1 Samuel 1:2 - Godigo dwagi yai po buku

² Elkanago we si sai, te we si nogi Hana me Penina. Peninago wai meba ame nani, tiali goli Hanago wai me ame nabeo.

1 Samuel 1:2 Iomraidhean Croise

Tigidali Nai Gagalama Nigali Side 11:30

Tama Saraigo wai ame nabo usu me ebeo.

Tigidali Nai Gagalama Nigali Side 25:21

Te Aisakgo wego wai me ame nabeo. Tama tibaso, Aisakgo aga tobade gedu haluasa po weyu, te Yawego aga we tau somainu yai. Yawego te Aisakgo gedu haluasa po wabo odama, tama Rebeka haliga yalio.

Tigidali Nai Gagalama Nigali Side 29:31

Te Yawego suali, te Jekopgo Lea te godolo kuna me isąwai. Tama agai te Lea haliga emainu tau sai. Tiali goli, Reselgo wai meni yai.

Tigidali Nai Gagalama Nigali Side 4:19

Tama nosali Lamekgo we si sai. We me deli nogi Ada, tama mego nogi Sila dao.

Tigidali Nai Gagalama Nigali Side 4:23

Tama me sogo te bidi Lamek aga we sibolo te po wai, “Ada me Sila, dage sigo eno pedauwalide po wabo odiąo. Dage si da, te Lamekgo we da, dage sigo eno po bugagia odiąo. Bidi me deligo ena elibaso, tama eno aga ela muani. Te bidi aga gesi ogwa bidi bidibadi, tama agai ena subigila dodolama elibaso, te eno aga ela muani.

Matyu 19:8

Te Jisasgo augwalibolo te po wai, “Dage te masigi homu tomoba sąwai elalubo bidama dobaso, tama tiyu Mosesgo suali dagego te tiwai kolesaga ebaso, agai dagego wąį dabebolo te we sela sąbo po wai dao. Tiali goli te Godigo tigidali nai nigali sogo te tiwai kolesaga meni yai dao.

Dwagi Yai Gesi Po Lukgo Asęani 1:7

Tiali goli augwali si wai menio. Te we Elisabet aga haliga dąų wai. Te Elisabet dali Sekaraia dali augwali si monu dabe mosi dabe eyu, wai ame nabo usu meni yai.

Dwagi Yai Gesi Po Lukgo Asęani 2:36

Te Simeon agai wali po silibo si, te mosi dabe we me deli te Godigo po pusa mani profet we tiwai we bididuali, te we aga nogi Ana dao. Aga te Fanuelgo wegi dao, te Aser hani we dao. Te we mosi dabe mu dao. Te mosi we te Moni Lotu Be tempel tomoba asali. Te mosi we gesi tigi elalubadi bidigo selama bidali, te kibu be nogo a naga me badu nogogo si te 7 yia dao. Tama nosali aga bidi isaide, te agaduba naga bidali kibu be 77 bidali. Te aga bidi dali bidali kibu be dali deliba taluyu, te bidi sese me si me si tama me si me si, te 84 yia dao. Te we agai te Moni Lotu Be tempel taga pabo menio. Aga nai habu selama, Godibolo gedu haluasa po hanaludu bidama, Godigo sę me ulade eyu, hulide eyu yai dao.

Te Israel Tobolu Bidi Dabe 13:2

Tama bidi me deli te Sora hanude bidali, te bidi nogi Manoa. Aga te Dango hani bidi. Te agai wego te wai me ame nesiąwai.

Te Israel Tobolu Bidi Dabe 8:30

Agai ogwa dabe te bidi sese sela olama, te gasa nogo si te 70 tama elaluali, magi baso meni, te agai we hauwa elaluai.