1 Samuel 10:4 - Godigo dwagi yai po buku

⁴ Tama te sela bidigo nagebolo siade da weyu, tama te bret si nage mawaibao. Tialima, nago te bret sao,” wali.

1 Samuel 10:4 Iomraidhean Croise

Te Israel Tobolu Bidi Dabe 18:15

Tialima, augwaligo te sunumi tagalama, tama te Maikago beba pelama, tama augwaligo te Livai gesi ogwa bidi bidibo suali. Augwaligo agabolo te siade da po weyu, te po wali, “Nage bugagia bidibawe?”

1 Samuel 10:3

“Tialima, nago te bidi augwali si tagalama pobadi, tama te habu selali ni te Tabor buluba sabolama, tama nago tede bidi sela te gesabidi sueibao. Augwali te Godiba ofa ilainu, te Betel buluba pabo sueibao. Te bidi sela te bidi me deligo te gesi ogwa bidi meme sela te sela asobo, te gasa bidi mego te bret sela sesali, tama sela wali bidigo te meme tigi walide augwaligo te wain wę tabiali, te abilasa asobo sueibao.

1 Samuel 10:5

“Tama nosali nage te Godigo bulu du te taun Gibea te Filistia dabego ami bidi dabe bidalubo madi teba pao. Tama nage te taun pąba pabo sogo, te nago profet hani me deli augwa te bulu dude te alta tagalama, tama aiyaba dulubadi, te gesabidi deliba ununaibao. Tama augwaligo te tobage gita me, tamborin dabe me, ona elebo me, te tiwai eyu, tama te profetgo kolesaga ebo gilama, te Godigo po pususu paibao.

1 Samuel 16:20

Tialima, Jesigo odama, tama Devit te Solba tagala palali. Agai Devitbolo te donki me deli mobadi, tama te bret meba te basket side pągąnama, tama te donki tudi badu daide kęnani. Tama me agai te Devitba te meme wali me deli augwaligo te wain buai te mani, tama gesi meme me deli me, tama agai Devitbolo weyu, te nai dabe te Solba wiegi yai homu tiwai ilama mao wai.