1 Samuel 15:3 - Godigo dwagi yai po buku

³ Tama tiyu, nage te naga ami dabe dali pelama, tama te Amalek dabe dali hwįgi pelama, tama augwaligo doado bage tigidali dolama, tama tigidali bidi me, we me, ogwa me, wegi me, wai puluba me elibadi, tama tigidali bulmakau me, sipsip me, kamel me, donki me, te ela silao wali. Nago te deli munu me tagalamu dao,” Samuelgo Solbolo te po wai.

1 Samuel 15:3 Iomraidhean Croise

Tigidali Nai Gagalama Nigali Side 36:12

Timna te Isogo ogwa Elifasgo nosali sali we, tama Timnago te Amalek ame nani. Te hani ogwa dabe augwali te Isogo we Adago wąį dabe da.

2 Samuel 1:8

Tama agai enabolo te tama po hanalu wali, ‘Nage mena badu bidi dawe?’ Tama eno te po wai, ‘Ena te Amalek bidi me deli dao,’ walio.

Ma Dobola Sali 17:14

Tama nosali Genuai Bidigo Mosesbolo te po wai, “Te po te buku me delide asęnama, te we bidi augwaligo homude konealumainao. Te po e tiwai, ‘Genuai Bidi eno te Amalek dabe mu silaibao silama, tama te we bidi dabego homugo augwali munu me ma konegobeo.’ Tama nago te po Josuabolo me mao,” te po wali.

Ma Dobola Sali 20:5

Nago te tibo godiba, me te noma bidiba kidu sugunama, lotu me wagimio, magi basowe, ena Genuai Bidi Yawe te ena nago God, tama ena te tibo godigo hasegelemainogo ebo usu me egobeo. Mu menio. Tede eno hagela homu mu ebo dao. Tama ena hagela mu homu ebo we bidi dabe, augwaligo te naide magi sę yai elalubaso, te eno augwali dene iliyu, tama augwaligo wai hani sela, me me si me si nosali pedelabo hani, augwalibolo me te mabo dene tiwai ilaibao.

Israel Hanigo Namba 24:20

Tama te Balamgo te nade suali nai dabe po, te Amalek dabe suali po te profet po augwalide pusali. Agai te po wali, “Te Amalek dabe te bomai bidi hani me deli bidai dao. Tiali goli, augwali nosali mu dolaibao.”

Israel Hanigo Namba 31:17

Tialima, megi da, dagego ogwa dabe, me te we dabe bidi dali piai we dabe ela muao.

Josua 10:39

Augwaligo te hanu dali, te tuni bidi me siyu, tama te gasa pąde elalubo dwasianu hanu dabe me sai. Augwaligo tede bidali bidi dabe tigidali ela muai. Josuago te dedeli kolesaga tiwai naga te Debir hanude bidibo bidi dabebolo me te tuni bidi dali tiali, agai te Hebronde me te Lipna hanu side te augwa tuni bidi dabe dali yali kolesaga tiwai naga yai dao.

1 Samuel 14:48

Tama Solgo te ami bidi dabe haliga hodolama, hwįmainu elama, tama augwaligo hwįbo bomo mu elama, tama te Amalek dabe me aiyaba elaluali. Tama tibaso, te boi bidi dabe te Israel dabe dali hwįagasu munu me asobeo.

1 Samuel 15:18

Tama agai nage tagala palobaso, te nago Amalek dabe dali hwįgi pali. Tama agai te po wai, ‘Nago hwį hwį pidu genama, tama te tigidali dwai bidi dabe ela silao,’ po wai.

1 Samuel 15:9

Tiali goli, augwaligo te augwa king bidi Agak te elibeo, tama me augwaligo te wiegi yai nisai sipsip wai dabe me, nisai bulmakau wai dabe me, elisąwai, magi baso meni, augwaligo te hagela homu yai dao. Augwaligo te sipsip me bulmakau dabe te dwai yali te gasa tobage kibu sibi dabe naga te ela silali.

1 Samuel 22:19

Tama Solgo aga ami bidi dabe te Nopba tagala palama, te pris dabego taunba pelama, tama augwaligo te tigidali we bidi ela muai. Augwaligo te tigidali bidi me, we me, ogomani me, te dwasianu augwa idago ame tubo wai dabe me elali, tama te tigidali bulmakau, me sipsip, me donki, te ela muani. Te Solgo ami dabego te augwali mu ela silalio.

1 Samuel 27:9

Tama Devitgo aga hani bage dali augwaligo te augwali dali hwįani sogo, augwaligo te tigidali we bidi elama, tama tigidali sipsip, me bulmakau, me donki, me kamel te augwaligo ugwa dabe me, te tigidali nai sali. Augwaligo te tiwai ela silama da, teda augwali te Akis bidibo madi ma asiyu yai.

1 Samuel 30:17

Tialima, Devit te aga ami dabe dali te kigamu digi mu pelama, tonalugi pelama, tama augwali pelama, te wąbi hodolama hwįani. Tama augwaligo te Amalek dabe dali hwįdubadi, te pio mu igi palio. Tama augwaligo te Amalek dabe hauwa ela muani. Te 400 bidi naga te kamelba duagi pelama, tama augwa wi palio. Tiali goli, te Devitgo hanigo te gasa Amalek tigidali ela muanio.