1 Samuel 1:6 - Godigo dwagi yai po buku

⁶ Tama Peninago homugo te Genuai Bidigo te Hana haliga paliali homu yali, tama agai te Hanabolo te posobo po me hale ebo po te Hanabolo wali, te Hana haliga sęgę ilibo sę yai.

1 Samuel 1:6 Iomraidhean Croise

Tigidali Nai Gagalama Nigali Side 30:1

Te Reselgo wai me ame nisąbadi te sogo, agai te aga ama Lea dali haliga sębę elama, tama Jekopbolo te po wai, “Nago enabolo wai mao. Te menisiąyu da, teda ena isaibao,” wali.

2 Samuel 6:23

Tama Mikal, Solgo wegi, te aga wai me ame nisąbadi, te aga isibo sogoba usu nani.

Jopgo Po Asęani Elalubo Buku 24:21

“Tiali goli, eno po da, e tama dao. Te dwai bidi dabego te dwai kolesaga te wai ame nesiąma ebo we dabede ebo dao. Tama augwaligo te wilawe we dabe tau sabo menio.

Jopgo Po Asęani Elalubo Buku 6:14

“Bidi te genuai sęgę elalubo sogo da, augwa abagi mu dabe pąde elalubo dao, ma agai God tudiba sąwai badi, me aga God dologode me bidibadi.

Pris Sę Ebo Bomai Po 18:18

Nago naga wego ama nago sigio, te nago we bidibadi sigio. Tiyu, nago augwa si wado yabo sę ilabuo. Te kolesaga dolo ebeo,” te po wai dao.

Te Israel Tobolu Bidi Dabe 11:37

Tiali goli, te wegigo aga ayabolo te tiwai po wali, “Eno homugo te nago enade sę yabo po me deli omainu te homu ebao. Eno homugo te nago ena te polua si ena gogolama bidimainu homu ebao. Tama ena te ena abagi dabe dali pelama, tama bulu dude bilaluyu, tama ena te bidigo sisąbadi te isaiba olama, te homu dene ebo gela ola bilainu yaibao,” wali.

1 Samuel 1:7

Te hauwa kibu bede Peninago te tobage kolesaga te Hana dali yali. Tigidali sogo augwali te Genuai Bidigo beba pabo sogode, Peninago te Hanaba posobo po obaso, tama Hana aga te pode homude dwai dene ebaso, tama gela weyu yali, tama tiyu, aga nai tusiąma, nai gisiliyu yai.

1 Samuel 2:1

Tama Hanago God dali te tiwai po wai, “Genuai Bidi, nago ena wiegi yai homu pemene umabo emainu ilali. Tama nago te genuai nogi enabolo mani, te eno homu wiegi yai pemene mu ebao. Tama eno te ena boi bidi dabede te gisugu dwai mu mobao. God, nago ena tau sali, tama eno haliga bugagia mu ebao.