1 Samuel 2:9 - Godigo dwagi yai po buku

⁹ “Genuai Bidigo te aga wali mu pabo we bidi dabe tonalueibao. Tiali goli, te dwai kolesaga ebo we bidi dabe agai augwali dolaibao, tama augwali te bulu dwai mu hulia sai madi hagawaibao. Te genuai bomo mu elalubo bidi me te tagalao, aga te aga bomode digi te bugagia me bidigobeo.

1 Samuel 2:9 Iomraidhean Croise

Jopgo Po Asęani Elalubo Buku 18:18

Te bage augwali bididuali sogo da, augwaligo giliga ula suai dao. Tiali goli, isibo augwaliba asaligo augwali hulia sai madi mu pali.

Jopgo Po Asęani Elalubo Buku 40:13

Tama nago te bidi dabe tǫgo mesegelebaso, tama gasa we bidigo augwali me sugobeo.

Jopgo Po Asęani Elalubo Buku 5:16

Tama tibaso, te nai meni yai bidi dabe augwa Godiba homu kolesaga dąų weyu, God augwali tau somainu tonalubo dao. Tama te dwai sę ebo bidi dabego augwalibolo dwai sę ma egobeo,” wali.

Jopgo Po Asęani Elalubo Buku 5:24

Tama nago koneaibao, naga nai dabe bugagia bidiba olama, tama naga ugwa bede bugagia dua bidaibao. Tama naga kibu sipsip dabe bugagia bidibo suaibao, tama te kibu sipsip me hagagobeo.

Godigo Nogi Ugwaba Sabo Tęąbi Po Wabo Buku Dabe 1:6

Magi baso meni, Godigo te doloba pai bidi dabe bugagia tonalubo dao, tialima dwai kolesaga ebo bidi dabe, augwali dwai dene ebo bulude bidada peyu, bidada pabo elalubo.

Godigo Nogi Ugwaba Sabo Tęąbi Po Wabo Buku Dabe 105:37

Nosali agai Israel bidi hani augwali Isip bulu tagalama, augwali odasa pai. Augwaligo silva, me gol, te me sela pai. Tigidali Israel we bidi bugagia bidai, me deli dolobeo.

Godigo Nogi Ugwaba Sabo Tęąbi Po Wabo Buku Dabe 121:3

Te agai nage tulalumainu me egobeo. Te agai nage tonalu, tama aga me pigobeo.

Godigo Nogi Ugwaba Sabo Tęąbi Po Wabo Buku Dabe 121:5

Genuai Bidi agai te nage tonalubo bidi dao. Aga te nage pąde dolalu, tama nage tonalubo dao.

Godigo Nogi Ugwaba Sabo Tęąbi Po Wabo Buku Dabe 121:8

Te nago be taga pabo sogo, te Genuai Bidigo nage tonaluaibao. Tama te nago ma asobo sogo me, te agai nage tonalubao, tama megi me, te tigidali sogo nosali bidibode me, te tiaibao.

Godigo Nogi Ugwaba Sabo Tęąbi Po Wabo Buku Dabe 145:20

Agai te aga godolo mu ebo we bidi bugagia tonalubao. Tiali goli, te dwai kolesaga ebo we bidi, augwali dolaibao.

Godigo Nogi Ugwaba Sabo Tęąbi Po Wabo Buku Dabe 31:17

Genuai Bidi, eno nageba i wabo, te nago ena tau somainu obao. Nago ena te boi bidi dabego aiyaba elalumainu me igio. Tiali goli, te boi bidi dabe da, dolomainu yao. Augwali isimainu elama, tama augwa pedauwali te isibo bidi dabego pesagede pania sai elalumainu yao.

Godigo Nogi Ugwaba Sabo Tęąbi Po Wabo Buku Dabe 37:28

Magi baso meni, Godigo te doloba pai kolesaga ebo we bidi wei eyu, godolo mu ebo dao. Agai te aga we bidi hagamainu me egobeo. Sesemane sogo Genuai Bidigo te we bidi dabe dolasa bilimainu tonalueibao. Tiali goli, te dwai bidi dabego wai dabe da, te mu dolaibao.

Godigo Nogi Ugwaba Sabo Tęąbi Po Wabo Buku Dabe 94:18

Eno te homu yai, “Eno sągą kikila peyu, ena tula muaibao,” wai. Tiali goli, menio. Genuai Bidi nago ena godolo mu eyu, tama nago ena nogo tola selama, ena te dwai sęgę ebo digi tulalubeo.

Godigo Nogi Ugwaba Sabo Tęąbi Po Wabo Buku Dabe 97:10

Genuai Bidigo te dwai kolesaga wei isąbo we bidi dabe augwali te agai wei homu mu ebao. Agai te aga we bidi dabe bugagia tonalu, tama augwali te dwai bidi dabego nogode ma sabo dao.

Bugagia Bidibo Kolesagade Po Asęai Buku 16:9

Dago te dago yainogo homu ebo sęde homu kone palobo dao. Tiali goli, Genuai Bidigo te da bilibo dolasa bilimainu ebo dao.

Bugagia Bidibo Kolesagade Po Asęai Buku 2:8

Godigo te doloba pai kolesaga ebo bidi dabe bobegela selama, tama te agade homugo kęą pali bagego wali pabo sunumi agai te tonalubo dao.

Kolesaga Koneai Bidigo Pusali Po Elalubo Buku 5:17

Da e tǫde dugulalubo page te wiegi yai me elalubeo, te sesemane sogo dago haliga sęgę eyu, wado po weyu, gasi siyu, idubo dao.

Kolesaga Koneai Bidigo Pusali Po Elalubo Buku 9:11

Tama eno nai me deli ma te tǫde sualio. Te bomonama mu udabo bidi dabego te sainu uda yali nai me sogobeo. Te boma pai ami bidigo te boi bidi dali hwįnama, ugaba boi bidi hani me aiyaba elalugobeo. Te wiegi yai homu kolesaga me, ma te genuai kolesaga sai bidi dabe, augwaligo te mone hauwa me sogobeo. Te haniani sę ebo kolesaga usasai bidi dabe, augwaligo te genuai sę me sogobeo. Te magi magi sę dabe te da tigidaliba pedalubo dao.

Aisaia 47:5

Genuai Bidigo Babilonba te tiwai po wali, “Babilon, nago te naga pedauwali pania selama, te be hulia sai pesageba duagi pao, magi baso meni, te gasa hani we bidigo nageba te nogi munu ma wasiąyu, ‘Te tigidali bulu tǫ kantri kwin da,’ po me wagobe.

Jeremaia 8:14

Te Juda dabego te tama po waibao, “Magi baso da olo dugulalubawe? Da sisinama, te bomai obo elalubo taun dabeba geme duala sigi pelainao, tama da te taun dabede isigi pinao. Dago te Genuai Bidi, dena Godiba dago dwai sę yali, tama agai te po weyu, da isimainao wali. Te agai dabolo te bidi dolabo marasin mabo tiwai menama, te dago tumainu yali.

Jeremaia 9:23

Genuai Bidigo te tama po wali, “Te po page koneai bidigo aga koneani kolesaga wiegi yai homu pemene igio. Tama bomai bidigo aga bomode homu pemene igio. Te mone bidigo aga monede wiegi yai homu pemene egio. Menio.

Nahum 1:8

Te genuai ąį asobo tiwai elama, tama aga boi bidi dabe te Ninive bage te aiyaba mu elaluama, tama te agai po sela sąbo bidi dabe te ela muyu yaibao.

Sefanaia 1:15

Tama te sogo Genuai Bidigo moni sębę pebeli diliba mu pedelaibao, tama te we bidigo homu sęgę elama, tama augwaligo homu dwai yaibao, tama te nai dabe sese tama dola silaibao. Tama te pǫ dabego giliga halua siyu, te dwai tį be elama, tama geninama mu hulia saibao.

Sekaraia 4:6

Tama tialima enselgo enabolo Genuai Bidigo te po te polalubo gavman bidi Serubabelbolo pusa mao po wali. Genuai Bidigo te po wali, “Nago naga bomogo o naga ami dabego bomogo te sę dabe ebo usu egobeo. Menio. Eno Mobo Bidi Spiritgo bomo nage dali bidaibao, tama te bomo deligo naga nago te sę yaibao.

Israel Hanigo Namba 6:24

‘Eno homugo Genuai Bidigo dage dali wiegi yai kolesaga elama, dage bugagia tonalumainao.

Matyu 8:12

Tiali goli, Godigo hasia bolo te dwai tigi dene sabo buluba muabo sa muani we bidi augwali da, te augwaligo te bulu badu te be hulia sai dwai madigi sela sąwaibao. Tede augwali dwai gela weyu, tama augwa kele ma halua tueibao.”

Polgo Po Pas Rom Dabeba Asęani 3:19

Tama dago koneani, te tigidali bomai pogo ebo sę agai te da te bomai po dologode bidibo Juda bidi dabe dali te sę ebo dao. Godigo bomai pogo te da Juda bagebolo me te dena yali dwai sę ola mabo dao. Tama tialigo da, bidi me deli agai “Te ena doloba pai bidi dao,” te po wabo usu egobeo. Te Godigo bomai po te pogo sę si elalubao. Te bomai pogo dago ebo dwai sę dabolo ola mabo dao, tama dago wei ponobo po menio. Tama me, da tigidali bidi te da tigidali gasa haniani tǫde bidibo we bidi dago te Godigo gedude dwai sę yali elaluai, te Godigo da tigidali dali po tų yaibao. Dago te me konemainogo, te bomai po elalubo dao.

Bomai Po 33:3

Godigo aga we bidi godolo mu ebao, tama agai augwali bugagia mu tonalubo dao. Tama tialima, dago agaba kidu sugunama, agaba tobolu basiliyu yao. Tama dago agai bomai po wali pinao.

1 Pita 1:5

Tama dagego duga homu tigidali te Krais agaba mubaso, God agai bomogo dage bugagia tonalubao. Tama nosali te tigidali nai silabo bodolu mani sogo pedalobo si, agai te we bidi ma dobola sabo kolesaga polobadu sisi ela muani te sogo waselaibao. Tama tibaso, megi agai dage bugagia tonalubao.

2 Pita 2:17

Tama te tibo po ola mabo bidi dabe augwali te wę ulu meba te wę meni yai pedalisiąbo tiwai dao. Tama augwali te pǫ tiwai elama, te genuai waligo besela sąnama tedela pabo tiwai gilama ebao. Godigo te be sisi yai hulia sai digi aba mu tama augwali teba pabo sisi yai elalubo dao.

Jutgo Asęani Pas 1:1

Ena Jut da, ena te Jisas Krais agai sę ebo bidi da, tama ena Jems aga amanu dao. Tama eno e po dage Godigo i wali we bidibolo asęna tolobao. Tama God dago Aya agai dage dali dwagi yai homu eyu, tama godolo mu ebo dao. Tama Jisas Krais me agai dage palibo dao. Augwali sigo dage dali tama tiyu, tama dage bugagia bidibao.

Jutgo Asęani Pas 1:13

Tama te moni tamu ąį bǫį dini wadolama nosali asiyu, tama te ąį dinigo meda yai pesa hania pedalobo dao, te ąį sanide. Tama te tiwai te bidi dabe augwaligo te hale ilibo kolesaga hania ebo dao. Augwali te dagalude elalubo hǫ meba tiwai dao. Te tobage hǫ osogo ula eyu, ma sula siyu ebo hǫ dabe dao. Te hǫ pabo te bugagia dolo pabo menio. Tama Godigo te dwai sisi mu a bulu hulia sai digi sisi yai elalubo, tama te tibo po ola mabo bidi augwali te hulia sai bulude sesemane sogo bidada peyu, bidada paibao.

Jutgo Asęani Pas 1:3

Eno abagi mu dede, hasia eno homugo te Godigo da tigidali ma dobola sabo sęde eno po dagebolo asęna tolabo homu bomo yai. Tiali goli, eno homu hasegelali, tama megi dagebolo gasagi yai po asęna tolobao. Magi baso meni, gasa bidi dabe augwali dage Godigo we bidi hani tomoba geme asai, te sa asobo bage tiwai asai. Te polobadu te deli sogo naga te God agai aga po te aga we bidibolo mu mawai dao. Tama te po e dao, te dago te God dali Jisas dali augwali side konealubo po dąų wao. Tiali goli, te geme asai bagego augwaligo ebo dwai dwai kolesaga bolainogo augwaligo te Godigo mani po hasegelali, tama tibo po dagebolo ola mayu, “Woo, te God agai da olo tau siyu, tama dago ebo dwai sęgę sela sąbaso, teda dago dwai dwai penani ebo kolesaga eyu da, te usu da,” augwaligo te tibo po ola mabo da. Tama tibaso, eno megi dagebolo e po asęna tolali, te dage bomo elama tama te Godigo mani po bugagia tonaluyu paliąo, augwaligo te po dolidali weyu yao. Tama augwaligo te tobage tibo po weyu, augwaligo te Jisas Kraisde hogwa sabo po wabo dao. Augwaligo dago Polalubo Bidi, te dago Genuai Bidi deli naga tudiba mubo dao. Tama polobadu mu Godigo po asęani bidi augwaligo te po asęani, te God agai te tobage dwai dwai sę ebo bage sa munama tama sęgę mawaibao, te po te bukude asęani.

1 Samuel 25:26

Odao. Genuai Bidigo digi nage paliama, tama nago te boi bidi dabeba te dwai kolesaga isiąyu, tama augwali me ela mubeo. Tama te Sesemane Sogo Bidibo Genuai Bidigo nogide eno po bomo elama weyu, te tiwai po obao, te nago boi bidi dabeba te Godigo dene ilimainu yaibao, te Nabalba yabo sę tiwai gilama yaibao.