1 Samuel 30:3 - Godigo dwagi yai po buku

³ Nosali Devit te aga ami dabe dali augwali te Siklak taunba sabolama, tama augwaligo te taun siago dai sualio. Tama augwa te tama koneani, te Amalek dabego te Devitgo we wai me, te aga ami dabego we wai me selama, tama tigidali augwali dali selama pai yalio.

1 Samuel 30:3 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 34:19

Mu tama, te sęgę hauwa te doloba pai bidiba pedelaibao, tiali goli, te Genuai Bidigo aga tau siyu, tama te sęgę dabego aga aiyaba me elalugobeo.

Kraisgo Geme Dualali Sę Pedelabo Po Jonbolo Ola Mani 3:9

Suao. Nago te Satango bidi hani augwali koneai, tama augwaligo te po wabo, ‘Da te Juda bagego hani dao.’ Tiali goli menio. Augwali te tigide naga te Juda bage da wabo dao, tama augwaligo ebo kolesagade te Juda bage mu menio. Tialima te bidi dabe augwali eno selama, tama augwali te nago sągą pageba kidu sugunagasiyu, eno nage godolo mu ebo homu yali te augwaligo mu koneaibao.

Hibru 12:6

Magi baso meni, te eno bidi me deli godolo ebaso da, teda agai kolesaga te eno dodolaibao. Tama eno bidi me deli selama tama eno wai da wabo nogi eyu da, teda eno te aga dodolobo dao, te bidigo aga ene sigi te siade ulama tama nogogo dodolobo tiwai ebogia yaibao,” te po wai.

1 Samuel 27:3

Tama Devit aga me, aga bidi hani dabe dali, te aga we wai dabe dali, augwali te Getde bidaluali. Tama Devitgo we si te aga dali bidai. Te we me deligo nogi te Jesril bulu we Ahinoam, tama gasa we nogi Abigel te Karmel bulu we, aga te we da, te aga hasia isali bidi Nabalgo we dao.

1 Samuel 30:2

Tama te Amalek dabego te Siklak taunde bidali we wai tigidali sali. Augwaligo te deli me te me elibeo, menio. Augwaligo te tigidali selama, te augwa dali pali.

1 Samuel 30:4

Tialima, Devit dali, te aga ami bidi dabe dali, augwali te dwai gela mu ola pidubadi, te augwa bomo siligi pabo si teba usu nani.