1 Samuel 4:5 - Godigo dwagi yai po buku

⁵ Augwali te bidibo pesageba sabolama, tama te Israel dabe augwaligo te Dąų Wali Bomai Po Munalubo Halobage sela asobo sulama, tama augwa wiegi yai homu pemene eyu, tama po dagą bomonama wali, tama posolu wabo genuai mu pedelali.

1 Samuel 4:5 Iomraidhean Croise

2 Samuel 15:24

Te Devit doligi pelama, tama te we bidi dabe paboba tonani sogo, te pris Sadok me, Abiatar me, tama te Livai dabe me bidalubo suali. Te Livai dabego te Dąų Wali Bomai Po Munalubo Halobage te tolasa aselama, tama te tǫba aiya mubo suai. Tama te pris Abiatargo te ofa ebo sę ela pidubadi, te we bidi augwa te Jerusalem hanu taga pabo sogoba usu nanio.

Te Israel me Juda Hani Sigo Tuni Bidigo Po Elalubo Buku Deli 1:40

Tigidali we bidigo te Solomon wali peyu, te Jerusalemba ma pepelayu, tama augwa wiegi yai homu pemene mu eyu, tama i weyu, te ona eliyu yali. Augwaligo i wabo te bomonama mu obaso, te tǫ mali ebo tiwai usu yalio.

Jopgo Po Asęani Elalubo Buku 20:5

te dwai kolesaga ebo bidi dabe augwali pęwadage sogo tǫde bugagia godolo elama, bidai dao. Te God tudiba mubo bidigo bugai homu ebo sogo te bobobage menio.

Jeremaia 7:4

Sesemane sogo augwaligo te tiwai po dageba obao, ‘Te da, te Genuai Bidigo be dao. E da, te Genuai Bidigo be da. Te e be da, Genuai Bidigo be dao,’ po wabo dao. Tialima, dage te homu igimio, te bego dage wiegi yai bugagia ilama bidaibao homu igio. Tiyu, duga digi duga tibo po ola mabo dao.

Amos 6:3

Hobedagia mu. Dagego homugo te dolobo sę dageba pedalugobe da homu ebao. Tialima, hobede mu ebao, te dagego ebo dwai sę dabego te dwai sogo pąba pedalumainu sesebo sę ebo dao.

Maika 2:11

“Te profet me deli aselama, te tiwai tibo po wagasiyu, ‘Eno te profetgo wabo po tiwai weyu, te dagego wain hauwa elalu, te bomai wę me elalueibao,’ po obaso da, te we bidi dabego te tiwai profet godolo yaibao,” Genuai Bidigo te po wai.

Josua 6:20

Tialima, te pris dabego te bu wabo nai biugel bu wai. Tama te we bidi augwaligo odobo sogo, deli sogo mu tigidaligo te genuai i wabo sogode tama te hanu bagulali obo dabe te gisigasa dulali. Tama tiai digi, nosali te we bidi tigidali te tomoba pelama, tama augwaligo te hanu sai dao.

Josua 6:5

Te augwaligo te biugel bu wabo te bobobage mu kegasa pabo sogo da, teda dage tigidaligo te i olama, po daga genuai mu wao, tama te po obadi, te hanu bagulali moni masigigo nigali obo masigi te pepeda paibao. Tama tigidali bidi te hanu tomoba dolo pomainao,” wali.

Te Israel Tobolu Bidi Dabe 15:14

Augwali te Lehi hanuba sabalubo sogo, te Filistia dabego i weyu, udada asu, tama augwali tiąba asali. Tama Godigo Mobogo te Samsonba genuai bomo menama, tama te gesi baklaingo aga nogo duani, Samsongo te baklain te ugwa hobolobo hobi togobo tiwai te olo nai gagawai togali.

1 Samuel 4:6

Te Filistia dabego te Israel dabego te tiwai i wabo odama, tama augwa te po wai, “Te i wabo te Hibru dabe bidibo pesagede wabo odali. Magi baso te tiwai i dwai wabowe?” Nosali te Filistia dabego te tiwai po odali, te Genuai Bidigo Dąų Wali Bomai Po Munalubo Halobage te augwa bidibo pesageba sela asali po wai,