2 Samuel 7:1 - Godigo dwagi yai po buku

¹ King Devit aga bede bidiyu, tama bugagia dulaluali, magi baso meni, Genuai Bidigo te boi bidi dabego te Israel dabeba hwįagasomainu me ilibeo.

2 Samuel 7:1 Iomraidhean Croise

Bugagia Bidibo Kolesagade Po Asęai Buku 16:7

Te bidigo te Genuai Bidigo wei homu yabo tobage kolesaga dabe ebaso da, teda te Genuai Bidigo aga tau siyu, te tigidali bidi, me te aga boi bidi dabe dali, te augwali aga dali bugagia bidimainu tau saibao.

Te Israel me Juda Hani Sigo Tuni Bidigo Po Elalubo Buku Deli 5:4

Tiali goli, te megi da, te God, eno Genuai Bidigo, te gasa bulu tǫ pedai bage te augwali ena dali bugagia bidimainu ilali. Te hani dabe augwaligo te da dali boi bidi munu ma isiąyu, tama te dwai sę ebo nai dabe daba me pedalubeo.

Tuni Bidi Dabego Po Elalubo Buku Si 14:6

Tialima Asago Juda dabebolo e tiwai po walali, “Dago meba taun bagulabo bomai obo meba elama, tama te obo ugwadu daide bobobage taua be geselinao, te ami bidi dabe tede bidiyu, te boi bidi dabe no bidiyu tonaluabo. Tama me dago hanu sunumi dabe geseliyu, me te sunumi paliabo bomai ain ba geselinao. Megi da, da dena kantride wiagila te bidibao. Magi baso meni. Dago dena God dago Genuai Bidigo homu kolesaga wali bomo elama peyu ebao. Tama tialima, Genuai Bidigo dago kantri bugagia tonaluyu, tama tiyu dwai sęgę dago bulude me pedalobeo,” Asago te po wai. Tama tialima, Asago sę bidi dabe meba tagala palama, tama masigigo nigai bomai obo te meba taun dabe bagulama igi pali, te Juda bulude. Tama augwaligo te sę dabe idubadi, te boi me hwįbeo. Magi baso meni. Genuai Bidigo boi bidi dabego augwaliba hwįagasomainu me sula tagalobeo. Tama tialima Juda dabego te yali sę te wiegi yai mu yali.

Godigo Nogi Ugwaba Sabo Tęąbi Po Wabo Buku Dabe 18:1

God, eno nage wei mu ebao. Nago ena dąų walai.

Josua 23:1

Te kibu be hauwa bidama, tama Genuai Bidigo te boi pilama wiegi yai pemene ebo sogo te Israel dabebolo mani. Tama augwaligo te bidalua pabo boi bidi dabe dali te boi me hwįbeo. Te megi da, te Josua monu dabe mu yali.

Josua 21:44

Tama Genuai Bidigo te boi pilama wiegi yai pemene ebo sogo augwalibolo mani, te agai augwa wąį dabe dali dąų wali po tiwai gilama yali. Te haniani boi bidi hani dabe augwali te Israel dabe tigidali badu bidai goli, tama Genuai Bidigo augwali tau siyu, tama augwaligo augwa boi bidi dabe tigidali aiyaba elaluama, tama te boi bidi dabe deli mego te augwali aiyaba elaluainu ebo te usu meni yani.

Godigo Sęba Tagala Palai Bidigo Po 7:46

Tama Devit agai Godigo bidabo mobo dwagi yai sali. Tama Devitgo agai Godibolo hanalu weyu, te po wali, ‘Eno homugo nage bidabo lotu be sę yagawe?’ olama, hanalu wali. ‘Nage God mu dao, eno wąį Jekopgo nageba lotu po wai dao,’ te po wai.

2 Samuel 6:23

Tama Mikal, Solgo wegi, te aga wai me ame nisąbadi, te aga isibo sogoba usu nani.

2 Samuel 5:11

Te king Hiram te Tair taun bidigo te polalubo bidi meba te Devitba tagala palali. Tama agai te wiegi yai ni bǫ tigi dabe me, te be sę ebo kamda bidi me, te masigide sę ebo koneai bidi dabe augwali tagala palama, te king Devitgo genuai be sę emainu yai.

Tuni Bidi Dabego Po Elalubo Buku Deli 22:6

Devit aga ogwa Solomonbolo agai te po walaiba homu yali, te Solomongo te Godigo be sę emai hagede yali, te Israelgo Genuai Bidi da. Tama tialima Devitgo Solomon asomainogo i olama,

Tuni Bidi Dabego Po Elalubo Buku Deli 22:7

tama agabolo te tama po walali, “Ogwao, ena digi eno te we bidi augwali te dago Genuai Bidi God pageba aselama, te agaba lotu wabo be me deli sę yabo homu yali.

Tuni Bidi Dabego Po Elalubo Buku Deli 28:2

Tialima king Devit dolugulama augwaliba te tiwai po walali, “Dage eno hani ama dabe, me te eno we bidi dabe, te eno dageba wabo po odiąo. Eno bomai homu elama te Genuai Bidigo Dąų Wali Bomai Po Muani Halobage muabo wiegi yai be sę yaibao homu yali, tama te be da te dena Godigo dugabo nai sia sai tiwai elalueibao. Tama eno te be sę yabo doado bage sisinani.

Tuni Bidi Dabego Po Elalubo Buku Si 20:30

Tama te Jehosafat king bidibadi boi me hwįagasobeo. Magi baso meni, Godigo aga kantri bugagia tonaluali.

Godigo Nogi Ugwaba Sabo Tęąbi Po Wabo Buku Dabe 132:5

Hasiabolo eno te Genuai Bidigo pesage me deli nigaibao, te Israelgo Bomai God, te aga bidimainu yabo pesage nigilaibao. Tama nosali te ena toma naibao,” wai.

Matyu 25:16

Aga pai madi, tama polo te 5,000 kina sali bidigo te monede bisnis sę elama, tama gasa mone te 5,000 kina sali, te moneba ugwadu daganani mone te profit mone dao.