Godigo Sęba Tagala Palai Bidigo Po 2:4 - Godigo dwagi yai po buku

⁴ Tama Godigo Dwagi Yai Mobogo augwali sali, te tigidali agada weyu, tama augwali tigidaligo gasagi yai gasagi yai konesiąwai po dabe wabo gagalali, te me bidigo me po weyu, tama me bidigo gasa po me weyu yali. Tama Godigo Mobogo augwali te po dabe omainu te sę ilali, augwaligo pedauwalidu.

Godigo Sęba Tagala Palai Bidigo Po 2:4 Iomraidhean Croise

2 Samuel 23:2

“Te Genuai Bidigo Mobo Bidigo eno pedauwalide te po pusali. Eno te dagebolo wabo po te agai enabolo pusa mani.

Aisaia 28:11

Te we bidi dabe augwaligo eno po odobo hagela mu ebo. Tama tibaso, Genuai Bidigo augwalibolo te gasa po wabo bagego pedauwalidu augwali po ola momainu, te gasa bidi dabebolo te agai po ola mawaibao.

Aisaia 59:21

Te ena da, eno bomai po augwali dali dąų walama, te augwaliba eno te tiwai po waibao, ‘Te eno mobo noma bidi me, te eno dagebolo mani po me, te dagede bidiyu, te dagego pedauwaligo eno po pusaibao. Dagego sesemane sogo tama tiaibao, te nosali dagego wai dabego me te duga bulabo wąį dabego me te tama tiyu, te sesemane sogo augwaligo me eno po elalua peyu, pusaibao,’” te po wai dao.

Jeremaia 6:11

Tiali goli, Genuai Bidi, nago augwaliba dene mabo haliga sębę enade me pągąnalubao, tama eno homude te dene mabo haliga sębę te palia saiba homu ebaso, usu egobeo.” Tialima, Genuai Bidigo enabolo e tama po wai, “Eno te haliga sębę ebo eno te sunumi dabe bidalubo wai puluba dabeba gea paliyu, te gesi bidi dabe sisinaluboba me tiao. Te bidi dabe augwa we dabe dali, me te monu dabeba me, eno te haliga sębę gea palao,” wai dao.

Esekiel 3:11

Tialima, nage te nage abagi dabe te boi bidi dabego Babilonba sela asali bageba pelama, tama nago te tigidali po ena Genuai Bidi, eno nageba mani po te nago pusao. Te nago augwaliba te tama po wao, ‘Te po God aga po digi dao.’ Nago eno po augwaliba mao, te augwaligo olo bugagia munama odobaso, ma menisąbaso, te tagalao, te nago eno po augwaliba pusa mao.” Te po wali.

Maika 3:8

Tiali goli, ena Maika da, te Genuai Bidigo Mobo Bidigo enabolo te bomo mobaso, tama eno homu kolesagade te doloba pai kolesaga yali. Te agai eno haliga dąų waliyu, te Israel dabe augwaliba te augwa sęgę tigidali pusa mabo po hanilibo dao.

Matyu 10:19

Tama augwaligo dage po tųba odasa pabode, tama dage wi elama te homu egimio, ‘Dago po mena tama wagowe? Tama dago magi po wei ponogowe?’ te homu egimio. Menio. Te sogo naga digi te Godigo dagego pusabo po ola mawaibao.

Dwagi Yai Gesi Po Makgo Asęani 16:17

Godigo te bomai sę meba te enade homu dąų wabo bidi dabego nogode pedalumainu ilaibao. Te eno nogide augwaligo te dwai haubo noma bidi dabe sela sąbo sę yaibao, tama augwaligo te bidi dabego odisąwai gesi noma po te pusuyu yaibao.

Dwagi Yai Gesi Po Lukgo Asęani 1:15

Godigo gesabidide agai nogi genuai elaluaibao. Agai diluai wę dabe tulamuo. Te Jon aga ame nabo sogo gagalama, Godigo Dwagi Yai Mobo Bidi aga dali bidaibao.

Dwagi Yai Gesi Po Lukgo Asęani 1:41

Tama Mariago “Giligade dao” wali po obadi, Elisabetgo haligade elaluali wai mobodo yalio. Te Godigo Dwagi Yai Mobogo Elisabet beasagasalio.

Dwagi Yai Gesi Po Lukgo Asęani 1:67

Godigo Tedali Mobo Bidigo Sekaraia beasagaso baso, te Godigo po pusuyu, te po walio,

Dwagi Yai Gesi Po Lukgo Asęani 12:12

Te sogo tama te Godigo Dwagi Yai Mobo Bidigo nago wabo po ola mawaibao, te nage tau sai hagede tiaibao,” Jisasgo te po wali.

Dwagi Yai Gesi Po Lukgo Asęani 21:15

Ena digi ena koneai bidigo po dage pedauwaliba muaibao. Te baso, dagego boi bidi dabego te po sela sąnama aiyaba elalugobeo.

Dwagi Yai Gesi Po Lukgo Asęani 4:1

Jisas tigide Godigo Tedali Mobo Bidi pągąnaluali. Tama Jisasgo te Jordan pabo ąį taga pelama, ma geasa pali. Tama Godigo Mobogo aga te bidi meni yai buluba odasa pali.

Dwagi Yai Gesi Po Jongo Asęani 14:26

Tama dage tau siyu bomo maiabo bidi mu da te Godigo Mobo Bidi dao. Tama eno nogide Ayago te Mobo Bidi tagala palaibao. Te Mobo Bidi agai dage tigidali sę ola mawaibao. Tama agai dagego homu kolesaga ma hodoloyu, tama eno wali po tigidali dagego homugo ma koneaibao,” Jisasgo te po wai.

Dwagi Yai Gesi Po Jongo Asęani 20:22

Jisas agai te po olama, tama aga mobo augwalibolo ponai, tama augwalibolo te po wai, “Dagego Godigo Dwagi Yai Mobo Bidi te sao,” Jisasgo te po wai.

Godigo Sęba Tagala Palai Bidigo Po 1:8

Me ma, e dagego koneagameo, te Godigo Mobo Bidi dageba asobo si, teda Godigo dage bomo ilaibao. Tama duga enade po te we bidi dabebolo pusa maiyąo, te Jerusalem be nanide me, te Judia tǫ pedai tigidalide me, te Samaria tǫ pedai tigidalide me, te moni digibulu tǫ pedai dabede me te po pusa mao,” te po wali.

Godigo Sęba Tagala Palai Bidigo Po 10:47

Pitago te po wai, “Te we bidi dabe augwali pageba Godigo Dwagi Yai Mobo Bidi asali dao, da pageba polobadu asali tiwai dao. Tama tibaso, bidi mebago ‘Te bage baptais me sogobeo’ wagobeo,” wali.

Godigo Sęba Tagala Palai Bidigo Po 11:15

Tama nosali eno po pusubadi yaide, Godigo Dwagi Yai Mobo Bidi augwali tigiba dulalio, aga dago tigiba polobadu asali tiwai yai.

Godigo Sęba Tagala Palai Bidigo Po 11:24

Tama te bidi Barnabas aga dwagi yai bidi mu. Agai Godigo po bugagia konealubo bidi mu, Godigo Dwagi Yai Mobo Bidi agai kolesagade pągąnaluali. Tama te sogo umabo we bidi mu Jisasgo po wali pabo we bidi wadolagasali.

Godigo Sęba Tagala Palai Bidigo Po 13:52

Tama te Antiokde bidali Jisasgo po wali pabo we bidi augwali bugai homu yali, te Godigo Dwagi Yai Mobo Bidi augwaligo homude pągąnaluali.

Godigo Sęba Tagala Palai Bidigo Po 13:9

Te yali, te Sol agai nogi me Pol, agai gedugo te pobi wabo bidi bomonama tonaluali. Tama Godigo Dwagi Yai Mobo Bidi aga homude pągąnaluali.

Godigo Sęba Tagala Palai Bidigo Po 15:8

Tama God agai da dago homu tigidali konebo da. Tama God agai Dwagi Yai Mobo Bidi te agai dabolo hasia mani tiwai, tama nosali augwalibolo me manio, te Juda hani isąwai bidi dabe. Tama menama, dago koneagameo, Godigo augwali dali dwagi yai homu ebo dao.

Godigo Sęba Tagala Palai Bidigo Po 19:6

Te baptais selama, deli deli bidi toboluba Pol agai nogo mubadi, Godigo Dwagi Yai Mobo Bidi augwaliba asali. Augwaligo gasagi yai haniani po wabo gagalali. Tama augwaligo Godigo augwalibolo mani po pusubo sę yali.

Godigo Sęba Tagala Palai Bidigo Po 2:11

Da me badu Juda dabe mu da, me badu da homu begelama, Juda dabego ebo sę wali pabo dao. Tama da Krit me, Arebia me. Tialima, te bidi dabego Godigo bomai sę po dabe dago po dabego wabo odali,” augwaligo te po wai, te tamadi asai bidi dabego.

Godigo Sęba Tagala Palai Bidigo Po 2:3

Tama augwaligo te nai dabe suali, te dwasianu sia bogoli dabe tiwai, bidigo hamena gagawai dabe augwaligo suali. Tama te nai dabe pebeda pelama, bidi deli deliba pelama, dią yani.

Godigo Sęba Tagala Palai Bidigo Po 4:31

Te augwaligo Godibolo po olama, silibo si, te sisinagasali bede tǫ mali yai. Godigo Dwagi Yai Mobo augwali kolesagaba asali, tama te sogo gagalama, Godigo po augwaligo pususu pai, wi ebe.

Godigo Sęba Tagala Palai Bidigo Po 4:8

Godigo Dwagi Yai Mobogo te Pita kolesaga pągąna sąyani. Te Pitago te po wei ponoyu te po wai, “Genuai bidi dabe, monu dabe, odao.

Godigo Sęba Tagala Palai Bidigo Po 6:3

Tama tibaso, abagi dede, dagego bidi nogo a olama, me badu nogo si sao. Augwaligo te nai dobabo sę tonalumainao. Augwali Godigo Dwagi Yai Mobo Bidi augwalide bidibo bidi, dwagi yai kolesaga ebo bidi, te tobage bidi sao, te nai dobabo sę emainu yao.

Godigo Sęba Tagala Palai Bidigo Po 6:5

Te bidi Jisas wali pabo we bidi augwaligo te Jisasgo tagala palai bidi dabego po odama, “Usu da” wali. Tama tibaso, bidi dabe dąį ilali. Hasia bidi agai nogi Stiven, te agai Godigo po mu dąų olama odobo bidi dao, Godigo Dwagi Yai Mobo agai homude mu pągąwai. Bidi mego nogi Filip, bidi mego nogi Prokorus, bidi mego nogi Nikanor, me Timon, me Parmenas, me Nikolas. Te bidi Nikolas, te agai page bulu Antiokdu asali. Polobadu agai te Juda dabego lotu po wabe, tama tamadi te Juda dabego lotu po agai wabo gagalali.

Godigo Sęba Tagala Palai Bidigo Po 6:8

Te Godigo te bidi Stivenbolo dwagi yai sę elama, genuai bomo mu mani. Stivengo me me genuai bomai sę yali, te we bidi noma sabo sę tiwai me yali.

Godigo Sęba Tagala Palai Bidigo Po 7:55

Tiali goli, Godigo Dwagi Yai Mobo Bidi aga homu kolesagade pągą yanio. Tama agai ugwaba dagaluba tonalubadi, Godigo dwagi yai ula suali. Tama agai suali, Jisas te Godigo dolo nogode dolalubo suali.

Godigo Sęba Tagala Palai Bidigo Po 8:17

Tama tibaso, Pita dali Jon sigo Godibolo po hanalu wali, Godigo Dwagi Yai Mobo augwaligo homuba asomai hagede. Tama augwali sigo nogo te tigidali we bidi toboluba muani. Augwali Jisasgo hani tama tibo sogo augwaligo Godigo Dwagi Yai Mobo Bidi sali.

Godigo Sęba Tagala Palai Bidigo Po 9:17

Tama te po obaso, Ananaias pelama, te beba sabolali. Tomoba pelama, agai nogo te Sol toboluba muani. Agai te po wai, “Sol, nage da eno ama dao. Tama Genuai Bidi Jisas aga digi ena nage pageba tagala palai dao. Nage te pabo tųdu edaba asobadi, Jisas aga digi nagebolo sabolali. Agai ena tagala palali, nago gedu ma dwagi yai ilimainu yai. Tama agai homugo Godigo Dwagi Yai Mobo nage tomode bidimai hagede, te sę yai,” Ananaiasgo te po wai.

Polgo Po Pas Rom Dabeba Asęani 15:13

God da, aga te dago homu agaba tialuama tama dwagi yai homu eyu te agai dabolo nosali yabo sę tonalubo kolesaga page bidi dao. Tama eno gedu haluasa po weyu tama wabo dao, “God, te Rom bulude bidibo we bidi augwaligo nageba te konealubo po dąų wali dao. Tama tebogo nago augwali wiegi yai homu pemene genuai elama, tama nagame yai homu te augwaliba pedalama tama pągąnalumainogo yao, te eno homugo dao. Tama nago Tedali Mobo Bidigo bomogo augwali tau siyu tama augwaligo te nago nosali yabo sę bugagia tonalubo kolesaga te geninama mu pedalomainao,” eno te tobage po te Godibolo hanalu wabo dao.

1 Korin 12:10

Tama gasa bidi mebolo te Tedali Mobo Bidigo te haniani bomai sę yabo bomo mabo dao. Tama gasa bidi mebolo te Godigo po pusabo kolesaga agai mabo dao. Tama mebolo te haniani dwai haubo noma bidi dali te dwagi yai noma bidi dali dagalabo kolesaga agai mabo dao. Tama gasa bidi mebolo te Godigo Mobo Bidigo te tǫde bidibo we bidigo homugo konesiąwai po wabo kolesaga mabo dao. Tama agai me te gasa bidi me delibolo te hasia bidigo wabo po begelabo kolesaga olo mabo dao.

1 Korin 13:1

Te haniani dago homugo konesiąbo pogo po wabo, tede eno po tamadi wai dao. Te eno te da tǫde bidibo we bidigo dena homugo konesiąbo haniani pogo wabo, ma te tǫde bidi dabego wabo haniani po, ma te ensel mobo bidi dabego gasagi yai po me, te po tigidaligo eno po wabo usu eyu da, tiali goli eno te gasa we bidi dali dwagi yai homu eyu godolo ebo kolesaga esiąyu da, teda eno po wabo te belo olo subigila elibo tiwai eyu, ma te moni nigo nigali habidi te olo elibo tiwai gilama yaibao.

1 Korin 13:8

Te Godigo aga we bidibolo te tau sabo bomo osogo mawai dao. Agai bidi mebolo te Godigo po pusubo bomo olo mayu, tama gasa bidibolo te haniani gasagi yai homugo konesiąbo pogo po wabo bomo olo tama mayu, tama tedali bidibolo gasa haniani homu kolesaga koneabo bomo mayu ebo dao. Te tobage mani sę yabo bomo te osogo elalubo nai naga dao. Tiali goli te gasa we bidi dali dwagi yai homu eyu godolo ebo kolesaga da, te gamonabo kolesaga mu dao, te munu me siligobeo.

1 Korin 14:18

Dagego te da tǫde bidibo we bidigo dena homugo konesiąbo pogo me sogo Godibolo po wabo dao. Awe, te usu da. Eno me hauwa sogo tama tebo dao, tama te sęde eno dage aiyaba elalubo dao. God agai te pogo po wabo bomo ena mobaso, eno agabolo puba hwi po wabo dao.

1 Korin 14:5

Eno homugo dage tigidaligo te we bidigo konesiąbo pogo po omainogo te homu godolo ebao. Tiali goli eno homugo te Godigo po dagego pusumainogo te homu mu godolo ebao. Magi baso meni, te Godigo po hania pusubo bidi agai te we bidi tau sabo sę ebogo te we bidigo konesiąbo pogo po wabo bidigo tau sabo sę aiyaba elalubo dao. Tiali goli, te we bidi augwaligo te po page hania konemainogo eyu, bidi mego te po page begeleyu da, teda te usu da, te po pusubo bidi dali te we bidigo konesiąbo pogo po wabo bidi dali sigo tau sabo sę te tiwai si dao.

Efesus 3:19

Awe, Kraisgo te dage we bidi godolo mu ebo kolesaga tigidali te bidigo kuna bugagia kone palasiąbo kolesaga digi, te eno homugo dagego te kolesaga bugagia mu koneao. Tama dagego tama tiyu da, teda dagego ebo kolesaga tigidali te God agai ebo wiegi yai kolesaga naga tiwai pedalobao. Tama eno dagede te homu ebaso, tama eno God dali dage tau sabo po wabo dao.

Efesus 5:18

Te dage te bomo yai ąį hauwa tulama te polobo bidi tiwai egimio. Menio. Te tebo kolesagago dageba daganama dolainogo ebo dao. Dagego God agai wiegi yai Mobo Bidigo dageba daganama tonalumainao, te dage bugagia bidimainogo yao.

Efesus 6:18

Tama tiyu, tigidali sogo dagego po God dali wao, agai dage tau somainu yai. Tama te Godigo Mobo Bidi agai dage bomo mayu, tego Godibolo po wao. Te sę yainu, dage pila mugimio, hodaluao, nolǫ isiąbo ąǫ egimio. Te sę munu me tagaligio. Tigidali sogo dagego gedu haluasa po Godigo we bidi tau somainu wao.

1 Pita 1:12

Augwaligo te po hanalu wali digi, tama God agai augwalibolo waselama, tama augwaligo koneai, augwaligo po pusubo sęgo augwa digi tau sabo sę meni, te dage nosali bidabo we bidi tau sabo sę dao. Tama augwaligo te sę eyu, augwaligo te polobadu sogo mu pusali po dagego tamadi odali. God agai aga Tedali Mobo Bidi aba tagala palama, tama agai gasa bidi dabe tau siyu, augwaligo Godigo dwagi yai po dagebolo pusagasai. Tama te sęde te Godigo dagalude sę ebo ensel bidi dabe augwaligo bomo eyu, te sę page kuna koneaio homu ebo dao.

2 Pita 1:21

Magi basowe? Polobadu bidi me deli aga homugo digi te Godigo po pusubo profet dabego wabo po munu me pedalobeo. Menio. Godigo Mobo Bidi aga digi te bidi dabe homu hodolobaso, tama augwaligo te Godigo augwalibolo mani po pusai dao.

1 Samuel 1:14

tama agabolo te tiwai po wali, “Nisu sogo nage te polobo homu ebo kolesaga tagalaibawe? Nago te e be tagalama, pao. Te nago polobo homu ebo kolesaga silibo si, te nage ma asagameo,” wali.

1 Samuel 10:10

Te Sol aga sę bidi dali te Gibea buluba sabalubo sogo, te profet hani me deligo aga dali deliba gesabidi munasa, tama te Godigo Mobo agaba bomo elama pedelali. Tama aga te augwali dali deliba muna selama, tęąbi weyu, tama te profet dabego ebo tiwai te sasa mano bilai.