2 Samuel 8:3 - Godigo dwagi yai po buku

³ Tama nosali, Devit dali, te aga ami bidi dali, augwa te Soba tǫ kingba boi hwįgi pali, aga te Hadateser, te Rehopgo ogwa dao. Soba bulu tǫ te Siria hani bage me deligo tǫ pedai elaluai. Te sogo Hadatesergo aga ami bidi dabe selama, tama te wę Yufretis pedai badu pidubo sę elama, te boi bidi dali hwįainu yali, te aga tǫ pedai ma sainu yali. Tama Devitgo hanigo augwali sisinama,

2 Samuel 8:3 Iomraidhean Croise

Tigidali Nai Gagalama Nigali Side 15:18

Te side digi tama te Yawego tau sabo bomai po Abram dali dąų weyu, tama agai tama po wali, “Te eno te e tǫ tigidali te nago nosali ame nabo bulai wai, te hani dabe augwalibolo mawaibao. Tama te tǫ dąį te wę sesedu te Isip dabe tǫ pedai badu gagalasa, te genuai wę Yufretis teba saboligi paibao, moni tǫ mu.

2 Samuel 10:15

Te Siria dabe augwali te hwįanide te suali, te usu meni yani tiwai yali, tama tialima, augwa ami bidi dabe tigidali i olama, sisinagasalio.

2 Samuel 10:16

Tama te Soba bulu king bidi Hadatesergo te bidi meba tagala palama, te giliga pedalubo madi, te wę Yufretis elalubo badu bidalubo, te Siria bulu bidi dabe sigi pomainu elama, tama augwali sisinagasali. Tigidali te bulu Helamba sisinama, tama Sobak, te king Hadatesergo polalubo ofisa bidigo, te augwali tonalualio.

2 Samuel 10:19

Te king Hadatesergo dologode bidali king mebago te tiwai ebo si, te Israel dabego augwali aiyaba elalubo sulama, tama augwa te Israel dabe dali nogo menama, tama augwali dologode bidalio. Tama te Siria dabe te Israel dabede wi mu elama, tama tibaso, augwaligo te Amon dabe tau ma me sabeo.

2 Samuel 10:6

Te Amon dabe augwa koneani, augwa te tiali kolesagade te Devitgo haliga sębe mu ilabo sę yali homu yai. Tama tiyu, te Devit augwali dali hwįagaselama, augwali aiyaba elaluidali homu eyu, augwa te bidi meba te Siria tǫba tagala palama, te Betrehop bulu bidi dabe me, Soba bulu bidi dabe, augwali dali te bomai po dąų walali. Tama te bulu side te ami bidi umabo mu, te 20,000 bidi tagala palu, te Amon dabe dali hwįbode tau sagasomainu tialio. Tama te Amon dabego te Top bulu bidi dabe dali me te bomai po dąų walama, te ami bidi umabo mu, te 12,000 bidi sainu tiali. Tama te Amon dabego te Maka bulu king bidi dali me bomai po dąų walama, te augwali te Devit dali hwįbode tau sabo ami bidi dabe umabo, te 1,000 bidi me abelama, salio.

2 Samuel 23:36

Igal, te Soba hanu bidi Natango ogwa, Bani te Gat hani bidi,

Te Israel me Juda Hani Sigo Tuni Bidigo Po Elalubo Buku Deli 4:21

Solomon te tigidali tǫ pedai te wę Yufretisdu gagalasa, te giliga pedaluboba usu nama, tama te giliga dega sigilubo te Filistia dabego tǫ pedaiba usu nigi pelama, te tigidali tǫ tomode te king bidali. Tama te Isip tǫ te saut badu dąį igi pali. Te bulu tǫ pedai bidi dabego te Solomonba takis mone mayu, tama augwali te aga dologode bidada pali te aga isibo sogoba usu nai dao.

Tuni Bidi Dabego Po Elalubo Buku Deli 18:3

Tama nosali, Devit aga ami bidi dabe dali augwa te Hadateser dali boi hwįgi pali, aga te Soba king bidi da. Soba te Siria hani dabego tǫ kantri me deli da, tama te tǫ kanrti Hamat pąde elaluai. Te sogo Hadatesergo aga ami bidi dabe selama, te wę Yufretis u badu pedai badu pabo sę yali, te boi hwįnama te tǫ sai hagede yali. Tama Devitgo hanigo augwali dali deliba gesabi unulama,

Tuni Bidi Dabego Po Elalubo Buku Si 8:3

Tama megi da aga ami bidi dabe selama, augwali te hanu Hamatba me Sobaba hwįgi pelama, augwali aiyaba elaluama, te hanu si sali.

Godigo Nogi Ugwaba Sabo Tęąbi Po Wabo Buku Dabe 60:1

God, nago da tagalama, tama da te hwįbode aiyaba elalumainu sula tagalalio. Nago dade wado homu elalu, tama nago te tiwai yali. Tiali goli, megi te nage ma asiyu, te da ma tau sagasao.

Godigo Nogi Ugwaba Sabo Tęąbi Po Wabo Buku Dabe 72:8

Aga te king bidiyu, tama te tamu ąi pąbadu bidalubo tigidali we bidi me, te tamu ąį digibulu badu bidalubo we bidi me, te tonaluaibao. Tama agai tǫ dąį te wę Yufretisde gagalasa palama, te tigidali bulu tǫ pedaiba usu nigi paibao.

Ma Dobola Sali 23:31

“Tama eno dagego tǫ dąį e tiwai ilaibao, te wę sanede, te mama tamu ąį badu, te Akaba tǫ te badu pelama, te tǫ tomode elalubo genuai tamu ąį Mediterenian teba sabolama, tama genuai wę Yufretis te badu peyu, te masigi kemi elalubo badu teba te dąį sabolaibao. Tama eno bomo dageba menama, tama te tǫde bidibo hani augwali aiyaba elaluama, tama dage te tǫ tomoba peyu, augwali sela sąwaibao.

Bomai Po 11:24

Tama tigidali tǫ dage bilaiba tǫ, te tigidali tǫ duga tǫ gagawaibao. Dagego tǫ dąį te olo kemi sane bulu te saut badu gagalama, tama pelama, te Lebanon bulu duba usu nigi paibao, te not badu usu nigi paibao. Tama dąį te giliga asobo badu te wę Yufretisdu gagalama, tama pelama, te genuai tamu ąį Mediterenian te giliga dega sabo badu te usu nigi paibao.

1 Samuel 14:47

Te Sol Israel dabego king mu pedelali sogo, aga dali, te aga ami bidi dabe dali, te Israel dabego boi bidi te tigidali tǫ pedaide bidalubo bage dali hwįani. Augwaligo te Moap dabe me, Amon dabe me, Idom dabe dali, me te Filistia dali, me te Soba king dabe dali hwįani. Tama te hwįani te augwaligo te boi bidi dabe tigidali aiyaba elaluama, tama te boi bidi dabeba dene mayu yai dao.