1 Samuel 3:2 - Godigo dwagi yai po buku

² Megi da, Eligo gedu doyu, tama pąde aga gedu halua sainu yali. Tialima, me sogo hulide aga te Godigo be habude pila muani,

1 Samuel 3:2 Iomraidhean Croise

Tigidali Nai Gagalama Nigali Side 27:1

Aisak monu dabe mu elama, tama aga gedu halua selama, tama te nai dabe me, bulu ula me ma bugagia suabo ąǫ isąwai. Tialima, agai aga gomunai ogwa Iso i olama, tama agabolo te po wali, “Ogwao!” Tama Isogo po wei ponani, “Awe, ena e bidibao,” wali.

Tigidali Nai Gagalama Nigali Side 48:10

Jekop te monu dabe elama, tama agai gedugo te nai dabe bugagia suainu ebo te usu meni yai. Josep aga ogwa si odasa aselama, tama Jekopgo augwali si nogo tola selama, tama augwali si nono nani.

Tigidali Nai Gagalama Nigali Side 48:19

Tiali goli, aga ayago te agai po wali me pabeo. Menio. Agai te tiwai po Josepbolo wali, “Eno koneani, ogwao. Eno koneanio. Te Manasego hani wąį dabe te augwali hani me te genuai pedelaibao. Tiali goli, te aga ama sabi bidi da, te genuai bidi pedelaibao. Tama agai wąį dabe te augwaligo te Manasego hani te aiyaba elaluama, tama augwali te genuai hani bidi sibi mu pedelaibao,” wali.

Te Israel me Juda Hani Sigo Tuni Bidigo Po Elalubo Buku Deli 14:4

Tama te king Jeroboam aga wego te aga bidigo wali po odama, tama aga te Silo buluba pelama, tama te profet bidi Ahiyago beba sabolali. Tama te profet bidi Ahiya aga te megi monu dabe mu yai, tama agai gedu tigidali mu halua sali.

Godigo Nogi Ugwaba Sabo Tęąbi Po Wabo Buku Dabe 90:10

Da bidibo kibu be te 70 usu naga bidaibao. Tama dago bomo elalubaso, da te kibu be 80 usu naga bidaibao. Tiali goli, te tigidali kibu bede da te sę dene naga eyu, tama sęgę naga gegaibao. Te tigidali kibu be polo silama, tama da me pela silaibao.

Kolesaga Koneai Bidigo Pusali Po Elalubo Buku 12:3

Te sogo dagego nogo bomo munu ma isiąma, te midigi saibao. Te dagego sągą bomo menisąma, gagea paibao. Te dagego kele me deli deli naga elalueibao, tama dagego te dila pai nai me tugobeo. Te dagego gedude me dwai elama, te dagego nai dabe bugagia tonono bilibo usu egobe dao.

1 Samuel 2:22

Te sogo te Eli monu dabe mu yai bidali. Tama hauwa sogo Eligo odali, te aga ogwa sigo dwai sę tigidali te Israel dabe dali ebo po wai. Tama me agai te tiwai po odali, augwali sigo te Godigo ugwa be sunumi tonalu sę ebo we dabe dali pibo po wai.