1 Samuel 2:4 - Godigo dwagi yai po buku

⁴ Godigo te bomai ami boi bidi dabego enesigi togolama, tama augwaligo wąbi hwįabo bomo munu me egobeo. Tiali goli, te bomo meni yai bidi dabe, agai te augwali bomo ilibo dao.

1 Samuel 2:4 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 18:39

Naga digi nago ena te boi bidi dabe dali hwįbo bomo dąų walai. Naga digi nago ena tau selama, tama eno augwali aiyaba elaluai.

Godigo Nogi Ugwaba Sabo Tęąbi Po Wabo Buku Dabe 37:15

Tiali goli, te augwa bainatgo te Godigo augwali isilaibao, tama Godigo te augwaligo enesigi togwa paibao.

Godigo Nogi Ugwaba Sabo Tęąbi Po Wabo Buku Dabe 37:17

Magi baso meni, Genuai Bidigo te dwai bidi dabego bomo silama, tama agai te doloba pai bidi dabe tonalueibao.

Godigo Nogi Ugwaba Sabo Tęąbi Po Wabo Buku Dabe 46:10

Agai te po wai, “Dage munu ma hwįnamuo,” wali. “Dagego ena bugagia koneiąo, ena God mu dao. Ena ugwadu mu elalu, tama te tigidali tǫ pedai kantrigo we bidi hani dabe ena dologode bidibao. Te tigidali bulu pedai tǫde ena te polalubo bidi bidibo dao.”

Godigo Nogi Ugwaba Sabo Tęąbi Po Wabo Buku Dabe 46:9

Agai te tigidali tǫ pedai badu te hwįbo togolobo dao. Agai te tigidali enesigi me ene togolama, tama te sabele dabe te siaba ulubadi ebo dao.

Godigo Nogi Ugwaba Sabo Tęąbi Po Wabo Buku Dabe 76:3

Te bulude agai te boi bidi dabego enesigi ene dabe me, te sabele delage me tologali, tama augwaligo bainat hwą me togwai. Godigo te hwįbo doado bage tigidali dolai dao.

Aisaia 10:4

Dagego magi sę me ebo usu egobeo. Mu menio. Te boi bidi dabego dage ela wialobo, o dage deli deli pibia sidubadi, augwaligo dage sela pelama, kalabusiba tagaligi pabo sę yaibao. Genuai Bidigo sę dabe dageba pedalumainu yaibao. Tiali goli, tego agai sębę siligobeo. Menio. Agai nogo me balaluaibao.

Aisaia 40:29

Genuai Bidigo te bomo meni yai bidi dabe dąų walobaso, te dili bomo kimi silai digi, te agai augwali bomo selama, bidimainu ebo dao.

Jeremaia 37:10

Te dagego Babilon dabe dali hwįnama, te augwaligo ami tigidali aiyaba elaluama, te dagego augwali ami bidi dabe hauwa ela mugi sogo da, teda tagalao, te hwįnama tigi dabe dolali ami dabe te augwa ugwa bede bidaluama, tialima, te bagego digi hogodama asiyu, te taun isigo ulubo usigi da,” te po wai dao.

Jeremaia 51:56

Te nai doado bage dolabo bidi dabe, augwaligo te Babilonba boi hwįagaselama, augwali aiyaba elaluaibao. Tama augwaligo te Babilon ami bidi dabe kalabus elama, te augwaligo enesigi dabe tologwaibao. Magi baso meni. Genuai Bidi aga te dwai sę ebo dolo wei ponobo God dao. Tama tibaso, mu tama, agai te Babilon dabego dwai kolesaga usu siyu, dolo mu wei ponaibao.

2 Korin 12:9

Tiali goli agai te po enabolo wai, “Woo, te eno olo tau sabo wiegi yai kolesaga nagede usu yai elalubao. Magi baso meni, te bomo meni yai bidide eno bomo hania mu pedalobo dao,” Genuai Bidigo te po wai. Tama ena bomo meni yai da te homu sęgę munu me egobeo. Menio. Ena wiegi yai homu pemene mu tede ebo dao, te Kraisgo bomo enade elalumainogo ebao.

Efesus 6:14

Awe, dage e tama tiwai dola selama dolaluao. Dagego Godigo mu po te duga kugulu tiwai gudulama, tama bugagia dąų olama, tama te doloba pai wiegi yai kolesaga ebo te dagego duga hagawia sesela sabo nai tiwai abiao.

Filipai 4:13

Krais agai aga bomo ena menama, tama te bomogo eno tigidali sę ebo usu ebo dao.

Hibru 11:32

Tiali goli dagego te Godide tiąlubo kolesaga page bugagia konemainogo eyu, megi eno mena po me wadolama tama ma wagowe? Menio. Te eno te bidi Gideonde po wabo sogo me, te Barak me, te Samson me, te Jepta me, te Devit de Samuel, me te Godigo po pusali profet bidi dabe augwalide po eno wabo sogo te usu menio.

Hibru 11:34

Tama augwaligo te moni sia bogoli ebo me sula sąyu yalio. Tama me te augwali wi pidu gebaso te gasa bidi dabego te bobage hwą gego te augwali elali te usu me ebeo. Tama augwali bomo meni yai bidilama, tama nosali augwali bomo sai. Augwali te wąbi hwįbode bomai bidi mu pedalai. Augwaligo te gasa hanigo genuai ami bidi dabe augwali aiyaba elaluyu pobeasa peyu yai dao.