria bulu taga pali, te moni gebadu, te tamu ąį daide pali.

Godigo Sęba Tagala Palai Bidigo Po 27:4

Tama nosali dago te Saidon bulu tagalama, ma pelama, te moni bomai wali da pabo guni badu asobaso, dago geba guni tubo bidigo te tamu ąį tomode dwasianu bulu elalubo, te bulu nogi Saiprus, teba guni dodolali. Te tǫ pąde moni wali meni yai.

1 Tesalonaika 2:17

Dago abagi dabe, Juda bage augwaligo da dage dali bidibadi ela gudulai dao. Tama tiyu, da aya ida meni yai wai bidibo tiwai yai dao, osogo. Dago dage gesabi subeo. Tialima, dago homu dage dali bidibao. Tama dago dage gesabi suainogo asabo tų gegebo sę bomo mu yai. Dago dage suainogo dago homu bomo mu yai dao.