2 Samuel 7:2 - Godigo dwagi yai po buku

² Tama kingo profet Natanbolo te tiwai po wali, “Ena te augwaligo te ni bǫgo sęwai wiegi yai genuai be me delide bidibao, tiali goli te Godigo Dąų Wali Bomai Po Muani Halobage te ugwa bede naga munalubao. Te dolo meni da, homu ebao,” wali.

2 Samuel 7:2 Iomraidhean Croise

2 Samuel 11:11

Tialima, Uriago te tama po wei ponani, “Te Israel ami dabe, me Juda ami dabe, te hwįbo pesagede te ugwa bede naga me bidalubao, tama te Dąų Wali Bomai Po Muani Halobage te augwali dali munalubao. Tama Joap, te eno genuai bidi, te bidibo pesagede te ofisa dabe dali bididubao. Te ena naga te ena beba pelama, tama te nai sela tuyu, te wę tuyu, tama te ena we dali pagela piyu ebo, te eno homugo te dwai da homu ebao. Eno mu po tama obao, eno te tama kolesaga me egobeo. Ma eno te tiwai eyu da, teda Genuai Bidi Godigo ena ela mumainao,” te po wali.

2 Samuel 12:1

Te Genuai Bidigo te profet Natan Devitba tagala palama, tama Natango te tiwai po Devitbolo wai, “Te bidi me si te taun hanu me delide bidali. Me deligo te mone me doado bage hauwa elaluyu, tama gasa me bidi te magi nai meniama, tama dwasianu doado bage naga elaluai.

2 Samuel 5:11

Te king Hiram te Tair taun bidigo te polalubo bidi meba te Devitba tagala palali. Tama agai te wiegi yai ni bǫ tigi dabe me, te be sę ebo kamda bidi me, te masigide sę ebo koneai bidi dabe augwali tagala palama, te king Devitgo genuai be sę emainu yai.

2 Samuel 6:17

Tialima, augwa te halobage te Devitgo augwa te halobage muainu sę yani ugwa be me deli tomoba te halobage muani. Tama aga te siago tigidali domainu ulubo ofa me, te Genuai Bidi dali deli haliga pedalubo ofa me, yalio.

2 Samuel 7:17

Tama Natango Genuai Bidigo te wali po dabe odama da, teda tama aga pelama, te Genuai Bidigo te agaba ola mani po dabe tigidali te Devitba wagi palio.

Te Israel me Juda Hani Sigo Tuni Bidigo Po Elalubo Buku Deli 1:22

Batsebago po odubadi, tama te profet Natan te kingo beba sabolagasalio.

Te Israel me Juda Hani Sigo Tuni Bidigo Po Elalubo Buku Deli 1:8

Tiali goli, pris Sadok me Benaia, te Jehoiadago ogwa, tama te profet Natan me, Simei me, Rei me, te king tonalubo ami bidi dabe me, augwaligo te Adoniya dali deli homu me ebeo.

Te Israel me Juda Hani Sigo Tuni Bidigo Po Elalubo Buku Deli 4:5

Asaria, te Natango ogwa, agai te polalubo kiap dabe tonalubo sę elaluai. Pris Sabut, te Natango ogwa, agai te kingba wiegi yai homu kolesaga mabo sę ebo bidi bidai.

Tuni Bidi Dabego Po Elalubo Buku Deli 14:1

Te king Hiram te taun Tair bidigo te agai gavman ofisa bidi meba te Devitba tagala palali. Tama me agai te ni bǫ tigi dabe me te kapenda bidi dabe dali, te masigigo be nigibo sę yabo bidi dabe me tagala palali, te augwaligo king Devitgo genuai wiegi yai be sę emainogo yai dao.

Tuni Bidi Dabego Po Elalubo Buku Deli 16:1

Tialima augwaligo te Godigo Dąų Wali Bomai Po Munalubo Halobage muaiba olama Devitgo te sę yani sel ugwa be tomoba te Dąų Wali Bomai Po Muani Halobage teba muanio. Tama augwa te isiba tigidali ulama domainu ebo ofa dabe ebadi, te God dali deli haliga pedalubo ofa me yalio.

Tuni Bidi Dabego Po Elalubo Buku Deli 22:7

tama agabolo te tama po walali, “Ogwao, ena digi eno te we bidi augwali te dago Genuai Bidi God pageba aselama, te agaba lotu wabo be me deli sę yabo homu yali.

Tuni Bidi Dabego Po Elalubo Buku Deli 29:29

Te king Devitgo yali sę po dabe, te aga king pedelama bidali sogo ela pali sę te isali sogoba usu nugi palio, te sę yali po dabe asęani buku sela nogi augwaligo te tama nogi yali, Te Profet Samuelgo Pusali Po, me Te Profet Natango Pusali Po, me Te Profet Gatgo Pusali Po, te profet bidi selago te Devitgo yali sę po asęani dao.

Tuni Bidi Dabego Po Elalubo Buku Si 1:4

Tiali goli te Dąų Wali Bomai Po Muani Halobage da, te Jerusalemde te gasa ugwa be me elaluali Te polobadu king Devitgo sę yani ugwa be dao. Tama Devitgo te Dąų Wali Bomai Po Muani Halobage te hanu Kiriat Jearimde selama, tama seselama, te Jerusalem taunba te sel ugwa be ba muagasai dao.

Tuni Bidi Dabego Po Elalubo Buku Si 29:25

King Hesekiago polobadu Genuai Bidigo profet Gat me Natan sigo pedauwalidu mani po te Devitbolo mani po wali pali, tama agai te Livai dabebolo olama tama augwaligo te musik elebo te gita dabe selama, Genuai Bidigo tempel be tomoba dolalugi pali.

Tuni Bidi Dabego Po Elalubo Buku Si 9:29

Te Solomongo meba sę dabe yali po, te aga king pedelalidu gagalama, tama pelama, aga isaliba usu nagasali po te buku sela tomode asęna elalubao, te profet bidi Natango bukude, me profet Ahiya te taun Silo bidigo bukude, me Godigo profet Idobolo ola mani nai dabe po bukude elalubao. Te profet Idogo bukude te bidi Jeroboam te Nebatgo ogwago po me te elalubao.

Godigo Nogi Ugwaba Sabo Tęąbi Po Wabo Buku Dabe 132:2

Te Israelgo Bomai God, nago te Devitgo nageba te dąų walali po meba koneao.

Godigo Nogi Ugwaba Sabo Tęąbi Po Wabo Buku Dabe 132:5

Hasiabolo eno te Genuai Bidigo pesage me deli nigaibao, te Israelgo Bomai God, te aga bidimainu yabo pesage nigilaibao. Tama nosali te ena toma naibao,” wai.

Ma Dobola Sali 40:21

Tama te halobage te ugwa be tomoba munama, tama te halobage aga digi be habu elalumainogo eyu, augwaligo te moni wiegi yai dąį ilibo name ugwa walama, te halobage te Tedali Gasagi Yai Mu Be Habu tama elaluali. Augwaligo te tiwai sę yali, te Genuai Bidigo Mosesbolo po wali gilama tama tiai dao.

Hagai 1:4

Agai e tama po wali, “Eno hani we bidi dabe, magi baso dage te dwagi dwagi yai bede naga bidibawe, tama te eno be da dolama elaluba, agawe?

Dwagi Yai Gesi Po Jongo Asęani 2:17

Jisas aga wali pabo bidi dabe augwaligo po me Godigo po bukude wali po me ma koneai. Te bukude te po wai, “Eno homugo nago be tonalubo homu bomo ebo dao. Tama augwaligo enabolo dene mawaibao.”

Godigo Sęba Tagala Palai Bidigo Po 7:46

Tama Devit agai Godigo bidabo mobo dwagi yai sali. Tama Devitgo agai Godibolo hanalu weyu, te po wali, ‘Eno homugo nage bidabo lotu be sę yagawe?’ olama, hanalu wali. ‘Nage God mu dao, eno wąį Jekopgo nageba lotu po wai dao,’ te po wai.