1 Samuel 22:1 - Godigo dwagi yai po buku

¹ Devitgo te taun Get tagalama, tama aga wi pelama, te taun Adulam pąba pelama, tama te genuai bulu du ola be me delide bididuali. Te aga ama dede dali te aga hani bagego aga te bulude bidibo po odobaso, teda augwali pelama, aga dali bidigi pai.

1 Samuel 22:1 Iomraidhean Croise

Tigidali Nai Gagalama Nigali Side 38:1

Tama te sogo Juda te aga ama dede taga peyu, tama te Hira dali bidigi pali, te Adulam bidi me deli da.

Tuni Bidi Dabego Po Elalubo Buku Deli 11:15

Te Devitgo ami dabede te ami tobolu bidi dabe elaluali, te hani dabe nogi augwaligo te tiwai nogi yalio, te Bidi Sese Deli Olama Nogo Si 30 Ami Tobolu Bidi Da, wali. Me sogo deli Devit te bulu Adulam genuai masigi ola bede bidibadi, tama Bidi Sese Deli Olama Nogo Si wali ami bidi dabe tomode te ami tobolu bidi selago Devit aga suagasali. Te tama tebo sogode me te ami dabe te bulu Refaimba dulama bidabo pesage nigilama bidai dao.

Godigo Nogi Ugwaba Sabo Tęąbi Po Wabo Buku Dabe 34:1

Te eno Godiba usu da weyu, gedu haluasa po weyu, tama eno aga nogi sesemane sogo ugwaba sobao.

Maika 1:15

Dage te Maresa we bidi, te Genuai Bidigo dage te boi bidi dabego nogoba munama, te dagego taun augwaligo saibao. Tama te Israel polaluali tobolu bidi dabe te Adulam masigi ola beba geme wi duala sigi peyu, ela paibao.

Maika 1:3

Genuai Bidigo te aga wiegi yai bulu digi te tagalama, te asabo homu ebao. Aga dulama, te bulu du padode daidu bilagasaibao, wai.

Hibru 11:38

Tama tibaso, augwali tedela pelama, tama geme te bidi meni yai buluba me, te bulu duba me, te masigi ola beba me, te tǫ dedage tomoba me geme bidigi peyu yai. Augwali te wiegi yai we bidi mu, tama e tǫde we bidigo te bidi dabego konealubo po dąų wabo te dali usu nisiąyu, tama augwali tomode me bidigi homu elama augwali dali boi bidi mu yalio.

Josua 12:15

Lipna, Adulam,

Josua 15:35

Jarmut, Adulam, Soko, Aseka,

1 Samuel 24:4

Tialima, te Devitgo aga bidi dabego agabolo weyu, te po wali, “Te dao. Megi te nago wiegi yai sogo dao. Genuai Bidigo nagebolo waliyu, te agai te boi bidi nage mawaibao po wai, tama nago mena sę agade yainogo da, teda nago te sę yao. Megi da, te sę ebo sogo dao. Ae, nage pao.” Tialima, Devit te dua dua peyu, te Sol pąba pelama, tama te Solgo bobage ugwa aiyadu dwasianu pedainu togwa sali, tiali goli Solgo me konebeo.