1 Samuel 7:7 - Godigo dwagi yai po buku

⁷ Te Filistia dabego te Israel dabe te Mispa hanuba sisinani po odali. Tama te a naga king bidi dabego te augwa ami bidi dabe selama, tama te Mispa hanuba pelama, te Israel dabe dali boi hwįgi painu yali. Tama te Israel dabego te Filistia dabe asainu ebo po odama, tama augwali wi ebaso,

1 Samuel 7:7 Iomraidhean Croise

Tuni Bidi Dabego Po Elalubo Buku Si 20:3

King Jehosafat agai te po odama, aga wi mu yali. Tama agai homu boma pai mu elama, te Genuai Bidigo homu kolesaga hanalu wabo homu yali. Tama tialima, agai bomai po te kantri Juda tigidali badu we bidi dabe augwaligo nai gisilama Genuai Bidiba gedu haluasa po wao po wali.

Ma Dobola Sali 14:10

Tama te Isip tuni bidi aga ami dabe dali, augwali pąba polo asobo te Israel hani augwaligo suai. Tama augwali wi mu eyu, tama Genuai Bidigo augwali tau somainogo i wai.

1 Samuel 13:6

Tialima, te Filistia dabe dali te Israel dabe dali boi hwįani. Tiali goli, te Filistia dabego hwįbo te bomo mu ebaso, tama te Israel dabego koneani, te augwaligo bomogo te boi bidi dabe aiyaba elaluabo homu ebeo. Tama tibaso, te Israel dabe meba te tǫ dedageba geme duala sigi peyu, te genuai bulu duba duala sigi peyu yali, tama meba te genuai masigi ola be tomoba duala sigi peyu, tama meba te wę ulu pedalubo tǫ dedage tomoba pelama, duala sigi pali.

1 Samuel 17:11

Sol me aga ami dabe daligo te po odama, tama augwali wi dwai mu yai.