Godigo Sęba Tagala Palai Bidigo Po 1:7 - Godigo dwagi yai po buku

⁷ Tama Jisasgo augwalibolo te po wei ponai, “Menio. Te eno Aya deli naga konealubo, te sę ebo sogo me, te agai bodolu mabo. Agai homugo. Dagego nai menio, tama tibaso dagego Ayago bodolu mani sogo si dabe konegobeo.

Godigo Sęba Tagala Palai Bidigo Po 1:7 Iomraidhean Croise

Jopgo Po Asęani Elalubo Buku 24:1

Tama Jop agai po genina ma weyu, e tama wali, “Magi baso God Tigidali Bomo Elalubo Bidigo dwai bidi dabe po tų yabo bodolu mube yaliwe? Tama magi baso te we bidigo God wali pelama, te tobage po tų yabo sogo olo dali magi baso tonalubowe?

Daniel 2:21

Nago te giliga side, me tulubage side te tonalubao, tama nago digi te bidi dabe king pedalumainu elama, tama nago te king dabe augwa sęde sela sąyu ebo dao. Tama nago te wiegi yai konebo homu kolesaga te we bidi dabeba mabo dao.

Matyu 20:23

Tama Jisasgo augwali sibolo te po wai, “Mu dao, te dage si eno kapde ąį tueibao. Tiali goli de mu te eno dolo nogode me pobase nogode me dua yabo, te sę eno egobeo. Menio. Te tobage bidi dabe bidabo bulu dabe te eno Ayago naga augwali dua yabo digi sisi yai elalubao,” Jisasgo te po wai.

Matyu 24:36

“Tiali goli mena bidi mego te asabo sogo te bodolu munu me konebeo. Te dagalude bidibo mobo bidi ensel dabe augwaligo me konebeo. Ogwago me konebeo. Aga Aya deligo naga te bodolu konealubo dao.

Dwagi Yai Gesi Po Makgo Asęani 10:40

Tiali goli de te eno dolo nogode ma pobase nogode duayabo sę, te sę eno me egobeo. Menio. Godigo digi te duabo sia sai te bidi mebabolo mawainu agai sisi ilai elalubao,” Jisasgo te po wali.

Dwagi Yai Gesi Po Makgo Asęani 13:32

Te Jisasgo po ma weyu, te po wai, “Tiali goli te bidi me deligo te asabo sogode te bodolu me konegobeo. Te dagalude ensel mobo bidi dabe augwaligo me te me konebeo. Te Godigo Ogwago me agai me konebeo. God Ayago naga agai te asabo sogo bodolu koneai elalubao.

Dwagi Yai Gesi Po Lukgo Asęani 21:24

Tama te boi bidi dabego te Juda dabe me badu moni hwągo ela muaibao, me badu nogo si dųlama, kalabus ilama, odasa pelama, tama tigidali gasa tǫba mugi paibao, tede mu bidimainu yaibao. Tama te boi bidi dabe, te Juda bidi hani isąwai dabe, augwaligo te Jerusalem hanu mu dola silaibao, te aiyaba elaluaibao. Tama nosali te Juda hani isąwai dabego Juda dabe aiyaba elaluabo si silaibao,” Jisasgo te po augwalibolo wai.

Godigo Sęba Tagala Palai Bidigo Po 17:26

Godigo hasia mu bidi me deli nigai (te bidi nogi Adam). Tama nosali te bidi deligo te tigidali haniani bidi dabe dalali. Tama Godigo tigidali bidi dabe tigidali buluba dobayali, augwa te bulude bidimainu yai. Tama God aga digi polobadu mu augwali te bulu dabede bidabo sogo bodolu munama, dąį ilai dao.

Efesus 1:10

Tama te sę e tama dao, God agai tigidali nai dodolo piduainu, agai bodolu mani sogo asobo si, te tigidali dagalude elalubo nai me, te tigidali tǫde elalubo nai me, te Kraisba tigidali nai deliba sisinaibao. Tama te sogo Krais aga tigidali naigo tobolu bidi bidaibao.

Bomai Po 29:29

Tama Mosesgo po geninama ma weyu, te po wali, “Te Genuai Bidi dago God agai dabolo hanilisąma geme duali po meba te elalubao. Awe, te usu dao, te agai sę dao. Tiali goli, agai bomai po dabolo hanilama pusa mani, tama dago nosali ame nabo wąį dabego me, dago me, te bomai po wali tigidali sogo pomainogo yali,” Mosesgo te po wali.

2 Timoti 6:15

Aga ma asobo sogo te Godigo aga digi sa muani bodolu sogo elalubo, te sogo te dolo sogo mu naga yaibao. God naga te dwagi yai homu pemene ebo page bidi, tama agaduba deligo naga tigidali sę yabo bomo elalubao. Agai te tǫde tuni bidi dabego Tuni Bidi, tama aga te genuai bidi dabego Genuai Bidi dao.

Polgo Si Wali Pas Timotiba Asęani - 2TI 3:1

Timoti, nago te tiwai tama koneao: te tǫ de dagalu si silibo sogo te pąba yagasobo si te dwai sę ebo bidi dabe augwaligo dwai sę hauwa ebaso, te Godigo po odobo we bidiba te dwai sęgo kekainu sinabo sogo pedelaibao.