Godigo Sęba Tagala Palai Bidigo Po 13:2 - Godigo dwagi yai po buku

² Tama augwaligo tubo nai osogo gisilama, Godibolo nage dwagi yai da obadi, tama Godigo Dwagi Yai Mobo Bidigo augwalibolo te po wai, “Te Barnabas dali, Sol dali si te tedali sę emainu tedali muao, te eno dąį ilali sę augwali sigo emai yaibao,” wali.

Godigo Sęba Tagala Palai Bidigo Po 13:2 Iomraidhean Croise

Tuni Bidi Dabego Po Elalubo Buku Deli 16:4

Tama nosali Devitgo te Livai meba dąį ilali, te Dąų Wali Bomai Po Munalubo Halobage pąba pelama, Godiba lotu wabo bidi meba dąį ilali, te Israelgo Genuai Bidi da. Augwa te Godiba buba hwi olama, gedu haluasa po weyu, usu da po olama, te agai nogi ugwaba somainao wali.

Daniel 9:3

Tialima, eno gedu haluasa po te God Genuai Bidiba wabo gagalali. Eno haliga hobede mu yali, tama eno nai munu me tusiąma, tama eno te homu dene ebo ugwa bea selama, tama sia keli eno tigide muani. Ena te tiwai bidiyu, tama eno gedu haluasa po bomonama te Genuai Bidiba wali.

Matyu 17:21

[Tiali goli dagego te gedu haluasa po wabo me, te osogo nai gisilibo sę me, te sę si isiąbaso da, teda dagego te tobage gasa dwai haubo noma bidi sela sąwainogo ebo te usu egobeo. Menio.]” Jisasgo te po wai.

Matyu 6:16

“Te dagego Godibolo po wainu tama nai osogo gisilidu gebo si, teda dagego dwai gesabi siyu, te hulia sabo te tiwai te ugwadu homugo naga po wabo bidi dabego nai osogo gisilama gesabi hulia sabo tiwai egimio. Te menio. Augwaligo gesabi doloyu, hulia sabo te we bidigo augwaligo nai gisilali sulama konemainogo ebo dao. Eno mu po dagebolo obao, augwaligo te tobage sę elama, tama we bidigo augwaligo nogi ugwaba sai goli, te tama dao, te Godigo te sę ebode augwalibolo wiegi yai nai me magobeo.

Matyu 9:38

Tama tibaso, dagego te gi aga ayabolo gedu haluasa po waiyąo, tama agai aga sę bidi tagala palama, te gide elalubo nai sisinigi pomainogo wao,” Jisasgo te po wai.

Dwagi Yai Gesi Po Lukgo Asęani 10:1

Te nosali Genuai Bidigo bidi sese sela olama, me bidi nogo si olama, sągągo si peda sigisu te 72 bidi sa munama, tagala palali. Aga nosali pabo pesage tigidaliba te bidi dabe si si tagala paliyu ela palio.

Godigo Sęba Tagala Palai Bidigo Po 10:19

Tama Pita te na gagawai yali sę konealu bidibadi yaide, Godigo Dwagi Yai Mobogo agabolo te po wai, “Edao, bidi selago nage gege asalio.

Godigo Sęba Tagala Palai Bidigo Po 10:30

Te Korniliusgo te po wei ponoyu te po wali, “Te polobadu sela sogo polo walio, pioba poloba nai po sela wabode, eno Godibolo po weyu bidibadi, polo te bidi me deli ena pagede dolalubo suali. Agai ugwa ula genuai mu yali.

Godigo Sęba Tagala Palai Bidigo Po 13:3

Tama te po odama, augwaligo nai ma osogo tagalama, God dali po olama, augwa nogo tega si toboluba mubadi, augwali sigo te yabo tedali sęde sa muani. Tama tilama, tega si te sęba tagala palali.

Godigo Sęba Tagala Palai Bidigo Po 13:4

Te Godigo Dwagi Yai Mobo Bidigo te Barnabas dali, Sol dali si tagala palama, augwali si te Selusia buluba pali. Tama Selusiade moni gebadu pelama, tama te tamu ąį bolama te Saiprus tǫ sabolali, te ąįgo u badu te e badu si bologobea sai tomo yagu tǫba sabolali.

Godigo Sęba Tagala Palai Bidigo Po 14:26

Tama augwali sigo Atalia bulu taga pelama, moni geba deli selama, tama ąįdu pelama tama Antiok buluba sabolali. Tama te bulude polobadu Jisasgo po wali pabo hanigo augwaligo nogo tega si tobolude munama, agai tega si tau somainu, Godibolo gedu haluasa po wai. Te po olama, augwaligo te bidi si polobadu tagala palali. Tama augwali si te tǫba ma sabolali, te sę egi pomai hagede, tama augwali sigo te sę ela bila silama, ma asali.

Godigo Sęba Tagala Palai Bidigo Po 20:28

Pol agai te tobolu bidi dabebolo te po wali, “Dua dao. Duga digi dali, te Godigo Dwagi Yai Mobo Bidigo dagego nogode muai we bidi dali, bugagia tonaluao. Tama dagego augwali te kibu sipsip tiwai negebo ąǫ yao. Dagego kone dao, Godigo aga ogwa Jisasgo kanemego te hani aga abelama, aga ma sai dao. Tama dagego augwali bugagia negao. Magi basowe?

Godigo Sęba Tagala Palai Bidigo Po 22:21

Tama te Genuai Bidi agai enabolo te po wai, ‘Nage megi pao. Eno nage te Israel hani isąwai we bidi pageba tagala palabo dao, digibulu,’ te wali,” Pol agai te po wali.

Godigo Sęba Tagala Palai Bidigo Po 4:36

Te augwaligo te tobage sę ebadi, te bidi me deli bidali, agai nogi Josep. Augwaligo nogi me poai, te nogi Barnabas. Te nogi page, ‘Abagi pogo bidi tau sabo da.’ Agai hani nogi Livai, agai page bulu te Saiprus tǫde, te tamu ąį tomode elalubo tǫ dao.

Godigo Sęba Tagala Palai Bidigo Po 6:4

Tiali goli, dena te sę egobe. Da da, tigidali sogo Godibolo gedu haluasa po wabo sę dali, Godigo po pusa mabo sę dali, te sę si naga yaibao,” augwaligo te po wai.

Godigo Sęba Tagala Palai Bidigo Po 8:29

Tama Godigo Dwagi Yai Mobo Bidigo te Filipbolo te po wai, “Nage te kibu hos kegasa pabo te bidi dulalubo karis pąba pelama, bidao.”

Godigo Sęba Tagala Palai Bidigo Po 9:15

Tama Genuai Bidigo agabolo te po wai, “Nage pao, eno aga dąį ilibaso, agai eno sę yaibao. Sol agai eno nogi te gasa hani dabe we bidibolo ola mawaibao, te genuai gavman bidi dabebolo me, te Israel we bidibolo me eno nogi pusa maiabo bidi dao.

Polgo Po Pas Rom Dabeba Asęani 1:1

Ena Pol da, tama eno e po asęna tolobao. Ena te Krais Jisasgo sę bidi dao. God agai ena i olama tama te po sela pabo sę bidi nigilali. Eno te Godigo wiegi yai gesi po te we bidibolo pusumainu agai ena hagea selama tedali muai.

Polgo Po Pas Rom Dabeba Asęani 10:15

Tama Godigo te po pusabo bidi augwali me tagala palisiąwani da, magi ilama augwaligo te po pusigi pogowe?” Bidi mego enabolo te tobage po obaso da, teda eno te po wei ponoyu, e po waibao, “Woo, te Juda dabe augwaligo Kraisde te po odali dao, te Godigo po bukude elalubo po me deli tiwai, te po e dao, ‘Te wiegi yai gesi po sesebo bidi dabe augwali asobo te homu dwagi yai ilibo sę mu dao,’ te po asęani,” eno te po waibao.

Polgo Po Pas Rom Dabeba Asęani 15:16

Tama agai ena te Krais Jisasgo sę ebo bidi bidimainogo ilama, te Juda hani isąwai gasa hani augwali tomode sę emainogo yai. Ena te Godibolo lotu po weyu sę ebo bidi pris tiwai elama, tama eno Godigo wiegi yai gesi po pusubo sę ebao. Eno te gasa hani augwali te Godiba sela aselama, tama Tedali Mobo Bidigo augwali wiegi yai mu doloba pai we bidi ilibo si, tama eno augwali Godibolo te usu si yai ofa tiwai elama mawaibao.

1 Korin 12:11

Eno megi tama nedada pali haniani sę yabo homu kolesaga augwali tigidali te Godigo Mobo Bidi deligo naga te nigibo dao. Te aga homugo digi agai te gasa sę yabo kolesaga te gasa bidi me delibolo dobayu, tama gasa bidi mebolo te gasa sę yabo kolesaga mayu ebo dao.

1 Korin 7:5

Dage we de bidi si taluama bidibo, te me deligo me tudiba muyu tama aga tigi dąų weyu geą siyu me elamuo. Te kolesaga ebo tagalao. Mu tama, duga si homu deliba munama, tama duga si tigi te pęwadage sogo habu selabo homu elama, te duga si Godibolo gedu haluasa po wabo sę yainu osogo habu selabo homu ebaso da, te usu da. Tiali goli nosali te duga si homu deli elama te duga si tigi deliba ma taluao. Tiyu duga digi te duga tigi ma tonaluabo usu isąyu, tama Satango dage usu siyu, te dagego dwai penani sę emainogo sinabuo.

2 Korin 11:27

Eno sę dene haniani mu yalio. Hauwa sogo ena hulide sę eyu, tama ena godege me pibe. Ena nai sili bidali, tama ena ąį nogonego sali. Hauwa sogo eno nai gisilali. Ena kedaugo me siyu, tama ena ugwa me meni yai bidai dao.

2 Korin 6:5

Bidi dabe augwaligo da elama tama da kalabus iliyu yai. Te boi bidi dabe augwaligo da pobesa bilama tama moni po dagą weyu, po dwai i olama dabolo wai. Da moni sę dene mu yali. Da hauwa sogo bugagia godege me pisąwai. Tama da nai sili bidiyu yai dao.

Galesia 1:15

Tiali digi, polobadu eno idago ena ame nesiąbadi, tama Godigo ena te sogo sa muai dao. Tama tiyu, agai ena dali aga dwagi yai homu eyu, olo tau siyu, tama ena ame nenama, tama aga bidi mu pedalumainu ilama, tama agai ena i wai, eno agai sę emainogo yai.

Efesus 3:7

Te God agai wiegi yai po eno pusigi pomainogo ena te sęba muai dao. Tama agai te olo tau sabo wiegi yai sę enabolo eyu, tama agai bomo me enabolo mani, te ena dąų olama eno te sę emainogo tebo dao.

Bomai Po 10:8

Polobadu augwali Sainai bulu dude bidibadi, Godigo te Livai hanigo te Dąų Wali Bomai Po Halobage tolomainogo sa muai dao. Te bidi dabe augwaligo te pris sę tuyu, me te we bidibolo augwaligo God augwali dali wiegi yai sę yaibao po weyu yai dao. Tama augwaligo te sę ela asidubadi, megiba tama usu nubao.

Kolosi 4:17

Tama dagego te bidi Arkipus aga dali e po wao, “Te Genuai Bidigo nago nogoba muani sę sula tagaligio. Nage aga sę ebo bidi bidibaso, te mani sę bugagia silao,” te po Arkipusbolo wao.

2 Timoti 2:7

Tama tede Godigo ena te agai po sela pabo sę bidi mubaso, tama eno agai po pusubo sę elalubao. Eno mu po naga obao, eno tibo po me wabeo, te Israel hani isiąwai bidi dabebolo po ola mabo tisa bidi agai ena nigilali, te eno augwalibolo te Godigo mu po dali te Kraisde konealubo po augwa homugo dąų wabo kolesaga me eno ola momainogo yali.

Polgo Si Wali Pas Timotiba Asęani - 2TI 1:11

Godigo te wiegi yai gesi po pusubo sęba ena mubaso, tama ena te po pusubo bidi bidiyu, tama ena te Godigo sęba tagala palali sę ebo po ola mabo tisa bidi dao.

Polgo Si Wali Pas Timotiba Asęani - 2TI 2:2

Tama tiyu, te nago eno pedauwalide odali po, te po te bidi hauwa gedude pusali po tigidali nago odali. Tama te po naga nago te Godigo poba homu kęą pai bidi dabe, augwaligo nogoba te po bugagia muao, te augwaligo me usu elama tama te po gasa Godigo poba homu kęą pai bidi dabebolo nosali ola momainu yao.

Polgo Si Wali Pas Timotiba Asęani - 2TI 4:11

Luk deli naga ena dali bidibao. Nago te Mak selama, tama odasa nage dali asao. Agai te bugagia te sęde ena tau somainu usu yaibao.

Polgo Si Wali Pas Timotiba Asęani - 2TI 4:5

Tiali goli naga digi te polobo bidi tiwai bidisiąyu naga homu sesemane sogo bugagia tonaludao. Tama tiyu nago te sęgę tolao. Nago te bidi dabe augwalibolo te Godigo gesi dwagi yai po pusubo sę yao. Nago te we bidi dabe augwali tau sabo haniani sę elalubaso, te sę nago bugagia mu yao.

Hibru 5:4

Te genuai pris tobolu bidigo ebo sę te genuai nogi elaluaibao. Tama bidi me deli aga homugo aga digi te sę me sogobeo. Menio. Godigo naga hasia agabolo i olama, tama agai te sę yaibao, te polobadu agai te bidi Aron te genuai pris tobolu bidi sęba i wali tiwai gilama ebo dao.

1 Samuel 2:11

Hanago te tama gedu haluasa po olama, tama aga ma pali. Tiali goli, te gesi ogwa bidi Samuel te Silo bulude bidama, tama te Genuai Bidigo sę yali, tama te pris Eligo aga tonalubadi te sę yai.