1 Samuel 10:3 - Godigo dwagi yai po buku

³ “Tialima, nago te bidi augwali si tagalama pobadi, tama te habu selali ni te Tabor buluba sabolama, tama nago tede bidi sela te gesabidi sueibao. Augwali te Godiba ofa ilainu, te Betel buluba pabo sueibao. Te bidi sela te bidi me deligo te gesi ogwa bidi meme sela te sela asobo, te gasa bidi mego te bret sela sesali, tama sela wali bidigo te meme tigi walide augwaligo te wain wę tabiali, te abilasa asobo sueibao.

1 Samuel 10:3 Iomraidhean Croise

Tigidali Nai Gagalama Nigali Side 28:19

Agai te bulu nogi te Betel nogi poai. Polobadu te bidi dabego te bulu pąde elalubo hanu nogi Lus nogi yai.

Tigidali Nai Gagalama Nigali Side 28:22

Te e masigi eno ugwaba dualali, te e da nago be elalubo bulu da olama, sa muani. Tama tigidali ena mani nai, te eno nogo si badu togolama, te eno me deli pedai te nagebolo mawaibao,” Jekopgo te po wai.

Tigidali Nai Gagalama Nigali Side 35:1

Tama nosali Godigo Jekopbolo te po wai, “Nage hogodama, tama nage te Betelba pelama, tama nage teba osogo bidigi pao,” wali. “Tama nago te Godibolo ofa yabo te alta sai me deli nigao, te God nageba pedelali, te naga ama Iso dali wi ebaso soali sogo, te God nageba pedelai,” wali.

Tigidali Nai Gagalama Nigali Side 35:3

“Te dago te bulu taga peyu, te da Betel teba holoyu, tama paibao. Tama eno te Godibolo te alta me deli nigaibao. Agai ena te sęgę elalubo sogo tau sali, tama ena menaba pali, teba aga ena dali bidali,” wali.

Godigo Nogi Ugwaba Sabo Tęąbi Po Wabo Buku Dabe 89:12

Nago te not badu, me saut badu dali, te nigai. Te Tabor bulu du, me Hermon bulu du sigo te wiegi yai pemene eyu, nageba balia po obao.

Jeremaia 32:8

Tialima, nosali Hananel te ena kalabus bidibo pesageba asali, te ami dabe bidibo madi aselama, ena suagasali, te Genuai Bidigo po wali gilama yai. Te Hananelgo enaba te tiwai hanalu wali, “Eno homugo nago eno tǫ te Anatot taunde elalubo abelao, te Benjamin hanigo tǫde elalubao, magi baso meni, nage eno ama, tama nage te tǫ abelibo polalubo bidi. Nago abelama, te naga tǫ elaluagameo,” wali. Hananel aga digi dao te po ola silibaso, eno koneai, Genuai Bidigo homugo eno te Hananelgo wabo po tiwai gilama emainogo homu yai dao.

Pris Sę Ebo Bomai Po 1:10

“‘Bidi me deligo te ofa yabo sipsip ma meme sesebaso, agai te omai sipsip ma omai meme wiegi yai mu sesemainao, te keni kenigo aga tigi dolisąwai sela pao.

Pris Sę Ebo Bomai Po 23:13

Dagego te wiegi yai plaua me badu dage sao, te aga sęgę 2 kilogram, te oliv wel dali taluama, te wit ulubo ofa yao. Te isiba tigidali ulama dabo ofa dali ofa ilao, eno te ofa ebo denami godolo yaibao. Tama dagego te lita deli wain selama, te ofa si dali ofa yao.

Pris Sę Ebo Bomai Po 3:12

“Bidi me deligo te kibu meme ofa yainogo eyu da, agai te Genuai Bidigo geduba selasa pao,” wali.

Pris Sę Ebo Bomai Po 3:6

“Te bidi me deligo te sipsip kibu ma meme kibu selama, te Genuai Bidi dali deli haliga ebo ofa yabo homu ebaso da, teda agai te omai kibu sipsip ma so kibu sipsip, ma te meme kibu omai ma so kibu meme somainao. Tiali goli, agai te kibu sipsip ma kibu meme te wiegi yai mu te keni kenigo tigi me dolisąwai sobaso da, te usu dao.

Pris Sę Ebo Bomai Po 7:13

Tama me agai te yis elalubo bret me badu pedai dage selama, tama te Genuai Bidi dali deli haliga pedalubo ofa yabo usu yaibao,” te po wali.

Josua 19:12

Te Sarit pedai badu, te dąį pali, te Kislot Tabor te giliga pedalubo te sesege badu dąį igi palima, te pelama, Daberat sabolama, tama te Jafia te ugwaba pelama, sabolali.

Josua 19:22

Tama dąį pali, te Tabor pąba sabolama, tama te Sahasuma, me Betsemes dąį igi pelama, tama pali, te wę Jordanba sabolali. Agai te 16 hanu te tama hanu dali, te bulu pąde elaluali bulu dabe dali sai dao.

Te Israel Tobolu Bidi Dabe 20:18

Megi da, te Israel dabe te lotu wabo pesage te Betelba pelama, tama augwaligo te Genuai Bidiba hanalu wai, “Te da mena hani bolo te hasia pelama, te Benjamingo hani dabe dali hwįgi paibawe?” Tama Genuai Bidigo te po wali, “Te Juda hani bolo polasa pomainao,” wali.

Te Israel Tobolu Bidi Dabe 20:27

Te Dąų Wali Bomai Po halobage te sogo te Betelde munaluali, tama Finias, te Eleasargo ogwa, te Arongo ogwago, te tonalubo sę yai. Tama te Israel dabego Genuai Bidiba te tiwai po hanalu wali, “Te dago dena ama dabe te Benjamingo hani dabe dali ma hwįgi paibawe, ma dago tagalagawe?” Tama Genuai Bidigo te po wali, “Dage piąo. Do da, eno dage tau selama, tama dagego te augwali aiyaba elaluaibao,” te po wai.

Te Israel Tobolu Bidi Dabe 4:12

Te Siserago te Barak te Tabor bulu duba pali po odobaso,

Te Israel Tobolu Bidi Dabe 4:6

Tama Deborago po te Barakba ola tolali, te Abinoamgo ogwa da, te Naptali hanigo hanu Kedes te badu bidali. Tama Deborago agabolo te tiwai po wali, “God, te dago Genuai Bidigo, nagebolo te po wainogo yali: ‘Nage pelama, te Naptaligo hanide, me Sebulungo hanide te bidi sese umabo bidi e tama bidi, te 10,000 bidi dabe sigi pelama, tama augwali te bulu du Tabor teba sisinao,’ wali.

Te Israel Tobolu Bidi Dabe 8:18

Nosali Gideongo te Seba de Salmuna sibolo te tiwai po hanalu wali, “Te Tabor bulude, te dage sigo ela muani bidi dabe, te augwaligo gesabidi te mena tiwai yaliwe?” Tama augwali sigo te tiwai po wei ponai, “Te augwaligo gesabidi te nago gesabidi naga tiwai. Augwali tigidali te king bidi deligo wai dabe tiwai dao,” wali.

1 Samuel 10:4

Tama te sela bidigo nagebolo siade da weyu, tama te bret si nage mawaibao. Tialima, nago te bret sao,” wali.