Godigo Sęba Tagala Palai Bidigo Po 1:10 - Godigo dwagi yai po buku

¹⁰ Te Jisas holobaso, augwaligo bomo yaigo tonalubadi, tama polo te nala nisi ugwa gudai bidi si augwali dali hodobo dolaluagasai.

Godigo Sęba Tagala Palai Bidigo Po 1:10 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 2:10

Elaijago te po wei ponoyu, e tiwai po tama wai, “Te nai nago enabolo hanalu wali, te eno tama polo nagebolo polo magobeo,” wali. “Tiali goli, Genuai Bidigo ena sela holobo sogo, te sogo nago ena subaso da, teda te sogo nago te bomo sagameo, tama tialima, nago ena pabo sogo susąyu da, teda nago sabo usu egobeo,” wali.

Daniel 7:9

Tama nade eno suali, augwaligo te king duayabo sia sai meba sela aselama, muagasai. Tama te Polobadu Polobadu Bidada Aselama, te Megi Me Bidada Peyu, Bidada Pabo Bidi aselama, te duabo sia kingde dugayagasobo suali. Agai gudali ugwa dabe te nala nisi poai mu yai, tama agai tobolu nisi te tedela mu, te meda meni yai kibu sipsip nisi tiwai yai. Tama te dugabo sia king te wil dabe elaluali, tama te dugabo sia sai tigidali badu te isi bogoli genuai elama,

Matyu 17:2

Tama augwali te bulu dude bidibadi, te bidi sela augwaligo gedugo Jisas tonalubadi yaide, tama Jisasgo tigi augwaligo gedude gasagi yai pedalai. Aga gesabidi te giliga ge nanobo tiwai yai. Aga ugwa dabe me te gegemani eyu, tama ba nala nisi tiwai mu pedalai dao.

Matyu 28:3

Aga gesabi ula te be sele ula tiwai yali, tama aga gudali ugwa te tedela yai te dagalu pǫ ula tiwai yalio.

Dwagi Yai Gesi Po Makgo Asęani 16:5

Augwali te gų page tomoba pobadi, tama augwaligo te gesi ogwa bidi me deli te dolo nogo badu dualalubo suai. Aga te bobage tedela ugwa gudai elaluai. Tama augwali noma siyu midigi siyu wi yali.

Dwagi Yai Gesi Po Lukgo Asęani 24:4

Te we dabe augwaligo te tiwai subaso, tama augwali homu hauwa mu yai. Tama augwali we dabe kolesaga tųą pelama, umula pela muai. Tama augwaligo tonalubadi yaide, bidi si polo pedelama, tede dolaluali. Te bidi sigo ugwa da mu udula pela muai.

Dwagi Yai Gesi Po Jongo Asęani 20:12

Tama Maria agai Godigo sę ebo ensel mobo bidi si tedela bobobage ugwa muai bidi si suai, te Jisas muani ola be tomode dulalubo suai. Tama te ensel mobo bidi me deli te Jisas tobolu muani digi dulaluyu, me te sągą muani digi dulaluyu yai, te Maria agai suai.

Godigo Sęba Tagala Palai Bidigo Po 10:3

Tama me sogo pioba poloba nai po sela wabode, agai na gagawai yali. Tama agai Godigo dagalude sę ebo ensel bidi me deli aga pageba sabalobo hania sualio. Te Godigo ensel bidigo agabolo te po wai, “Kornilius.”

Godigo Sęba Tagala Palai Bidigo Po 10:30

Te Korniliusgo te po wei ponoyu te po wali, “Te polobadu sela sogo polo walio, pioba poloba nai po sela wabode, eno Godibolo po weyu bidibadi, polo te bidi me deli ena pagede dolalubo suali. Agai ugwa ula genuai mu yali.

Kraisgo Geme Dualali Sę Pedelabo Po Jonbolo Ola Mani 3:4

Tiali goli, dage Sardis bulude bidibo we bidi tomode te we bidi meba te bulude bidibadi digi te dwai kolesaga medago augwali ugwa meda ilibeo. Te we bidi dabe augwaligo te tedela yai ugwa munama ena dali bilaibao. Te augwali te sęde usu si dao.

Kraisgo Geme Dualali Sę Pedelabo Po Jonbolo Ola Mani 7:14

Tama eno agabolo te po wei ponai, “Genuai bidi, naga digi nago koneai.” Tama agai enabolo te po wai, “Te we bidi dabe augwali te boi bidigo nogode genuai sęgę dali te dene dali sali we bidi dabe dao. Tama augwaligo te sęgę bugagia tolaluama, tama te sęgę tolalubo sogo silalio. Tama augwaligo augwa ugwa te kibu sipsip wai kanemego ąį telawai, tama augwaligo ugwa te tedela yai dao.