2 Samuel 1:2 - Godigo dwagi yai po buku

² Tama te sela sogo wabode te gesi ogwa bidi me deli te Siklakba sabolali. Agai te aga ugwa pisilama, tama aga tobolude te tǫ piali, te aga homu dene ebo ola magasiyu tiai. Aga te Devitba pelama, tama kidu sugunama, tama gesabidi tǫba pogulama, Devitba homu dwagi yai ilali. Te bidi te Sol bidali pesage tagalama, asali.

2 Samuel 1:2 Iomraidhean Croise

Tigidali Nai Gagalama Nigali Side 22:4

Tama digibulu palima, te sela wabode Abrahamgo suali, te bulu du digibulu me elalualio.

Tigidali Nai Gagalama Nigali Side 37:29

Nosali te gomunai ama Ruben te ma aselama, te tǫ dedageba tonani, tiali goli Josep tede me bidibeo. Aga te homu dene elama, tama aga gudali ugwa pisą yali.

Tigidali Nai Gagalama Nigali Side 37:34

Tama Jekopgo aga ugwa pisilama, tama agai te dwai olo ugwa te aga ogwade homu dene ebo te ola mayu ebo, te ugwa gudali. Tama agai te wai hagede gela wabo te sesabi elama, mu wai.

Tigidali Nai Gagalama Nigali Side 43:28

Augwaligo te po wali, “Dago aya, nago sę bidi, aga te bugagia bidibao.” Augwaligo kidu sugunama, tama agaba mage basi gulali.

2 Samuel 1:3

Tama Devitgo agaba te tiwai hanalu wali, “Nage menadu asaliwe?” Tialima, te ogwa bidigo te po wai, “Te boi bidi dabego te Israel dabe dolobaso, tama ena te bidali pesage taga soyu, tama nageba wi asai dao,” wali.

2 Samuel 13:19

Tiali goli, Amnongo te Tamar sela sąbo si da, Tamar pelama, te sia keli aga toboluba munama, tama te ugwa pisawali, te aga homu sęgę me homu dene ebo ola mayu, te tama tiali. Tama aga nogo te aga toboluba munama, tama bomonama gela weyu tama soalio.

2 Samuel 14:4

Aga te king gesabidide te tǫba degasa dulama, te kingba genuai nogi mayu tiali. Tama wego te tama po wali, “Te king o, eno homugo te nago ena tau somainu homu ebao.”

2 Samuel 15:32

Augwali te bulu duba holama, tama augwa te Genuai Bidiba lotu wabo pesageba sabaligi palio. Augwa teba sabalubo si da, teda te Devitgo abagi me deligo te aga dali deliba gesabi ununama, tama aga dali painu yali. Te bidi aga nogi Husai, tama aga te Arka bulu bidi dao. Agai te aga ugwa pisilama, tama aga tobolude tǫ piali, te aga Devitde genuai homu dene ebo ola mayu, te tiwai yai dao.

2 Samuel 24:20

Tama Arauna te sę ebo pesagede bidiyu, tama aiyaba tonono ebadi, tama te king me aga ofisa dabe dali augwali te agaba asobo suali. Tama aga te augwali dali deliba gesabidi unulama, tama aga te king pąba kidu sugunigi pelama, tama te tobolu basi gulama, te kingba genuai nogi mayu tama tialio.

2 Samuel 4:10

Te ena Siklakde bidali sogo, te bidi me deli ena bidiboba sabolama, tama te Sol isali po wagasali. Tama agai homugo te eno agai pode wiegi yai homu pemene yaibao homu yali. Tiali goli, menio. Eno te ami bidi dabebolo olama, te augwaligo te bidi aga pageabi elama, tama aga ela muani. Te tiwai yali te agai te po sela asalide te agabolo te eno mone mabo te tiwai yai dao.

Esta 4:16

Agai te tiwai po wai, “Nage pelama, te Susa moni hanude bidibo Juda dabe tigidali sisinama, tama dagego nai osogo gisilama, tama dagego ena homu kone palama, gedu haluasa po wao. Te megi gagalasa, dagego nai me wę me giligade badi, hulide me, te osogo gisilao, te sela wabo sogoba usu nao. Te eno ena sę ebo we dabe dali me, te dago tama tiwaibao. Tialima, te sę elama, nosali ena te king bidigo beba paibao. Tagala, te eno bomai po tama bolaibao. Te eno tama tilama, te ena isibaso da, te po meni, te ena isaibao,” Estago te po wai dao.

Esta 5:1

Estago osogo nai sela sogo gisilama bidai. Tama sela wabo side, agai te kwin tuni wego gudubo ugwa munama, tama tuni bidi kingo be obo tomoba pelama, dologi pali, te tuni bidigo genuai dąį togwali be habu pąde teba dologi pelama, tama te tuni bidi dulalubo saiba tonono yali. Tuni bidi te saide dulalu, tama sunumiba tonono yai.

Godigo Nogi Ugwaba Sabo Tęąbi Po Wabo Buku Dabe 66:3

Dago te tama po Godiba wainao, “Te nago ebo sę tigidali te wiegi yai mu ebao. Te nago bomo genuai ugwanu mu igulai elalubao, tama nago boi bidi dabe te wi mu elama, tama augwali te nago gesabidiba pibia sagaselama, te kidu sugunagasobo dao.” Te tobage po wainao.

Esekiel 27:30

Te tigidaligo nagede haliga hobede eyu, dwai gela nagede waibao. Tama augwa te homu dene ebo kolesaga wali peyu, te augwa tobolude pu pilama, tama kelide pila muyu, tama te kelide ugwa begelu, eda begeleyu iduaibao.

Hosea 6:2

Nosali te si sogo, ma sela sogo bidama, tama te agai da hodolama, tama te aga dali bugagia bidaibao.

Joel 2:13

Te duga homu dene ebo ola mayu, te dagego ugwa dabe olodali pisagimio. Te duga haligade digi te duga yali dwai sęde homu dene mu yao,” Genuai Bidigo te po wali. Dage te Godiba ma asiyu, te dena Genuai Bidi dao. Agade te olo mu tau sabo wiegi yai pemene ebo homu kolesaga pągąnalubao, te dade wiegi yai sę ebao. Godigo dabolo te dua dua eyu, sębę polo egobeo, te da sesemane sogo godolo mu ebao. Sesemane sogo agai dago dwai sęgę sela sąyabo sisi idu, te dabolo dwai dene ilabo homu ebe dao.

Matyu 12:40

Tama polobadu te tiwai yai te bidi Jona sela sogo giligade me sela sogo hulide te genuai sųgų haliga tomode bidai, tama te tiwai yali gilama naga te Godigo Bidi Mu aga me te sela sogo giligade me sela sogo hulide e tǫ tomode bidaibao, te isai we bidi bidibo madide.

Matyu 16:21

Tama te sogo, te Pitago nage Krais dao po wali sogo, te sogo Jisasgo gagalama, aga wali pabo bidi dabebolo te po haninama ola mawai, “Te mu tama, ena te moni hanu Jerusalemba paibao. Tama pelama, tama tede nosali te Juda dabe genuai bidi dabego me, te pris tobolu bidi dabego me, te Juda dabego bomo yai po page ola mabo bidi dabego me, te augwaligo ena dene genuai mu mawaibao. Augwaligo ena isilama, tama nosali te sela sogo wabo side ena ma hodalueibao,” Jisasgo te po wai.

Josua 7:6

Josua te homu sęgę mu elama, tama aga gudali ugwa pisąwai. Tama aga te Genuai Bidigo bomai dąų wali po halobage munalubo pąba te aga gesabidi te tǫba degasa dulama, munaluai. Tama te Israel dabe tonalubo bidi dabe augwali me te Josua dali tǫba degasa dulama, tama augwali tede bididubadi, te giliga aiyaba dega sigi pai. Augwaligo homu sęgę ebo te sa muyu, te augwa tobolude te tǫ hogomu muanio.

Kraisgo Geme Dualali Sę Pedelabo Po Jonbolo Ola Mani 3:9

Suao. Nago te Satango bidi hani augwali koneai, tama augwaligo te po wabo, ‘Da te Juda bagego hani dao.’ Tiali goli menio. Augwali te tigide naga te Juda bage da wabo dao, tama augwaligo ebo kolesagade te Juda bage mu menio. Tialima te bidi dabe augwali eno selama, tama augwali te nago sągą pageba kidu sugunagasiyu, eno nage godolo mu ebo homu yali te augwaligo mu koneaibao.

1 Samuel 20:41

Te ogwa pai madi, teda Devit hogodama, tama te masigi tudi badu geme dualaluali taga soyu asama, tama Jonatan pąba kidu sugunagaselama, tama aga tobolu tǫba sela sogo basi gulali. Tama aga dolugulama, tama augwa si nono nenama, tama gela wai. Tama Devitgo homu dene eyu, hobede ebo homugo te Jonatango homu dene eyu hobede ebo homu te aiyaba elalualio.

1 Samuel 25:23

Abigelgo Devit sulama, tama polo tama aga te donki dulaluali tagalu, tama te tǫba samonani.

1 Samuel 4:12

Te Benjamin hanide ami bidi me deli te hwįani pesage taga soyu, te Siloba udulama, tama te sogo naga te buluba sabolali. Te hwįani sę pedelali sęde te aga haliga sęgę mu ebaso, tama aga gudubo ugwa pisilama, tama tobolude tǫ pialio.

1 Samuel 4:16

“Megi e sogo naga ena te wąbi hwįbo pesagede wi asu, asali.” Tama Eligo agabolo hanalu wali, “Ogwa, magi yaliwe?”