1 Samuel 1:3 - Godigo dwagi yai po buku

³ Te tigidali kibu be te deli sogo naga te Elkana te aga bidibo hanu tagalama, tama te Silo buluba pelama, te Tigidali Bomo Elalubo Genuai Bidibolo te lotu po wainu, te ofa dabe igi pali. Hopni dali Finias si, te Eligo ogwa si, te Genuai Bidiba pris sę ebo bidi si te bulude bidali.

1 Samuel 1:3 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 78:60

Tama agai te aga Silode elaluali ugwa be tagalalio. Te bede aga te we bidi dabe tomode bidali.

Ma Dobola Sali 23:14

“Tama deli deli kibu bede sela sogo dagego genuai lotu enaba wabo bodolu muao.

Ma Dobola Sali 23:17

“Ena God, dagego Genuai Bidi, tama eno te kibu be deli delide sela sogo lotu wabo bodolu muani, tama te tigidali bidi dage aselama, enaba lotu po te sogo wagasiąo.”

Ma Dobola Sali 34:23

Tama deli kibu bede sela sogo, dage bidi tigidaligo ena Tigidali Nai Tonalubo God bidibo madi aselama, lotu po wagasao, te duga Israel duga Genuai Bidi dao.

Dwagi Yai Gesi Po Lukgo Asęani 2:41

Te Jisas aga aya dali ida si Genuai Bidigo te Juda dabe augwali dąį ilalide Godigo enselgo augwali ela soali te kone palu tubo nai tubo sogode tigidali kibu be tomode augwali si Jerusalemba holoduai dao.

Bomai Po 16:16

“Tama tialima, sela sogo deli kibu be tomode te duga hani bidi dabe dage naga te Genuai Bidiba lotu po wabo sa muani pesage deliba pelama, lotu weyu yao. Te sela sogo te e tama dao. Te Yis Meni Yai Bret Genuai Sogo, me te Gide Nai Siyu Wiegi Yai Homu Pemene Ebo Sogo, tama me te Osogo Bidabo Yano Bede Bidibo Genuai Sogo. Tama dage bidi deli deli nogo olo Genuai Bidigo geduba olo me aselamuo.

Josua 18:1

Te Israel dabe augwaligo boi hwįnama, te tigidali bulu bidi dabe aiyaba elaluama, tama augwa hani tigidali te Siloba sisinani. Tede augwaligo te God dali sisinabo lotu be, te ugwa be, te augwaligo dodolama muai.

Te Israel Tobolu Bidi Dabe 18:31

Tama te Maikago tibo god dabe tede elalubadi, te Godigo ugwa be te Silo bulude elaluai dao.

Te Israel Tobolu Bidi Dabe 21:19

Tama teyu, te polalubo bidi dabego te po wali, “Te Godiba genuai nai ulubo nai daa tubo sogo te megi da pąba yagasalio. Te ulubo nai daa tubo sę te tigidali kibu bede pedalubo, te megi te Silo hanude pedalubao,” wali. Silo te Betel pedai badu te notde elaluali, te Lebona bulu pąde te saut badu, tama te giliga pedalubo badu te bulu Betel me Sekem si pabo sunumi tomode dao.

1 Samuel 1:21

Te tudi badu nosali, Elkana aga we wai puluba dali te Siloba ma pelama, te augwa Genuai Bidiba te tigidali kibu bede te ofa igi pabo tiwai ma igi pali, tama me te agai dąų walali bomai po me deli te usu nainogo homu yai.

1 Samuel 1:9

Me sogo deli sogo augwali te Silode bidalu, tama augwa nai tula silibo si, tialima Hana hogodasa palima, te Genuai Bidiba ofa maiabo name ugwa be pąba doligi pali. Te sogo te pris bidi Eli te aga duabo sia saide dulalubadi, te Genuai Bidigo be obo bagulali tomoba pabo sunumi pąde dao.

1 Samuel 14:3

Pris Ahiya te prisgo bebo ugwa gudama, te augwali dali bidai. Ahiya te Ahitupgo ogwa. Tama Ahitup te Ikabotgo ama, te Finiasgo ogwa si. Tama Finias te Eligo ogwa dao, te Genuai Bidigo pris polobadu te pris bidi te Silo bulude bidai. Tialima, Jonatan pai, tiali goli, te Solgo ami bidi dabego te Jonatan pali konebeo.

1 Samuel 2:19

Te tigidali kibu bede te aga idago te aga bulubo ugwa me deli nigiyu yai. Tama te tigidali kibu bede te aga ida de aya sigo te ofa yagasu asobo sogo, te idago te holobo ugwa sela aselama, te Samuelbolo magasu yai dao.

1 Samuel 2:34

Tama nosali nago ogwa si, Hopni me Finias, te augwali si te deli sogo bubugade naga isaibao,” wali. “Tama augwali si isibo sogode nago koneaibao, eno te wali po tigidali mu po da homu yaibao.

1 Samuel 3:13

Eno homugo nago te tiwai po agabolo walao, te eno agai hani sibi dabede te yaibao wali sę elama, tama augwali mu silaibao, magi baso meni, te agai ogwa sigo dwai po enabolo wali. Tama Eli aga digi augwali sigo te sę ebo kolesaga koneani, tiali goli, agai augwali si te sę ebo hagebeo.

1 Samuel 4:11

Tama augwaligo te Eligo ogwa si me elibadi, tama augwaligo te Dąų Wali Bomai Po Muani Genuai Bidigo Halobage, te me sobadi yai.

1 Samuel 4:4

Te polalubo bidi te hetman dabego te po wali silibo side, teda te ami bidi dabego te bidi meba Siloba tagala palama, tama augwaligo te Dąų Wali Bomai Po Munalubo Halobage te Genuai Bidigo Tigidali Bomo Elalubo, te halobage sigi pomainu tagala palai. Te halobagede te ensel bidi noma nigali elalubo, te ugwadu daide elaluai, tama te Genuai Bidi king duabo sia sai tiwai elaluai. Tama augwaligo te halobage sela asobo sogo da, teda te Eligo ogwa si, Hopni me Finias sigo te Dąų Wali Bomai Po Munalubo Halobage sela asobo tonalua asu, te bidi dabe dali asai dao.