1 Samuel 11:4 - Godigo dwagi yai po buku

⁴ Nahasgo te Jabes dabego pode usu da po obaso, tama augwaligo te bidi meba te gasa Israel hani dabeba tagala palai. Te bidi dabe te Sol bidibo madi te Gibeaba sabolama, tama augwaligo te we bidibolo te po pusai. Te Gibea dabego odama, tialima, te augwali gela dwagila mu wai.

1 Samuel 11:4 Iomraidhean Croise

1 Samuel 10:26

Tama Sol aga bulu Gibeaba ma pali. Tiali goli, Godigo te bomai bidi meba homu hodolama, tama augwali te Sol dali pelawali.

Te Israel Tobolu Bidi Dabe 2:4

Nosali Mobo Bidigo te po wai madi, te tigidali Israel we bidi dwai gela mu wali.

1 Samuel 30:4

Tialima, Devit dali, te aga ami bidi dabe dali, augwali te dwai gela mu ola pidubadi, te augwa bomo siligi pabo si teba usu nani.

1 Samuel 15:34

Tama nosali Samuel te Ramaba ma geasa peyu, tama te king Sol aga be te Gibeaba palio.

Te Israel Tobolu Bidi Dabe 21:2

Tama te bage dabe te Betelba aselama, tama augwali te God gedude dualalubadi te giliga degegi palio. Tama augwa dwai gela mu wali.

Hibru 13:3

Dagego te ama dede augwaligo Krais wali pobaso te boi bidi dabe augwaligo augwali meba kalabus beba muani. Tama te kalabuside bidibo ama dabe dagego homugo konealuao, augwali tau sao, te duga digi te kalabuside augwali dali bidibo tiwai ebao. Tama te bidi dabe augwali tigide sęgę sabo te dagego homugo koneao. Dagego koneani, te duga me tigi elalubo dao.

Galesia 6:2

Tama dage tomode bidi me deli agai te tobage sęgę toloyu da, teda dagego aga tau mao. Tama dagego duga hasi te tobage tau sabo sę eyu da, teda dagego te Kraisgo bomo yai po usu nagasaibao.

1 Korin 12:26

Tama tiyu te tigi me badu pedai badu dene eyu da, te tigidali badu dwai bidaibao. Tama me deli badu te nogi sobaso da, te tigi tigidali badu augwaligo te aga dali wiegi yai homu yaibao.

Polgo Po Pas Rom Dabeba Asęani 12:15

Te bidi dabe augwaligo wiegi yai pemene ebaso, te dagego wiegi yai homu pemene augwali dali hodobo iyąo. Augwali homu dene eyu gela obaso, teda dage me augwali dali hodobo gela wao.

2 Samuel 21:6

Tama tibaso, dago homugo te nago dabolo te Solgo hani sibigo bidi te a naga olama, me si, te tama bidi dabolo momainu homu ebao. Tama dago augwali te bulu Gibeaba sela paibao, magi baso meni, Gibea te Solgo page bulu dao, te king te Genuai Bidigo nigilali. Tama te God Genuai Bidigo gedude te dago augwali te niba walama, tama augwali isimainu yaibao,” te Gibeon bagego te po wai. Tama Devitgo augwaliba te tama po wai, “Tialima, te eno augwali dageba mawaibao,” wai.

1 Samuel 14:2

Te sogo Solgo ugwa be te ni pomigranet dologode sę yani, te Mikron bulu, te Gibea tǫ pąde, tama te ami bidi dabe te 600 te aga dali te Mikronde bidai.

Tigidali Nai Gagalama Nigali Side 27:38

Tiali goli, Isogo bomonama, aga ayabolo hanaludubadi geani, “Aya, nago te dwagi yai po deli naga elaluai dawe? Aya, nage enabolo me te Yawego ena dali dwagi yai sę emainao po mao,” wali. Isogo te po olama, tama aga moni genuai gela ma wai.

Te Israel Tobolu Bidi Dabe 20:26

Tama te Israel bage dabe tigidali te Betelba ma pelama, tama augwaligo te Genuai Bidiba gela wagi pai. Augwali te Genuai Bidigo gedude dualaludubadi, te giliga dega sigulama, tama augwaligo te nai me wę me munu me tusiąwai. Tama augwaligo te siago domainu te tigidali siaba ulubo ofa te Genuai Bidiba homu deli elama, te tama ofa yalio.

Tuni Bidi Dabego Po Elalubo Buku Deli 12:3

Augwaligo polalubo ofisa bidi, te Ahieser. Te aga ama, Joas, aga te tomo bidi da. Augwali si te Semago ogwa, te Gibea taun bidi. Te gasa bidi dabe nogi e tiwai elalubao, Jesiel me Pelet, te bidi si Asmavetgo ogwa, te Beraka, me Jehu te Anatot taun bidi da,