1 Samuel 7:6 - Godigo dwagi yai po buku

⁶ Tialima, tigidali we bidi te Mispa hanuba sisinagasai. Tama augwa te wę te ulu węde tulama, tama tǫba gelu, te Genuai Bidiba ofa ebo tiwai yalio. Tama augwa nai tubo habu selama bididubadi, te giliga dega sigulali. Tama augwa te Genuai Bidiba te tiwai po wali, “Dago dwai sę te nago gedude yai dao.” Tama Samuel te Mispade bidu, tama te Israel dabego po tų yagasobo odama, tama augwaligo po dodola mayu yai dao.

1 Samuel 7:6 Iomraidhean Croise

2 Samuel 14:14

Dago koneani, da tigidali te isaibao, tama te da bidabo ula ma sainu ebo te usu me egobeo. Te wę tǫba gealuali, te dago ma sainu ebo te usu isiąbo, te tobage tiwai ebao. Tiali goli, Godigo te bidigo bidibo ula te olo dali sela sąwainu ebaso, usu me egobeo. Menio. Te bidi me deli agade te digibulu bidibaso da, agai te bidi te aga pąba ma odasa asabo sunumi gegibo dao.

1 Samuel 1:15

Tama Hanago po wei ponoyu, te tiwai po wali, “Genuai bidi, te ena me polobeo. Ena te wain me bia wę me tubeo. Mu menio. Eno haligade sęgę mu dwai ebaso, tama eno gedu haluasa po weyu, tama eno sęgę te Genuai Bidiba pusubao.

Te Israel Tobolu Bidi Dabe 10:10

Tialima, te Israel dabego Genuai Bidiba i weyu, tama augwaligo te po wali, “Dago dwai sę nagebolo yali, magi baso meni, dago nage tagalali, te dago God nage dago tagalama, tama dago te Balba lotu wali.” Augwaligo te po wali.

Joel 2:12

Tialima, Genuai Bidigo te po wai, “Mu dao, te tigidali sę pedelaibao, tiali goli megi dage haliga begelama, enaba ma asiąo,” wai. “Tama duga te nai habu selama, tama haliga hobede elama, gela weyu, enaba ma asiąo.

Jeremaia 9:1

Idao! Te eno tobolu te ulu wę me deli tiwai elaluyu, tama te eno gedu sidu te ąį hauwa geligi da, teda eno homu dene dwai mu eyu, gela wabo usu igi da. Te eno giligade me hulide gela udigi da, magi baso meni, te boi bidi dabego te eno hanigo we bidi dabe ela muai dao.

Godigo Nogi Ugwaba Sabo Tęąbi Po Wabo Buku Dabe 106:6

Dago te dwai sę yalio, te polobadu dago wąį nǫų dabego yali tiwai sę yalio. Dago te dwai sę haniani yai.

Godigo Nogi Ugwaba Sabo Tęąbi Po Wabo Buku Dabe 62:8

Eno hani dabe, sesemane sogo dagego te Godiba konealubo homu dąų waiyąo. Dagego te duga tigidali sęgę me, te tigidali homu te agaba pusao, awe, bidigo te wę gelibo tiwai eyu yao. Magi baso meni, da te agaba pelama, bugagia bidainu te tama tiao.

Dwagi Yai Gesi Po Lukgo Asęani 15:18

Ena edu taga pelama, eno aya pageba paibao. Teba pelama, eno agabolo te po waibao, “Aya, eno Godigo gedude dwai sę yali, nago gabidide me eno dwai sę yalio.

Godigo Nogi Ugwaba Sabo Tęąbi Po Wabo Buku Dabe 119:136

Eno gela hauwa weyu, tama eno gedu ąį gela gigua umagi mu yaibao, magi baso meni, te bidi dabe augwaligo nago bomo yai po wali pisąbaso, te ena gela wabo dao.

Te Israel me Juda Hani Sigo Tuni Bidigo Po Elalubo Buku Deli 8:47

tama nosali augwali te boi bidi dabego bulu tǫde bidiyu, tama augwaligo te augwa yali dwai sęde homu hauwa kone paliyu, te augwaligo homu begelibaso da, teda Genuai Bidi, nago augwaligo te gedu haluasa po wabo odao. Mu tama, augwali te boi bidi dabego tǫde kalabuside bidiyu, tama augwaligo nageba konealubo homu dąų weyu, te nageba naga homu koneyu, tama ge nenama, homu mu begelama, tama augwaligo te nago augwaligo wąį nǫų dabeba sa muyu mani te tǫba tonalu, te e hanuba dali te nago eno sę yani beba tonalu, te we bidi dabe nage pąba asainu ebo homu elama, tama te augwaligo gedu haluasa po te tama waibao, ‘Te hobede mu da, da te dwai sę ebo kolesagade biliyu, tama te dwai kolesaga haniani yali dao,’ te po obaso da, teda nage te naga bulu dagalude bidiyu, tama te nago augwaligo gedu haluasa po wabo odolama, te nago olo tau mabo wiegi yai kolesaga eyu, te augwali tau sao,” po wai.

Esekiel 20:4

“Tǫde bidio, nago augwali po tų ilaibawe? Awe, eno homugo nago te bidi dabe po tų ilao. Te augwa wąį nǫų dabego dwai kugumini yai kolesaga yali ma homu kone palao, nago te po augwaliba walao.

Te We Bidi Dabego Jerusalem Hagede Gela Wali 3:49

Eno gela wabo togogobeo. Tama tiyu, gela ųga sesemane sogo aiyaba dulaibao, te sula sisąma soabo ąį tiwai yaibao.

Te We Bidi Dabego Jerusalem Hagede Gela Wali 2:11

Eno te Jerusalemde pedelali nai dabe homu kone palama, tama ena gela waligo eno gedu dene mu ebao. Eno te hobedai we bidi dolama elalubo sulama, ena gasa homu dwai mu ebo dao. Eno homu dene dwai mu yalio. Magi baso meni, eno suali, te nai tusiąwai wai puluba dali, wai bǫų dabe dali suali. Augwaligo bomo kimi meniama, tama didibili elama, te Jerusalem sunumi dabede tuloluama, munalua pabo sualio.

Jeremaia 31:19

Dago nage tagalali, tiali goli, megi da, dago haliga begelalio. Te dago dena yali dwai sę koneama, da hale mu elama, dago tobolu basi gulali. Polobadu dago hani dabe augwali te gesi we bidi tiwai bidalu, te dwai kolesaga hauwa yali. Tialima, megi da, da dena te dwai kolesaga yalide hale dwai mu ebo dao.’ Te Efraim hani bagego te po wabo eno odali.

Godigo Nogi Ugwaba Sabo Tęąbi Po Wabo Buku Dabe 42:3

Sesemane sogo te bidi dabego enaba te tama po wali, “Te nago God mena bidibawe?” Tama tibaso, ena sesemane sogo gela udubo sę yali. Te eno gedu ąį te eno siade me hulide nai tubo tiwai gilama yali.

Godigo Nogi Ugwaba Sabo Tęąbi Po Wabo Buku Dabe 6:6

Ena i udu udubadi genama, tama ena bomo tigidali sia salio. Tigidali sogo hulide te gedu gela giguai ąįgo te eno bet te gologo yai. Eno gela umabo mu udali digi, te eno tobolo ni het pilo te gela giguaigo gologo mu yai dao.

Jopgo Po Asęani Elalubo Buku 42:6

Tama tibaso, eno digi ena wali pode hale mu te ebao. Tama eno te po wali pode ge neyu, ena tǫ hogomude me kelide dualalubao. Te nagebolo ena homu begelalio olama, te ola mayu, tama tibao.” Jopgo Genuai Bidibolo te po wali.

Jopgo Po Asęani Elalubo Buku 40:4

“Genuai Bidi, ena dolama, tama ena olo nai dao. Mena tama tilama, eno nago po wei ponaibawe? Ena nogogo pedauwali pania saibao.

Jopgo Po Asęani Elalubo Buku 33:27

Tama te bidigo gasa we bidi dali pusuyu, e tama waibao, ‘Eno dwai sę yai goli dao. Eno dwagi yai kolesaga me yai menio. Tama tibaso, Godigo eno tigide haniani sę mu igi dao. Tiali goli, agai ena hobede elama, agai te sę ebeo. Menio.

Jopgo Po Asęani Elalubo Buku 16:20

Te eno abagi dedego ena godolo isąmaiyu, ena dolobo. Tiali goli, eno Godibolo gela geninama wabo dao.

Nehemia 9:27

Tama tibaso, nago augwali gogolama sula tagaliyu, te boi bidi dabego augwaliba boi hwįagasomainu elama, tama augwali aiyaba elaluama, tama augwaliba dwai sę ilali. Tiali goli, nosali te bulali wąį nǫų dabego nageba hanalu, te augwali tau sao olama, i wali. Tama nage te dagalude bidiyu, tama augwaligo gela wabo nago odali, tama nago te olo tau sabo wiegi yai kolesaga augwaliba umabo mu elama, tama nago te bidi meba augwaliba tagala palama, te boi bidi dabe sela sąmainogo yai dao.”

Tuni Bidi Dabego Po Elalubo Buku Si 20:3

King Jehosafat agai te po odama, aga wi mu yali. Tama agai homu boma pai mu elama, te Genuai Bidigo homu kolesaga hanalu wabo homu yali. Tama tialima, agai bomai po te kantri Juda tigidali badu we bidi dabe augwaligo nai gisilama Genuai Bidiba gedu haluasa po wao po wali.

Te Israel Tobolu Bidi Dabe 3:10

Tama Genuai Bidigo Mobo Bidi te Otnielba asama, tama aga te Israel dabego tobolu bidi pedelali. Tama Otnielgo te Mesopotemia gavman tuni bidi dali hwįgi pelama, tama Genuai Bidigo aga tau selama, tama agai augwali aiyaba elaluali.

Pris Sę Ebo Bomai Po 26:40

“Tiali goli, nosali dage te hani dabe te augwa yali sęgę homu kone palama, te augwaligo enaba pusaibao. Augwaligo te tama po waibao, ‘Dena digi me te sęgę siyu, te wąį nǫų dabego me sęgę salio. Dago hagoma elama, te nago po sela sąwai dao.’

Tigidali Nai Gagalama Nigali Side 31:49

Tama Labango te po ma wai, “Megi da, te da si tomode te dwai kolesaga idali homu eyu, te da si talua si ma bidigobeo. Nage me badu tedali bidiyu, te ena gasa badu tedali bidaibao. Tama eno homugo Yawego da si tonaluaibao,” wali. Tama tibaso, te bulu nogi augwaligo Mispa poai.

Pris Sę Ebo Bomai Po 16:29

Genuai Bidigo po e tiwai ma wali, “Dagego te bomai po sesemane sogo wali piduao. Te polua a naga olama, me badu nogo si wabo polua, te dei 10de, dage tigidali Israel dali te gasa hani dage dali bidibo we bidi, dage te nai tubo habu selama, te wiegi yai pemene ebo sę me habu selao, tama dagego sę tagalama, te dage toma tuao.

1 Samuel 7:15

Samuel te Israelde polalubo tobolu bidi bidada pidubadi, te aga isiboba mu usu nigi pai dao.

Josua 18:26

Mispa, Kefira, Mosa,

Te Israel Tobolu Bidi Dabe 2:4

Nosali Mobo Bidigo te po wai madi, te tigidali Israel we bidi dwai gela mu wali.

Te Israel Tobolu Bidi Dabe 10:15

Tiali goli, te Israel dabego Genuai Bidi dali te po wali, “Dago dwai sę yalio. Te nago dabolo yainogo ebo sę te nago yao. Tiali goli, megi dago nagebolo hanalubo, te magi baso meni, te nago megi e sogo ma dobola somainogo hanalu wali.” Te Israel dabego te po wai.

Te Israel Tobolu Bidi Dabe 20:26

Tama te Israel bage dabe tigidali te Betelba ma pelama, tama augwaligo te Genuai Bidiba gela wagi pai. Augwali te Genuai Bidigo gedude dualaludubadi, te giliga dega sigulama, tama augwaligo te nai me wę me munu me tusiąwai. Tama augwaligo te siago domainu te tigidali siaba ulubo ofa te Genuai Bidiba homu deli elama, te tama ofa yalio.

1 Samuel 10:17

Nosali Samuelgo te tigidali Israel dabe te Mispa buluba te Genuai Bidi geduba sisinagasomainu i wai dao.

1 Samuel 12:10

Tama tiyu, te nǫų wąį dabego te Genuai Bidiba gedu haluasa po wabo bomonama weyu, te augwali tau somainu yali. Augwaligo agabolo te tiwai po wali, ‘Genuai Bidio, dago nage tudiba munama, tama dago te tibo god Balba me te Astarte dabeba lotu po weyu yali. Tama tiyu, dago sęgę salio. Megi dago nageba hanalu obao, te nago da te boi bidi dabego nogode ma dobola sobaso da, te dago nageba lotu weyu, tama nage deli naga wali asaibao,’ augwaligo te po wali.

Tuni Bidi Dabego Po Elalubo Buku Deli 11:18

Te bomai ami bidi selago te po odama, te augwali hogodama palio. Te Filistia dabego te Betlehem taun tomoba pabo sunumi tonalubadi goli, tagalao, te ami selago augwali sela sąnama peyu, Devitgo te po wali ulu ąį tugi palio. Tama augwaligo sela asama, Devit magasali. Tiali goli, aga te wę tuainu yali te aga hagela ebaso tubeo. Menio. Agai te selama, te Genuai Bidiba ofa tiwai eyu gelalio.

Jopgo Po Asęani Elalubo Buku 3:24

“Ena nai me tubo meni yani. Eno haligade gela naga wabo. Ena dene dwai mu ebaso, ena hwąwa boma mu wabo dao. Tama eno homu sęgę da, ąį gamiade wę pągąlubo tiwai elama pabo tiwai ebo.

Te We Bidi Dabego Jerusalem Hagede Gela Wali 5:16

Dago genuai nogi polo tulalualio, te dago gawe yali nai dabe dolai dao. Da hobede mu yao. Magi baso meni, dago yali dwai sęde sali sęgę dwai yalio.

Hosea 5:1

“Dage pris dabe, dagego te po odiąo. Dage Israelgo, eno poba olo bugagia muiąo. Tama dage kingo hani, dagego odiąo. Dagego te doloba pai po tų odobo sę elalubao, tiali goli dagego tama me tibeo. Tama tiyu, duga digi te po tųba dodolobao. Dage prisgo tibo lotu te Mispade hodolama, tama te bulu du Taborde, me te Sitim taunde tiai. Tama te dagego te we bidi dabego homu kolesaga dolali. Tama tiyu, dage te hasa kę, me te hasa waba bulubo tǫ dedage tiwai elaluali. Tama eno dage dodolomainogo eyu, te dwai dene dage tigidaliba mawaibao,” walio.