2 Samuel 1:4 - Godigo dwagi yai po buku

⁴ Tama Devitgo agaba hanalu wali, “Eno homugo nago te hwįani sęde po enabolo pusumainu homu ebao,” wali. Tama te gesi bidigo te po wali, “Te Israel ami dabe te hwįbaso wi sobadi, tama te Filistia ami dabego te bidi dabe augwali hauwa ela muanio. Tama king Sol dali, te aga ogwa Jonatan me, te augwali si me isalio,” wali.

2 Samuel 1:4 Iomraidhean Croise

2 Samuel 1:3

Tama Devitgo agaba te tiwai hanalu wali, “Nage menadu asaliwe?” Tialima, te ogwa bidigo te po wai, “Te boi bidi dabego te Israel dabe dolobaso, tama ena te bidali pesage taga soyu, tama nageba wi asai dao,” wali.

2 Samuel 1:5

Tialima, Devitgo agabolo hanalu wali, “Mena tama tilama te Sol de Jonatan si isali, te nago koneaniwe?”

2 Samuel 4:10

Te ena Siklakde bidali sogo, te bidi me deli ena bidiboba sabolama, tama te Sol isali po wagasali. Tama agai homugo te eno agai pode wiegi yai homu pemene yaibao homu yali. Tiali goli, menio. Eno te ami bidi dabebolo olama, te augwaligo te bidi aga pageabi elama, tama aga ela muani. Te tiwai yali te agai te po sela asalide te agabolo te eno mone mabo te tiwai yai dao.

1 Samuel 4:16

“Megi e sogo naga ena te wąbi hwįbo pesagede wi asu, asali.” Tama Eligo agabolo hanalu wali, “Ogwa, magi yaliwe?”