Biblia Todo Logo
Bìoball air-loidhne

- Sanasan -




1 Samuel 7:5 - Godigo dwagi yai po buku

5 Nosali Samuelgo te Israel dabeba po ola tolu, te tiwai po wai, “Dage te hanu Mispa teba sisinagasao, tama eno Genuai Bidiba gedu haluasa po olama, dage tau somainu yaibao,” wali.

Faic an caibideil Dèan lethbhreac




1 Samuel 7:5
18 Iomraidhean Croise  

Tiali goli, megi nago te we aga bidiba ma tagala palao. Te bidi aga te eno po pusubo bidi profet dao, te agai gedu haluasa po weyu da, te nage me isigobeo. Te nago te we ma tagala palisiąwani da, teda nage me, te naga bidalubo tigidali we bidi dali, mu isila paibao,” Godigo te po wai.


Tama Labango te po ma wai, “Megi da, te da si tomode te dwai kolesaga idali homu eyu, te da si talua si ma bidigobeo. Nage me badu tedali bidiyu, te ena gasa badu tedali bidaibao. Tama eno homugo Yawego da si tonaluaibao,” wali. Tama tibaso, te bulu nogi augwaligo Mispa poai.


Te me badu Juda ami gavman ofisa tobolu bidi ebadi, me te Juda hanigo ami soldia bidi dabe augwali, te bidi dabe augwali te gasa bulu mede polobadu bidada pali. Tama augwaligo e tama po odobo sogo, tama te Babilon king bidigo te bidi Gedalia dąį ilama, tama te bidigo te Juda hanigo tǫ tonaluao wali, augwaligo te bidi Gedalia te Mispa bulude bidibo sugi pali. Te gavman ofisa bidi dabe nogi e tama da, me Netaniago ogwa Ismael da, tama me te bidi Johanan, te bidi te Kareago ogwa, tama me te Seraia, te Seraia aga aya Tanhumetgo ogwa da, te bidi aga bulu Netofa, me te Maka tǫ page bidi Jesania da.


Tama te poluago digi, te dei 24 wabode, te Israel dabe sisinagasai. Tama augwa te nai osogo tubo habu selali, te augwa sęgęde te homu dene ebo tiwai te augwa Godiba ola mayu tiali. Tama augwa te homu dene ebo ugwa dabe gudama, tama augwa toboluba te hogomu dabe muani, te augwa homu dene ola mabo tiwai ilali.


Tialima, Jeremaia te Gedalia bidibo madi te taun Mispa teba pai. Tama Jeremaia aga dali te we bidi hani tomode te Juda tǫde bidalio.


“Dage pris dabe, dagego te po odiąo. Dage Israelgo, eno poba olo bugagia muiąo. Tama dage kingo hani, dagego odiąo. Dagego te doloba pai po tų odobo sę elalubao, tiali goli dagego tama me tibeo. Tama tiyu, duga digi te po tųba dodolobao. Dage prisgo tibo lotu te Mispade hodolama, tama te bulu du Taborde, me te Sitim taunde tiai. Tama te dagego te we bidi dabego homu kolesaga dolali. Tama tiyu, dage te hasa kę, me te hasa waba bulubo tǫ dedage tiwai elaluali. Tama eno dage dodolomainogo eyu, te dwai dene dage tigidaliba mawaibao,” walio.


Tigidali we bidi sisinama, te augwali genuai lotu omainu sisinao. Te tigidali monu dabe, mosi dabe me, tigidali wai puluba me, te idago ame tubo dwasianu wai bǫų dabe me, sela asiąo. Te tamadi gesi selama bidibo we bidi dabe me, tigidali we bidi te be tagalama, asiąo wai dao.


Dilean, Mispa, Joktel,


Nosali te Amon dabego ami bidi dabe sisinagaselama, tama augwa bidabo pesage te Gileatde nigali. Tama te Israel bidi dabe me sisinagaselama, tama augwa bidabo pesage te Mispa bulude nigalio.


Te Israel bage tigidaligo te Livai bidigo wede po odama, tama augwali te deli hani tiwai naga aselama, tama augwali te Genuai Bidi gedude te Mispa buluba sisinagasali. Augwali te tǫ pedai tigidali badu te Dango tǫ pedai te not badu gagalasa asali, tama te saut te Berseba teba usu nigi pali, tama te Gileat tǫ pedai bage te giliga pedalubo badu augwali me asalio.


Nosali Samuelgo te tigidali Israel dabe te Mispa buluba te Genuai Bidi geduba sisinagasomainu i wai dao.


Duga koneani, megi sogo te wit ininama tau yai togobo sogo elalubao, tama te tulubage ebo sogo me elalubeo. Tiali goli, megi eno gedu haluasa po obaso, te Genuai Bidigo dagalude te pǫdu te be kulukulu omainu ilama, tama tulubage tagala palaibao. Tama dagego te sę ebo sulama, tama dagego koneaibao, te dagego Genuai Bidiba hanalu, te dage king bidi me deli mao po wali sogo, te dage genuai sęgę salio,” Samuelgo te we bidi dabebolo te po wai.


Tiali goli, eno digi te eno gedu haluasa po sesemane sogo weyu, te dage tau sabo elalueibao. Ma, eno gedu haluasa po wabo tagaligi sogo da, eno dwai sę Genuai Bidiba igi dao. Te eno munu me egobeo. Tama eno dage te wiegi yai doloba pai kolesaga wali pomainu ola mawaibao.


Tama nosali Samuelgo te genuai masigi me deli selama, tama te masigi te bulu Mispa de Sen, te bulu si tomode ugwaba dodolama, muani. Tama Samuelgo te tiwai po wai, “Te masigigo te Genuai Bidigo da tau sesa asali usu nagasobo dąį ilibo masigi dao.” Tama agai te masigi nogi poliyu, te tiwai wai, Te Tau Sali Masigi dao.


Te tigidali kibu bede aga te Betelba, me Gilgalba, me Mispa, te bulu selaba pelama, tama te Israel dabego po tų ebo po odolama, tama augwaligo sęgę elalubo dodoliyu yai dao.


Tialima, Israel dabego te Samuelgo po odama, tama augwa te tibo god Bal piksa me, te god we Astarte piksa me, sela sąnama, tama augwa te Genuai Bidiba naga lotu walio.


Tiali goli, Samuelgo te augwaligo hanalu wali pode wiegi yai homu godolo me isiąbaso, tama agai te Genuai Bidiba hanalu, te agabolo mena po walobowe naga te po hanalu wali.


Lean sinn:

Sanasan


Sanasan