Godigo Sęba Tagala Palai Bidigo Po 1:18 - Godigo dwagi yai po buku

¹⁸ (Polobadu Judas agai Jisasde dwai sę elama, masigi dabe sai dao. Tama te masigigo tǫ abelama, tede tulaluyu, aga tabi peda peyu, aga haliga dabe buluba dią soyu, tama isai dao.

Godigo Sęba Tagala Palai Bidigo Po 1:18 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 55:23

Tiali goli God, te nago te bidi ela mubo bidi dabe sela sąyu, tama te tibo po wabo bidi dabe me sela sąyu elama, tama augwali te dwai pesageba pelama, tama augwali hagawaibao. Te augwaligo bidabo sogo bodolu te me elalubadi, tama te augwali isaibao. Tiali goli, ena digi, teda eno konealubo homu nageba mu sesemane kęą paibao.

Godigo Nogi Ugwaba Sabo Tęąbi Po Wabo Buku Dabe 55:15

Eno homugo te eno boi bidi dabego haligade me, te augwa bede me, te dwai kolesagago pągąnaluao. Tialima, eno homugo te augwali polo isimainu homu yai. Te augwali bidibo elalubadi, tama augwali te isibo bidi dabego pesageba pomainu ebao.

Israel Hanigo Namba 22:7

Tialima, te Moap de Midian tobolu bidi dabego te po te Balam pageba sela pali. Augwaligo te Israel dabe dolao omainogo abelabo mone dabe meba me sela pali. Tama augwali Balam pageba sabolama, tama Balakgo po agabolo pusali.

Matyu 25:15

Agai te sę bidi deli deli augwaligo kolesaga me bomo homugo koneama, tama augwalibolo te mone dobawai. Me delibolo agai te bidi sese mone hauwa 5,000 kina mani, tama mebolo agai te bidi sese mone hauwa te 2,000 kina mani, tama mebolo agai te bidi sese mone hauwa 1,000 kina mawai. Agai tama tilama, aga pai.

Israel Hanigo Namba 22:17

Nage aselama, tama nage eno nai dabe hauwa mu menama, tama nago homugo enabolo ya wabo nai dabe sese tama eno yaibao. Tama tiali, eno homugo nage aselama, tama te we bidi dolabo bomai po nago wagasao,” Balakgo te po ola tolali.

Sekaraia 11:13

Te bidi dabe augwaligo ena te dwai sę bidi da homu ebaso, tama augwaligo ena te dwasianu mone naga manio. Te Genuai Bidigo enabolo te tiwai po walali, “Nago te mone te tǫgo sospen sęnę nigibo bidibolo mao,” wali. Tialima eno te mone Genuai Bidigo beba sela pelama, tama eno te mone te tǫgo sospen nigibo bidibolo mawai dao.