1 Samuel 12:3 - Godigo dwagi yai po buku

³ Dagego eno kolesaga bugagia koneani. Tiali goli, eno dwai sę me deli dageba yaibaso da, teda dagego megi ena te Genuai Bidigo gedude, me te agai sa muani king bidi gedude, te ena po tų iliąo. Te eno bidi me deligo bulmakau me donki te sai dawe? Ma, eno te bidi me deli tibo po ola mayu, tama agai doado bage me wi sai dawe? Ma, eno bidi me delide dwai sę ilaliwe? Te bidi me deligo enabolo te po tų ebo te homu bega sabo po weyu, mone mawai dawe? Eno te tiwai sę me deli yaibaso da, teda megi dagego enabolo te po obaso, tama eno te sę wei ponoyu, tama dodolaibao,” te po wai.

1 Samuel 12:3 Iomraidhean Croise

2 Samuel 22:22

Eno te Genuai Bidigo bomai po bugagia wali pali. Eno te ena God tudiba munama, tama dwai kolesaga me ebeo.

Nehemia 5:11

Dago augwaligo negeli yali tagalao. Tama augwaligo te mone me wit, ma wain, me te oliv wel, te augwaligo negeli sali nai dabe te wei me ponogobeo. Tama te me wain gi me, oliv gi me, be me dagego te we bidide sali doado bage dabe, te dagego augwaliba ma maiąo, tama dagego te negelide ugwadu manani profit mone me te ma maiąo,” te po wai dao.

Godigo Nogi Ugwaba Sabo Tęąbi Po Wabo Buku Dabe 15:5

Tama te agade negeli sali bidigo te negeli wei ponobo sogo, agai te giguai mone ma ugwadu daganobo mone mao olama, agai sogobeo. Te gasa bidi dabego te dwai sę isąwai bidi me deli dali po tų yainogo eyu, tama augwaligo homu augwaligo te doloba pai bidibolo mone meba geme menama, tama agai te po tų ebode te tibo po kisilibo po waibao. Tiali goli, agai te mone selama, agai te tibo po kisilibo po wagobeo. Bidigo te dwagi yai kolesaga ebo wali pabo bidi aga tulalugobeo.

Ma Dobola Sali 20:17

“Nago gasa bidigo be sulama, pesą eyu, godolo igio. Tama nago gasa bidigo we dali gedu igio. Tama aga sę ebo bidi, me te sę ebo we, me te bulmakau, me bidi duabo donki, me te agai tigidali gasa nai dabe me, te nago godolo eyu, sabo homu me igio.”

Ma Dobola Sali 23:8

“Tama bidigo dage homu bega siyu, te po tų ebode tibo po omainogo te mone mobaso da, dagego te mone sigio. Magi basowe, te tiwai kolesagago te wiegi yai bidigo homu te tibo po wabo bidi tiwai pedelama, tama te dwai kolesaga isąwai bidigo po tų ebo aiyaba mesegelaibao.”

Bugagia Bidibo Kolesagade Po Asęai Buku 15:27

Te monede pesą eyu ebo bidigo tama te mone sainu te tobage haniani dwai kolesaga ebaso da, teda agai te dwai sęgę te aga we wai dabede te pedalubao. Tiali goli, te gasa bidi dabego te haniani dwai sęde te mone mabo sisąbo bidi da, teda aga te bugagia bidaibao.

Pris Sę Ebo Bomai Po 6:4

Bidigo te tobage kolesaga dabe ebaso, te sęgę ebao, te agai nai wi sabo kolesaga me tibo po wabo kolesaga ebaso, te doado bage wei ponao. Te aga yali kolesaga silimainogo ofa ebo sogo da, teda agai te doado bage aga ayabolo te nai tigidali wei ponao. Te agai 5 nai saibaso da, teda agai te 6 te tama nai wei ponobaso usu dao.

Israel Hanigo Namba 16:15

Mosesgo te po odama, aga sębę elama, tama Genuai Bidibolo e tama po walali, “Nago te bidi hani dabego sesali ofa nago selamu dao. Augwaligo te po wali, eno augwali subigila tolalubo po wali. Tiali goli, eno augwaligo kibu donki deli me wi siyu, me augwali dali dwai kolesaga me eyu me ebeo. Mu menio,” wali.

Matyu 22:21

Tama augwaligo te po wali, “Te Sisargo dao.” Tama agai augwalibolo te po wai, “Tama tibaso, te Sisargo nai, te dagego te Sisar agabolo wei ponoyu mao. Tama Godigo nai da, te dagego Godibolo mao,” wali.

Dwagi Yai Gesi Po Lukgo Asęani 19:8

Tama Sakius doligulama, agai te Genuai Bidi Jisasbolo te po wai, “Genuai Bidi, suao. Eno masigi dabe, doado bage tigidali si bugwaibao. Si bugulama, nai meni yai we bidi dobawaibao. Tama bidi mebolo eno ili po olama, agai nai wi sali da, tama megi te nai eno me si me si elama, wei ponaibao,” wali.

Godigo Sęba Tagala Palai Bidigo Po 20:33

Tama dagego mone me, ugwa me, me me dwagi yai nai eno pesa yai menio. Eno homugo dagego masigi dabe, ugwa dabe eno dagego ena me mao wai menio. Duga digi koneai dao.

2 Korin 12:14

Megi ena sela sogo dage bidibo madi asabo sisi ebao, tama dagego nai eno anoma eyu sainogo tama dagego duga masigigo ena tau sao po me wagobeo. Te menio. Odao, eno dagego nai me sogobeo. Menio. Eno dage naga sabo homu ebao, eno dage Kraisbolo momainogo ebao. Dagego koneani, te wai dabe augwaligo te nai dabe gegebo sę elama te aya de ida si tau sabo sę me egobeo. Menio. Te aya ida augwaligo naga te wai dabe augwali tau sabo sę yaibao. Tama ena da dagego aya tiwai dao.

Bomai Po 16:19

Te bidi dabe augwaligo te po tų odobo kolesaga te doloba pai kolesagadu naga yao. Augwaligo te po tų ebo dolama, tama bidi meba naga tau selama, tama te bidi meba aiyaba me elaluamuo. Tama augwaligo te bidi mebago augwali nai momainogo me elamuo. Magi baso meni. Te bidi gugu po olama mabo te nai dabego te doloba pai bidi dabego kolesaga dolama, tama te wiegi yai homu kolesaga yai bidi dabe te po tų ebo sogo augwaligo te po tų eyu, po bugagia dodologobeo.

1 Tesalonaika 2:10

Tama da dage Jisas wali pabo we bidi tomode bidali sogo, dago te gasagi yai mu kolesaga yali. God agai gedude dago yali kolesaga te dwagi yai mu yali. Tama we bidigo gedude dago yali kolesaga te doloba pai mu yali, tama te sę ebadi, magi dwai sę me yai menio. Tama te yali kolesaga dagego sulama, koneai dao. Tama God me agai te dago yali kolesaga sulama, koneai dao.

1 Tesalonaika 2:5

Dagego koneai, dago te wabo pode dage homu bega somainogo dago te po wabeo. Dago te Godigo po dage dali obadi, dagego nai sainogo dago tibo po dage dali weyu menio. Tama God agai me te sę ebo gedugo suai dao, te po mu po dao waibao.

1 Pita 5:2

Tama te homu kęna sabo po e dao: te kibu sipsip tonalubo bidi agai te kibu sipsip bugagia tonalubogia tama dagego te Godigo dagego nogoba muani we bidi bugagia tonaluao. Tama te sęde augwali tonalubo hagela homu eyu tama tonalugio. Woo, te menio. Dwagi yai homu naga eyu, dagego augwali bugagia tonaluao. Tama dagego te masigi naga somainogo te sę egimio. Te menio. Dagego homu mu bomo eyu, te augwali tau somainogo te sę yao.

1 Samuel 10:1

Tialima, Solgo te sę bidi polasa tagala palai, tama Samuelgo te oliv wel botol dwasianu me deli selama, tama te wel habu te Sol toboluba geliyu, te aga king pedalumainu nigiliyu, sa muani. Tama Samuelgo agaba te gesabidi nono neyu, te e tiwai po wai, “Genuai Bidigo te nage aga we bidi, te Israel dabego king bidi nigilali dao. Tama nago augwali tonalu, tama augwali tau siyu, te boi bidi dabego augwali dolomainu me egobeo. Tama megi eno te nageba nosali pedelabo sę po nagebolo wainogo ebao. Tama nago te sę dabe pedalubo subaso da, te nago koneao, Genuai Bidigo te nage sa muyu, te aga we bidi dabe tonalumainu nigilali dao. Te e tama tiwai sę dabe dao.

1 Samuel 12:4

Tialima, te bidi dabego po wei ponoyu, te tiwai po wai, “Mu menio. Nago da ili po ola mayu, te nai me deli anoma eyu, ma dwai sę te dabolo me ebeo. Tama te bidi me deli nage homu bega somainu ebo po me wabeo,” wali.

1 Samuel 12:5

Tama tialima, Samuelgo augwaliba te po wai, “Wiegi yai dao. Genuai Bidi dali king bidi agai sa muyu nigilali, te dagego wabo po augwali sigo odali, tama koneani, te dagego eno dwai sę yali me gegebeo.” Tama augwa te po wali, “Mu tama dao. Genuai Bidigo koneanio,” wali.

1 Samuel 2:35

Tiali goli, eno te pris bidi me deli nigilama, tama agai homu enaba mu munama, tama eno homugo emainu ebo sę tigidali te agai yaibao. Tama eno te agai hani dabe te sesemane sogo pris bidada pomainu ilama, tama augwali te eno nigilali king bidi dali sę emainu yaibao.

1 Samuel 24:11

Eno aya, suao, nago eno e tolalubo ugwa dage pedai bugagia suao. Eno te nago ugwade togwa sali, tiali goli eno nage me elibeo. Tama teyu, nago bugagia koneao, eno nageba dwai sę yabo homu me, te nage dolabo homu me elalubeo. Eno nagede hagoma eyu, nage dologode bidibo hagela homu ebeo. Eno tede sęgę sabeo. Eno dwai sę me deli nageba me ebe, tiali goli, nago ena gegebo sę eyu, te ena ela muainu ebao.

1 Samuel 24:6

Tama aga bidi dabe bidibo madiba ma pelama, tama augwaliba te tiwai po walali, “Genuai Bidigo enabolo te eno king dolomainu ilibeo, magi baso meni, te Genuai Bidigo digi aga nigilama, tama aga te king munama bidali. Eno te Genuai Bidigo sa muani kingba dwai kolesaga deli me egobeo,” wali.

1 Samuel 24:7

Tama Devitgo aga hani bidi dabeba wado po waliyu, tama augwaligo te Sol eligi pomainu ebeo. Tama Sol te di telama, tama aga hogodama peyu, tama te ola be tagalama, soalio.

1 Samuel 26:11

Genuai Bidigo agai te sa muani king te eno aga dolomainu ilibeo. Dago te agai sesemone me te sene wę naga selama, tama da pinao.” Devitgo te po wali.

1 Samuel 26:9

Tiali goli, Devitgo agabolo te po wali, “Tagalao, nago aga me dolamuo. Magi baso meni, Genuai Bidigo Sol te sa mubaso king pedelali, tama bidi me deligo te Sol dolobaso da, teda Genuai Bidigo te tebo bidiba dwai dene ilaibao.”