Godigo Sęba Tagala Palai Bidigo Po 12:5 - Godigo dwagi yai po buku

⁵ Tama tibaso, augwaligo Pita kalabus bede tonaluali. Tiali goli, Jisasgo po wali pabo we bidi augwaligo Godibolo gedu haluasa po hauwa sogo mu oduali, te Pita tau somainu yai.

Godigo Sęba Tagala Palai Bidigo Po 12:5 Iomraidhean Croise

Matyu 18:19

Tama eno po me dagebolo obao, e tǫde dage tomode bidi me sigo deli homu kolesaga eyu, tama nai me deli sainogo augwali sigo gedu haluasa po obaso da, teda eno Aya dagalude bidibo bidi agai te nai te bidi sibolo mawaibao.

Dwagi Yai Gesi Po Lukgo Asęani 18:1

Te Jisasgo aga wali asobo we bidibolo po begelai po me pusali. “Dagego sesemane sogo Godibolo gedu haluasa po weyu, nono meniama, tagalidali weyu, eno e po begelai po dagebolo pusubao,” wali.

Godigo Sęba Tagala Palai Bidigo Po 12:12

Te Pitago te homu elama, aga te we nogi Maria, Mariago beba pali. Te Maria aga ogwa agai nogi Jon, agai nogi me Mak. Tama te bede we bidi umabo sisinagaselama, Godibolo po weyu bidali.

Godigo Sęba Tagala Palai Bidigo Po 12:4

Tama augwaligo Pita nogo dulama, aga kalabusiba muani. Tama augwaligo Pita tonaluabo enesigi bidi nogo si olama, me badu sągą kibisa deli wagi solama sali. Me si me si nama bagego giligade me, hulide me, augwaligo me hasegeleyu, me hasegeleyu ilama, Pita tonaluali. Herot agai homugo Pita te tigidali we bidi gedude po tų ela mawainu yaibao, te moni nai nogeai sogo silibo si.

Godigo Sęba Tagala Palai Bidigo Po 12:6

Te Herot agai homugo ‘Pita te we bidi gesabiba do kigamu odasa asaibao, po tų yai hagede,’ homu yai. Tama te sogo hulide Pita te tonaluabo enesigi bidi si tomode piai. Augwali sigo nogo dali Pitago nogo dali daganama, aligabo bonogo kęwai. Tama te kalabus be tųde tonalubo enesigi bidi dolaluali.

1 Korin 12:26

Tama tiyu te tigi me badu pedai badu dene eyu da, te tigidali badu dwai bidaibao. Tama me deli badu te nogi sobaso da, te tigi tigidali badu augwaligo te aga dali wiegi yai homu yaibao.

2 Korin 1:11

Tama dagego tede Godibolo hanalu wabo po wabogo da tau sao. Tama tiyu te Godigo te we bidi hauwago aga hanalu wabo po tama odama, tama agai da tau saibao. Tama we bidi hauwago te agai da tau sali sęba homu koneama, tama Godibolo usu da po agai te yali dwagi yai sęde waibao.

1 Tesalonaika 5:17

te dagego sesemane sogo gedu haluasa po bidada peyu me, God dali po wao.

Hibru 13:3

Dagego te ama dede augwaligo Krais wali pobaso te boi bidi dabe augwaligo augwali meba kalabus beba muani. Tama te kalabuside bidibo ama dabe dagego homugo konealuao, augwali tau sao, te duga digi te kalabuside augwali dali bidibo tiwai ebao. Tama te bidi dabe augwali tigide sęgę sabo te dagego homugo koneao. Dagego koneani, te duga me tigi elalubo dao.

Jems 5:16

Tama tibaso, dagego duga dwai sę yali te duga ama dabebolo pusao, te duga hasi tau somainogo Godibolo te po hanalu wao, te God agai dage dwagi yai ma usu ilimainogo yao. Tama tiyu, te doloba pai bidigo gedu haluasa po wabode bomo elaluyu, tama agai te gedu haluasa po wabogo te we bidi tau sabo sę ebo usu yaibao.