1 Samuel 13:2 - Godigo dwagi yai po buku

² Te Sol king bidi pedelama bidali sogo, te Israel dabe deli madi sisinaluali, tama Solgo te Israel bidi dabe te bidi sese umabo, te 3,000 bidi, te ami bidi nigilama, tama gasa bidi dabe te augwa buluba ma tagala palali. Agai te ami bidi dabede te bidi sese umabo, te 2,000 ami bidi te agai selama, tama augwali aga dali te bulu Mikmas te Betel bagego bulu dude bidaluai. Tama agai te 1,000 ami bidi te Jonatan dali tagala palali, te aga ogwa, tama augwali pelama, te Gibea tǫ te Benjamingo hanigo tǫ tomoba bidigi pali.

1 Samuel 13:2 Iomraidhean Croise

2 Samuel 20:1

Te sogo te bidi dwai me deli te Israel dabe tomode bidali, aga nogi Seba. Aga te Bikrigo ogwa, tama aga te Benjamingo hani bidi. Sebago te biugel bu weyu, te i olama, te tama po wali, “Te Devit tagalao, da te agai hani menio. Da te Jesigo ogwago hani bidi menio. Dago aga wali me pelamuo. Ae, te da Israel bidi tigidali, dena buluba ma pelainao,” po wai.

2 Samuel 21:6

Tama tibaso, dago homugo te nago dabolo te Solgo hani sibigo bidi te a naga olama, me si, te tama bidi dabolo momainu homu ebao. Tama dago augwali te bulu Gibeaba sela paibao, magi baso meni, Gibea te Solgo page bulu dao, te king te Genuai Bidigo nigilali. Tama te God Genuai Bidigo gedude te dago augwali te niba walama, tama augwali isimainu yaibao,” te Gibeon bagego te po wai. Tama Devitgo augwaliba te tama po wai, “Tialima, te eno augwali dageba mawaibao,” wai.

2 Samuel 23:29

Helep, te Banago ogwa, te Netofa hanu bidi, Itai, te Ribaigo ogwa da, te Benjamingo hanigo tǫ te Gibea hanu bidi,

Esra 2:27

tama te Mikmas taun bidi te 122 dao.

Nehemia 11:31

Te Benjamin we bidi hani meba te Geba taun, me Mikmas, me Aija, me Betel, tede bidali, me te Betel taun pąde elalubo bulu dabede bidai.

Josua 18:28

Sela, Haelep, Jebus, te augwaligo Jerusalem nogi yali, Gibea, Kiriat Jearim, te tama hanu elaluali. Te 14 hanu dabe, te pąde bulu dabe dali elaluali. Te tǫ pedai te Benjamingo hanigo sali tǫ me hanu dali, te dao.

Josua 22:6

Tama Josua te wiegi yai po mobo augwali menama, tama agai augwali te Jordan wę boloyu, augwa beba ma pomainu tagala palali.

Te Israel Tobolu Bidi Dabe 19:12

Tiali goli aga mama monugo te po wai, “Menio, da te Israel hani ąǫ isiąwai bagego hanude me bidigobeo. Te da dwasianu ma pelama gana te Gibeade ma Rama tede piaibao,” wali.

1 Samuel 10:26

Tama Sol aga bulu Gibeaba ma pali. Tiali goli, Godigo te bomai bidi meba homu hodolama, tama augwali te Sol dali pelawali.

1 Samuel 10:5

“Tama nosali nage te Godigo bulu du te taun Gibea te Filistia dabego ami bidi dabe bidalubo madi teba pao. Tama nage te taun pąba pabo sogo, te nago profet hani me deli augwa te bulu dude te alta tagalama, tama aiyaba dulubadi, te gesabidi deliba ununaibao. Tama augwaligo te tobage gita me, tamborin dabe me, ona elebo me, te tiwai eyu, tama te profetgo kolesaga ebo gilama, te Godigo po pususu paibao.

1 Samuel 13:1

Te Solgo kibu be 40 elalubadi, te aga king bidi pedelali, tama aga king nigilama bidibadi, te 22 kibu be bidai dao.

1 Samuel 13:11

Tiali goli, Samuelgo Solbolo te tiwai po wai, “Nago magi sę yaliwe?” Tama Solgo te po wai, “Eno suali, te we bidi dabego ena tagalama, tama tedela pobaso, tama eno nage tonaluali te po wali gilama tama nage sabalubeo. Tama eno subadi, te Filistia dabego bidabo pesage te Mikmas buluba nigagasobo sualio.

1 Samuel 13:15

Samuelgo te po ola silama, tama agai te bulu Gilgal tagalama, tama gasaba palio. Tama Solgo me te Gilgal bulu tagalama, tama te Gibeaba pelama, te aga ami bidi dabe dali deliba sisinama bidai. Tama te Gilgalde bidali tigidali we bidigo aga wali pali. Gibea bulu te Benjamingo tǫde elaluai. Augwali sabolama, tialima Solgo te aga dali bidalubo ami bidi dabe nedali, tama te 600 ami bidi naga elaluali.

1 Samuel 13:16

Tialima, Sol dali, Jonatan dali, te augwa si ami bidi me pelama, te Geba tǫ te Benjamingo tǫ badu bidigi pali. Tama te Filistia dabe augwa bidibo madi te Mikmasde bidaluai.

1 Samuel 13:23

Te sogo te Filistia dabego te ami hani meba tagala palama, te Mikmas pąde elalubo sunumi bobegela sigi pomainu yali, te bulu du si sau pado tomodu pabo sunumiba no bidigi pomainu, tagala palai dao.

1 Samuel 13:5

Tama te sogo te Filistia dabe hauwa sisinagaselama, te Israel dabe dali hwįainu yali. Augwaligo boi hwįabo karis te bidi sese umabo mu, te 3,000 elaluali, tama te ami bidi 6,000 te hosde duayabo elaluai, tama tǫdu pabo ami bidi umabo mu, te nambisde masigi sane kemi tiwai elaluai. Te ami bidi dabe te Mikmas, te giliga pedalubo pedai badu, te Betaven te badu pelama, tede te augwa bidabo pesage nigilama bidai.

1 Samuel 14:31

Te sogode te Israel dabego te Filistia dabe dali hwįani, te Mikmas bulude gagalama, tama pelama, te taun Aijalonba usu nigi pali. Tama tiyu, te Israel dabe nasi mu dwai eyu, tama bomo meni yai.

1 Samuel 14:5

Te masigi elalubo pesage me deli te not pedai badu te Mikmas sunumi elalubo badu, tama gasa masigi me te Geba tǫ pedai badu elaluali.

1 Samuel 14:52

Te Sol king bidali sogo, agai ami bidi dabego te Filistia dabe dali hwįbo bomo mu yali. Tama agai te hwįbode wi isiąwai bomai bidi dabe te olo bidibo subo si da, teda agai augwali selama, tama augwali te aga ami bidi dabe pedalumainu sai dao.

1 Samuel 15:34

Tama nosali Samuel te Ramaba ma geasa peyu, tama te king Sol aga be te Gibeaba palio.

1 Samuel 24:3

Augwali pelama, te genuai ola be me deli te sunumi sese bulu dude elaluai, tama te sipsip meba obo pąde elaluali. Tama Sol aga te di tabo homu ebaso, tama aga te ola be tomoba pali. Tiali goli, Devit dali, te aga bidi dabe dali, augwali te ola be tomode mu dulalu bidaludai.

1 Samuel 26:2

Tama polo Solgo te wiegi yai Israel ami bidi te 3,000 selama, tama te tǫ wa pai bulu te Sifba pelama, Devit gegegi pali.

1 Samuel 8:11

Samuelgo te tiwai po augwalibolo wai, “Te dagego king bidi elalubo sogo, teda te kingo te tama sę dabe dageba yaibao. Agai te dagego ogwa dabe te ami bidi nigilaibao. Tama te hwįbo sogo meba te karisde dolalu hwįbadi, tama meba te hosde dualasa peyu, hwįaibao. Tama meba te king aga te karisdu gasaba me painu pabo sogode te asobode udada paibao.