2 Samuel 3:3 - Godigo dwagi yai po buku

³ Te tomo ogwa te Kileap. Te Kileapgo ida te Abigel, te Karmel bulu we. Polobadu Abigel te Nabalgo we da, tiali goli te Nabal isibaso, tama Devitgo aga sali. Te sela wali ogwa te Apsalom. Te Apsalomgo ida te Maka, te king Talmai te Gesur bulu bidigo wegi dao.

2 Samuel 3:3 Iomraidhean Croise

2 Samuel 13:1

Apsalom te Devitgo ogwago abe te gasa sawi yai mu me deli bidali, aga nogi te Tamar. Tama Amnon, te Devitgo gasa ogwa mego, te Tamar godolo mu elama,

2 Samuel 14:23

Tialima, Joap hogodolama, te Gesurba pelama, tama Apsalom te Jerusalemba ma odasa asai.

2 Samuel 14:24

Tiali goli, kingo te tama po wali, “Apsalom te aga bede digi bidimainu emainao. Aga aselama, te ena me suagaselamuo,” wali. Tialima, Apsalom te aga bede digi bidiyu, tama aga te king gesabidiba me sabaligi pabeo.

2 Samuel 14:32

Tama Apsalomgo te tama po wei ponani, “Eno nageba po ola toliyu, te nago ena suagasao wali, tiali goli nage asisąwai. Eno homugo nago te eno po selama, te kingba wagi pomainu homu yai. Eno po te tama tiwai. Te magi baso dagego ena te Gesurde bidibadi selama, te Jerusalemba ma odasa asali, te page eno konemainu yali. Te ena Gesurde me bididugi sogo da, teda wiegi yai mu igi dao. Tialima, megi da, eno homugo nage te kingba pelama, agabolo hanalugi pao, te agai te eno aga sugi pabo te usu da po wagowe? Tama agai homugo te eno dwai sę yai da homu ebaso da, teda aga ena ela mumainu yaibao,” wali.

2 Samuel 15:7

Te kibu be me si me si te bidama da, tama Apsalomgo te king Devitba te tama po wagi pali, “King o, te eno bomai po me deli te Genuai Bidide dąų walali po usu nigi peyu, tama nago ena te Hebronba pomainu yao homu yaibawe?

2 Samuel 15:8

Magi baso meni, te ena te Gesur te Siria tǫ pedaide bidali sogo, eno te tama bomai po Genuai Bidiba dąų walali, te Genuai Bidigo ena te Jerusalemba ma odasa pabo sogo da, teda eno te agaba lotu waibao po wai,” Apsalomgo te po wali.

2 Samuel 18:33

Kingo te po odolama, tama aga haliga dwai mu elama, tama aga hogodasa peyu, te obo bagulali sunumi te elalubo pąde daiba te be habu tomoba pelama, tama aga gela udali. Tama aga ugwaba holiyu, te tama tiwai i wali, “Te eno ogwa, Apsalom o. Eno ogwao, eno ogwa, Apsalom. Te eno nage hasegeliyu, te ena isigi sogo da, te wiegi yai mu igi dao. O Apsalom, eno wai o, eno wai o!”

2 Samuel 2:2

Tama tialima, Devitgo aga we si, te Ahinoam te Jesril bulu we, me te Karmel bulu we Abigel badi selama, tama augwali pelama, te Hebronba bidigi pai. Polobadu u Abigel te Nabalgo we da, tiali goli Nabal isibaso, tama Devitgo aga sali.

Te Israel me Juda Hani Sigo Tuni Bidigo Po Elalubo Buku Deli 2:15

Tama Adoniyago te po wali, “Nago koneani, te hasia bolo te Israel bidi tigidaligo te ena king pedelaiba homu yai. Tama ena te king pedaligi digi, te Genuai Bidigo homugo digi te eno ama king pedalumainu elama, tama ena meni yanio.

Tuni Bidi Dabego Po Elalubo Buku Deli 3:1

Te Devitgo ogwa dabe meba te aga Hebron taunde bidali sogo ame nani. Augwaligo nogi dabe e dao. Gomunai ogwa Amnon da. Aga ida Ahinoam, te Jesril bulu we dao. Te si wali ogwa te nogi Daniel da, aga ida te Abigel, te taun Karmel we dao.

Tuni Bidi Dabego Po Elalubo Buku Deli 3:2

Sela wali ogwa Apsalom. Aga ida, te Maka, te Talmaigo wegi da, te Gesur king bidi da. Te ene nanobo me si me si wabo ogwa nogi Adoniya. Aga ida da, te Hagit dao.

Bomai Po 3:14

Nosali te Manase hani bidi me Jairgo te bulu Argop sese tama sali. Te tǫ augwaligo te Basan te wabao. Te tǫ dąį te bulu Gesur me Maka bulu si sesegeba te dąį igi palio. Tama aga digi aga nogi te bulu dabe poali. Tama tialima, te bidi dabego te po wabo dao, te bulu dabe te Jairgo bulu dabe dao wabo dao.)

Josua 13:13

Tiali goli, te Israel dabe augwaligo te Gesur dabe, me te Maka dabe dali te augwali ela gudulube. Augwali te Israel dabe dali hodobo bidada peyu, tama megi e po asębo sogoba usu nagasai.

1 Samuel 25:42

Tama polo tama aga hogodama, te aga donki selama, teba duagulali. Tama agai sę ebo a naga we te aga dali pinao po wai. Tialima, aga dali, te aga sę ebo we dabe me, te Devitgo sę bidi dabe dali pela wali. Augwali te Devit bidibo madiba sabolama da, teda Abigel te Devit aga we pedelama bidali.

1 Samuel 27:8

Te sogo Devitgo aga hani bidi dabe dali te pelama, te Gesurba, me Girsi, me Amalek, te tama bageba hwįgi pali. Te hani bage te Israel dabego boi bidi dabe elaluai, tama augwali te Isip pąde, te tǫ wa pai bulu te saut pedai badu bidali. Tama augwali tede te kibu be bidi sese umabo mu bidai dao.