1 Samuel 22:3 - Godigo dwagi yai po buku

³ Tialima, Devitgo aga aya ida selama, tama te badu bidali tagalama, te taun Mispa te Moap bulu tǫ pedaiba pali. Tama agai te Moap kingbolo weyu, te tama po wali, “Eno homugo nago te eno aya me ida te nage dali bidagasomainu elama, te Godigo magi sę enaba yainu ebo te eno koneainu yaibao,” wali.

1 Samuel 22:3 Iomraidhean Croise

Tigidali Nai Gagalama Nigali Side 47:11

Nosali Josepgo aga aya me, aga ama dede dali, te Isipde bidimainu tau sali. Agai augwalibolo te Rameses hanu badu elaluali tǫ te augwali mani. Te tǫ te wiegi yai mu tama, te Isipde elaluali tǫ dabe tigidali aiyaba elaluali. Josepgo te Ferogo wali po tiwai gilama yai.

2 Samuel 8:2

Tama nosali Devit dali, te aga ami bidi dabe dali pelama, te Moap dabe dali boi hwįgi pelama, tama augwali aiyaba elaluali. Tama agai te Moap dabe te wasilama, te tǫde pimainu ilali. Tama agai te bono baklain me deli selama, tama augwali usu sali. Te bidi dabe te polaluali dąį elalubode bidali me, te si wali dąį ilalide bidali bidi dabebolo, agai te augwali isimaina po wai. Tiali goli te sela wali dąį ilalide bidali bidi dabe, agai te augwali sula tagalalu bidimainu yali. Tama agai te tiwai sę ela pidubadi, te wasilali hani siligi paboba usu nigi pali. Tama te ela musiąwai Moap dabe aga dologode bidiyu, tama agaba te takis mawai.

Ma Dobola Sali 20:12

“Nago naga aya ida dologode bidama, tama augwaligo po wali pao. Nago tama tiyu da, te nage polo me isigobeo. Menio, te nage hauwa sogo te tǫde bidimainogo te God eno nago Genuai Bidi eno nage mawainogo homu ebo tǫde bidagameo.”

2 Timoti 5:4

Tiali goli te bidi isai we me deligo te aga wai genuai yai me, ma aga waigo wai te genuai yai elalubaso da, teda augwaligo bugagia koneao: te augwaligo polasa yabo sę te augwaligo Godigo po wali peyu, tama augwa hani we bidi bugagia tonaluyu, tama augwali polobadu dwasianude aya idago bugagia tonaluali tobage kolesaga wei ponoyu tonaluao. Awe, Godigo te kolesaga godolo mu ebo dao.

Te Israel Tobolu Bidi Dabe 11:29

Tialima, te Genuai Bidigo Mobo Bidi te Jeptaba bomonama bidagaselama, tama aga hogodama palima, te Gileat me Manase te badu te Mispa buluba pelama, tama aga te Amon dabe bidalubo madiba palio.

Rutgo Po Elalubo Buku 4:10

Tama nai me deli digi elalubo. Eno Rut selama, tama megi te eno we dao. Te Moap bulu we Malongo sai, tama Malon isiyu, aga taga pai. Eno te Rut selama, tama Malongo tǫ te aga hanide dolo elaluaibao. Tama te isali bidi aga page bulu, te aga deli hanigo aga nogi sesemane sogo konealumainogo yaibao. Megi dagego sulama, tama dagego te sę ebo koneani dao,” te po wai.

Rutgo Po Elalubo Buku 4:17

Tama te bulude bidali we dabego te po wai, “Rutgo wai ogwa ame nani, te Naomibolo mawai.” Tama augwaligo wai nogi mani, tama aga nogi Obet poai. Tama nosali Obet te Jesigo aya pedelali, tama Jesi te Devitgo aya, te aga Israel bagego genuai tuni bidi dao.

1 Samuel 14:47

Te Sol Israel dabego king mu pedelali sogo, aga dali, te aga ami bidi dabe dali, te Israel dabego boi bidi te tigidali tǫ pedaide bidalubo bage dali hwįani. Augwaligo te Moap dabe me, Amon dabe me, Idom dabe dali, me te Filistia dali, me te Soba king dabe dali hwįani. Tama te hwįani te augwaligo te boi bidi dabe tigidali aiyaba elaluama, tama te boi bidi dabeba dene mayu yai dao.

1 Samuel 22:2

Tama te tigidali haniani sęgę elalubo bidi me, te tigidali negeli elalubo bidi me, te tigidali te Sol dali wado po wali elalubo bidi me, augwali me te Devitba pelama, tama aga te augwaligo polalubo hetman bidi pedelali. Tama te bidi sese hauwa, 400 tiwai aga dali bidalio.

1 Samuel 22:4

Te Moap king bidigo te Devitgo wali po te usu da po obaso, tama Devitgo aga aya de ida si tede tagalama, tama augwa si te Moap king bidi dali bidibadi, te sogo Devit te masigi ola bede geme dulalualio.

1 Samuel 3:18

Tama tibaso, Samuelgo agabolo te Genuai Bidigo wali po tigidali wali, tama agai po deli te me dualubeo. Mu menio. Eligo odama, tama agai te po wali, “Aga digi te Genuai Bidi dao. Te agai mena sę yainu ebaso da, teda agai te sę ebo dao,” wali.